EPHESA 5:27 - PATHIAN LEKHABU THIANGTHO (BSI)

²⁷ a kochuam chu mêlhêmna bei leh thiangtho tak ah, ama â ding ah mêlpha leh gun tak ah a umtheina ding un a kipumpiak tangal a.

EPHESA 5:27 ပူးပေါင်းရင်းမြစ်များ

SAM 45:13

Leng chanu chu sana ah chei, sil leh chên ah thuam ahi’n;

SAM 87:3

Aw Pathian khawpi! Nangma ah thil lopi takte chu a gen sek ui.

SOLOMON LÂ 4:7

Ka hepi, La mêl chu a pha bukimna lawm lawm e! nangma ah chun demna ding him him a um puai.

ISAI 62:3

Lalpa khutpek ah chun, lopina lal lukhuk hung hita’n la tin, la Pathian khut ah chun, lengpa lal lukhuk jem in hung pang ta’n la.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

2 KORINTH 11:2

Pathian thangsiatna’n ei vei ka hun thangsiat; Khrista kiang ah nungak thiangtho gual ah ka piakdaw theina dingin, pawsal khat ka hual piak la hiu.

2 KORINTH 4:14

Lalpa Jesu kaithopa chun kei uh le Jesu ah chun ei kaitho intin, nang uh tawh a ma-âng ah ei dinsak ding ahi ti ka hiau.

EPHESA 1:4

ama ah thiangtho leh demna umlo ding ah lei chung pian masang ah ei uh ei la têl tâk gual in.

KOLOSSA 1:22

tu’hin vang ama leisiat hinkhua taksa hun thi’sak in, thiangtho, demna bei leh mawchansak theilo ding ah a ma-âng ah a hun piakdaw theina ding in,

KOLOSSA 1:28

Mitin Khrista Jesu ah bukim tak ah ka piak theina ding un mitin chu hil in, pilna zosia ah hil in, ama chanchin chu ka gen sek uh ahi.

1 THESSALONITE 5:23

Chamna Pathian ngei chun la pum un hi’thiangtho ta hen; chuleh, la thagau uh leh, la lungthim uh leh, la taksau chu I Lalpa Jesu Khrista hung tiang ah thiangtho leh demna bei in um ta hen.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

1 PETER 1:19

belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.

2 PETER 3:14

Ziaziakchun, doitakte haw, zia gual thilte chu la kinep ziak un, buak bek lo, gensiat bei leh thamuang tak ah a hun mutheina ding in taimat sua unla;

JUDA 1:21

Pathian hepina ah um zing unla, kumtuang hinna ah pui tung thei I Lalpa Jesu Khrista hepina chu ngâk zing tau in.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.