EPHESA 5:25 - PATHIAN LEKHABU THIANGTHO (BSI)

²⁵ Pawsalte haw, Khrista’n a kochuam a hepi ah, a thasâng ah a kipiakdaw gual in, nang unle la jiteu hepiu in;

EPHESA 5:25 ပူးပေါင်းရင်းမြစ်များ

THILSIAM THU 2:24

Ziaziak ah hin, pawsal in a nu leh a pa nusia in, a ji lam ah bek intin; tichun, taksa pumkhat hung hita’n au.

THILSIAM THU 24:67

Isak in Rebekah chu a nu Sarah puan In ah chun a pui lût ah; tichun, a kichenpi ta’n; a hepi ma ma ah. Tichun, a nu thi’nung ah chunle Isak chu a hung thamuang thei tai.

2 SAMUEL 12:3

himaleh, mi chagapa chun belamno anu pakhat a chawk ti bep lo chu bangma dang a nei puai. Zia gancha chu a enkol ah, ama tawh a chate lak in a khanglian ah, a an nei sun ah vâk in, a dawn dingle a pia’n, a pheichung in a lupsak in, ama â dingin chanu gual ah a nei ahi.

SOLOMON LÂ 1:11

La kicheina ding sana leh dangkati, kithiatte hun siam piak ing ka.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

EPHESA 5:2

Khrista’n ei hepi ah, ei uh â ding ah gimtui ah Pathian kiang ah thillat ah a kipiak gual khan, hepina nei zing tau in.

EPHESA 5:24

Kochuam chu Khrista thunuai ah a um gual hin, jite le bangkim ah a pawsalteu thunuai in a um diu ahi.

EPHESA 5:28

Zia gual ma chun, pawsalte’nle a jiteu chu amau taksa gual ah a hepi ding uh ahi. Kuale a ji hepi chu ama kihepi ahi.

EPHESA 5:33

Banghitaleh, la lak ua kua hi ziangleu chinle, nangmau la kihepi gual tak un, la jiteu le hepi chiat un; chuleh, ji chunle a pawsal chu a tak in ki’cha ta hen.

KOLOSSA 3:19

Pawsalte haw, la jiteu hepiu inla, a chung un engsiat bawl kiu in.

1 TIMOTHI 2:6

ama chu mi zosia tatna dingin a hung kipe tai, zia thu chu a hun tak ah taklat in a um tai.

1 PETER 3:7

Pawsalte haw, zia gual ma chun, numei chu bêl kêk vak zaw leh, hepina hinna gochanpite a hiu hezing kawm in chawihoi un; tichun, la pauchapnateu dâl in umlo ding ahi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;