EPHESA 5:20 - PATHIAN LEKHABU THIANGTHO (BSI)

²⁰ I Lalpau Jesu Khrista min in, Pathian, Pa ngei kiang ah chun bangkim in kipak thu gen zing tau in.

EPHESA 5:20 ပူးပေါင်းရင်းမြစ်များ

JOB LEKHABU 1:21

“Ka nu sul ah kipat ngawnchang in ka hung pawtdok in, ngawnchang ma ma’n kile’kit ding ka hi; Lalpa‘n ei pia’n, Lalpa‘n a la kit tai; Lalpa min chu pâk in um ta hen,” ti in.

SAM 34:1

Bangtik lai inle Lalpa chu chawihoi zing ing ka tin; ama pâkna chu ka kam in pawt zing in a.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

NASEPTE 5:41

Vaihawm pawlte lak ah kipat a pawt daw phat un, zia min ziak ah mualphona thuak tâk ah ngai a hiziak ua chun, a kipak ma mau a.

ROMTE 1:8

Khawvel zosia la ginnau chanchin gen ah a um tâk ziakin, Jesu Khrista jal ah chun ka Pathian kiang in kipak thu ka gen masa ahi.

1 KORINTH 1:4

Pathian hepina Jesu Khrista ah a hun piak ziakin, la chung thuu ah Pathian kiang in kipak thu ka gen zing hi.

1 KORINTH 15:24

Vaihawmna zosia leh lalna leh thuneina zosia a suksiat zaw phat leh lenggam chu, Pa Pathian kiang ah pedok ta’n tin, ziaphat chuleh, tawpna chu tung ta’n a.

EPHESA 5:4

Jamaw thute, thu manlo leh tawt thugente haw hi a kilawm ta puai; ziate haw sâng ah chun kipakna thu gen zaw tau in.

PHILIPPI 1:3

Nanghaw ka hetdaw phat si’n leh, ka Pathian kiang in kipak thu ka gen sek hi.

PHILIPPI 4:6

Bangmalo mai mai in lungkham kiu inla, bangkim ah pauchap leh don in, kipak thu gen kawm in, la dotnateu chu Pathian kiang in hiatsak zaw tau in.

KOLOSSA 3:17

la hi tapo uh thugen a hem, thil hi’ a hem, ama ziakin Pa Pathian kiang in kipak thu gen kawm in, Lalpa Jesu min in hiu in.

1 THESSALONITE 3:9

I Pathian ma-âng in nangmau ziak ah ka kipaknau a hung um kit hi; nangmau lam thu ah Pathian kiang in kipak thu bang gual in ka gen ta bep diam uh?

1 THESSALONITE 5:18

Bangkim in kipak thu gen zing un, zia chu nang mau lam ah Khrista Jesu jal ah Pathian lung lam ahi ngal a.

2 THESSALONITE 1:3

Suapite haw, nangmau chung thu ah hin Pathian kiang ah kipak thu gen ding him ka hiu; zia chu hi’ding ah kilawm him ahi, la ginnau chu nasa tak ah khang in, la leng ua la kihepi tua chiatnau chu a khan belap zing ngal a.

2 THESSALONITE 2:13

Lalpa ah suapi doitakte haw, Thagau Thiangtho leh thutak ging ah hi’thiantho ah hukdam ah um dingin, a tîl ah kipat Pathian in a hun têl ziakin, la chung thuu hin vang Pathian kiang ah kipak thu gen zing ding him ka hiu.

HEBRAITE 13:15

Ziaziakchun, ama ziak ah pakchat kithoina chu Pathian kiang in pia zing hitiu, zia chu ama min I puandawnau mûkte ga chu ahi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.