EPHESA 5:17 - PATHIAN LEKHABU THIANGTHO (BSI)

¹⁷ Ziaziakchun, ngolhuai tak in um kiu inla, Lalpa lung lam chu hawl in hiatthiam gaw zawu in.

EPHESA 5:17 ပူးပေါင်းရင်းမြစ်များ

JOB LEKHABU 28:28

Ziaphatchun, mihingte kiang in: “Lalpa launa chu vang pilna ahi takzet in, thil phalo nutsia hi, hetthiamna bul chu ahi takzet hi,” a tii.

SAM 111:10

Lalpa launa chu pilna bul ahi; zia mangcha taphot chun hetthiamna pha a nei ui. Ama pâkna chun kumtuang a dai hi!

SAM 119:27

La thununna lampite chu ei hiat thiamsak inla, tichun, la thilbawl lamdang takte chu, ngaitua ta’ng ka.

THUPILTE 14:8

Mi kivêk pilna chun a chiana ding lampi dik a kihiat zing in; mingolte ngolna chun amau a pui mang sek hi.

THUPILTE 2:5

Lalpa launa châng hun hia’n la tin, Pathian hetna chu hun mudok in la.

THUPILTE 23:23

Thu tak chu chawn la, zuakdok kit ta kin; pilna, hilna leh het thiamnate hi kichawk in.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

EPHESA 5:15

La hin dan uh chu mingolte gual ah umlo in, mipilte gual in pilvâng tak in um zaw tau in.

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

KOLOSSA 1:9

Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

KOLOSSA 4:5

Chuleh, hun apha thei pen ah mang zing in, pawlam mite lak ah chun chingthei tak in um un.

1 THESSALONITE 5:18

Bangkim in kipak thu gen zing un, zia chu nang mau lam ah Khrista Jesu jal ah Pathian lung lam ahi ngal a.

1 PETER 4:2

Tichun, tu’nung ah taksa ah um lai sia, mihing nopna lam ah um talo in, Pathian doilam in a um ta ahi.