EPHESA 5:14 - PATHIAN LEKHABU THIANGTHO (BSI)

¹⁴ mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

EPHESA 5:14 ပူးပေါင်းရင်းမြစ်များ

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

ISAI 51:17

Aw Jerusalem, hung tho inla, hung kipan inla, hung dingdok tiam in; Lalpa khut ah a lungnatna no ah um chu, la dawn kham ta’n, kithinna no ah a tawnên tiang in, la chîp kang ta chulam.

ISAI 52:1

Aw Zion, hung tho inla, hung thodok in, la hatna chun hung kithuam in! La puan hoi takte khan hung kithuam inla, aw Jerusalem khawpi thiangtho; zektanlote leh mi buakte chu, hung lut talo ding ahi ngâl un.

ISAI 60:1

Hung kipan inla, hung vâk in; la vakna a hung tung ta’n, Lalpa lopina chun a hun salvâk ta’ngal a!

LUKA 1:78

I Pathian jangaina chu hung kilang in, zia kipat chun chung lam vâk in ei hung kan tha’n tin;

LUKA 15:24

Zia ka chapa hi a thisa hung hing kit, a mangsa kimu kit ahi,” a tia. Tichun, nunnop a hun bawl pan tau a.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

JOHAN 9:5

Khawvel ah ka um sung hin khawvel vâk chu ka hi,” a tia.

NASEPTE 13:47

Lalpa‘n thu ei piak dan chu: ‘Jentelte salvâk dingin ka hun tundaw la hi, lei langkhat tawp chan ah hukdamna lampi taklang dingin,’ ei ti ka hiu,” a tiu a.

ROMTE 6:13

Chuleh, la taksa bakteu hile gitlo lam ah dik lona matchâk dingin pia phal kiu inla; thina kipat hing kit gual in, Pathian lam ah dikna matchâk dingin pia phal zaw tau in.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

EPHESA 2:1

Nanghaw le, la sukkhial leh gitlonateu ziak ah thi la hi’lai uh khan, a hun hinsak la hiu a;

EPHESA 2:5

I sukkhialnateu ziak ah thi I hi zing lai un, Khrista tawh kigual in ei suhing ta’n, hepina ah hukhin la hitau hi.

KOLOSSA 3:1

Chutichun, Khrista tawh kaithaw ah la um tâk uh chun, chunglam ah Pathian changlam ah kichû Khrista umna thil umte chu hawl un;

1 THESSALONITE 5:6

Ziaziakchun, midangte gual in ipmu puai tiu, hak zing in, ngaichâng tak in um zawi tiu.

2 TIMOTHI 1:10

himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

2 TIMOTHI 2:26

chutia chu, ama lung lam ahi ding ua, amau sal ah a la manpa diabol thâng ah kipat a suachâk theina ding un.