EPHESA 4:9 - PATHIAN LEKHABU THIANGTHO (BSI)

⁹ (Aleh, mi leimun nuainung pen ah a kum suk masak zet lo chun, bangti’n “A chia to,” kiti thei ding a hem?

EPHESA 4:9 ပူးပေါင်းရင်းမြစ်များ

THILSIAM THU 11:5

Tichun, mihingte khawpi leh Insâng bawlte entha dingin Lalpa chu a chia suk tai.

SAM 139:15

A gûk ah siam ka hi’lai ah, lei mun thûk pen ah hoi tak ah siam ka hilai khan, ka gu leh chângte hi nangma ah kipat, selgûk in a um puai.

SAM 63:9

Ka hinna hi’mangthai gua ei hawlte chu vang, lei nuainung pen ah chun lut intiu in;

SAM 8:5

Nang in amau chu, Pathian sâng ah niamzaw deu in la siam ah, lopina leh ja umna’n la thuam ngal a.

PAWTDAWNA THU 19:20

Sinai tâng chung ah Lalpa a hung suk ah, tângvûm a hung tun in, tâng chung lam ah chia to dingin Lalpa chun Mosi a hun kodok ah; tichun, Mosi chu a kal to tai.

THUPILTE 30:4

Kua a hem van ah kaldok ah hung kumtha kit chu? Kua a hem a khutpêk sung ah hui kichoi thei chu? Kua a hem puan ah tui chûn thei? Kua a hem lei chung kawlkil zosia phu det? Ama chu kua a hia, a chapa min le bang a hem? Nang in la he ma ma hi!

ISAI 44:23

Aw vante haw, La sa tau in, Lalpa‘n a bawl zo tai; leimun niam pente haw, hung kikodok tau in. Aw tângsangte, gammâng leh, a sung ah thing zosiate haw, La sa’n hung kikojak tau in! Lalpa‘n Jakob a hukdok ta’ngal a, Israelte lak in choisa’n in, hung um ding ahi tai.

EZEKIEL 31:14

Tu’kipat thingkung dang zosia, bang gual ah tui in a chapno hiziang leh le, zia gual ah chu sâng ah, a jik in vansûm dawtpha hial ah sâng a um kit tâklo’na ding ahi. A leng un nuaimi gam ah um dingin, thi’na kiang ah piakdaw ahi ta’ngal un; mihing zosia tawh a leng un, mithi khua’n a kiton lut tau hi.

MATTHAI 12:40

Jonah chu ngapi gilpi sung ah ni thum leh jan thum a um gual khan, Mihing Chapa le lei nuai in ni thum leh jan thum um in a.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

JOHAN 3:13

Kuama van ah kal to kha a um puau, van ah kipat hung sukpa, Mihing Chapa van ah umpa tilo ngal hi.

JOHAN 6:33

Pathian vaithum chu van ah kipat hung suk ah, khawvel â ding ah a hinna pepa hiding ahi,” a tia.

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 6:41

Keima hi van ah kipat vaithum hung suk chu ka hi, a ti ziakin, Judate chu a chung in a phun tau a:

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

JOHAN 6:58

Zia hi van ah kipat vaithum hung suk chu ahi, la pu leh pateu in manna a nêk ua, a thi gual uh kha ahi puai; kuale zia vaithum ne’ hi kumtuang ah hingden ta ding ahi,” a tia.

JOHAN 6:62

Chuti ahileh, Mihing Chapa hi masang ah a umna ngai ah khan, a kal to mu leuchin bang la tiding awm?

JOHAN 8:14

Jesu’n a dawnhu, a kiang un, “Keima leh keima kigen hiziang lengle, ka thugen hi a dik hi; khoi ah kipat hung ka hi ka kihia hen, khoi ah chia ding ka hile ka kihiai; nang un vang khoi ah kipat hung ka hi la gen thei puau in, ka chiana dingle la gen thei diak puau hi.

HEBRAITE 2:7

Amau chu vansawlchâkte sâng ah nuainung zaw deu in la siam tadi in, lopina leh za umna la khuk sak in, a keng nuai ah bangkim la koi a,” ti in.

HEBRAITE 2:9

himaleh, Jesu chu vansawlchâkte sâng ah niam zaw koi ah um tadi chu, Pathian hepina ah mitin â ding ah thina chu a tepna dingin, thina chu a hung thuak ah, choihoina leh za umna hung chang ta chu I la mu tau hi.