EPHESA 4:8 - PATHIAN LEKHABU THIANGTHO (BSI)

⁸ Ziaziakchun, “Chung lam ah a chia to lai khan, matte chu sal in a pui ah, mite kiang ah chun thilpiakte a piai,” ti ahi.

EPHESA 4:8 ပူးပေါင်းရင်းမြစ်များ

ESTHER 2:18

Tichun, Esther lopna, luaithe’na thupi tak chu lengpa’n a milian leh lalte zosia chu tawh a bawl ta’n; chuleh, a lenggam pumpi ummit ni ah puang in, lengpa kiphalna dungzui in thilpiakte le hawm jak ahi.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

THUPILTE 30:4

Kua a hem van ah kaldok ah hung kumtha kit chu? Kua a hem a khutpêk sung ah hui kichoi thei chu? Kua a hem puan ah tui chûn thei? Kua a hem lei chung kawlkil zosia phu det? Ama chu kua a hia, a chapa min le bang a hem? Nang in la he ma ma hi!

EPHESA 4:11

Tichun, khenkhatte chu sawlchâk hiding in, khenkhatte chu jawlnei hiding in, khenkhatte chu Pathian thugen dingin, khenkhatte chu kochuam vâk ding leh khenkhatte chu zilsak ah pang dingin thilpiak a pechiat a;

KOLOSSA 2:15

Thuneina leh thilhitheinate chu liptha’n, kros ah chun ziate chu zo in kilang tak in a etsak tai.

VAIHAWMTE 5:12

Tho in, tho in Deborah! Tho in, tho inla La sa’n! Kipan in aw Abinoam chapa Barak, la salmatte chu pui mang ta’n.

1 SAMUEL 30:26

David chu Ziklag a hung tun kit phatin, a gâl lâk lak ua bang a hem jat chu a gualteu, Judah upate kiang in a thot un, a kiang un, “Lalpa mêlmate ah kipat gâl lâk lak ah kipat nang uh chan ding ah thilpiak ahi,” ti’n thu a thot a.