EPHESA 4:32 - PATHIAN LEKHABU THIANGTHO (BSI)

³² Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

EPHESA 4:32 ပူးပေါင်းရင်းမြစ်များ

2 SAMUEL 7:21

La suakpa hin a hiattheina ding ah la thutiam leh lungtupna ziak ah nang in zia thil lopi takte hi la bawl ahi ngal a.

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

SAM 145:9

Mitin â dingin Lalpa chu a pha’n, a thilsiam zosia chu a lainat hi.

THUPILTE 12:10

Midik in a ganchate mamaw ding a he sek in; mi nunsia ja’ngaina sang pen chule a hiamngam zaw nalai hi.

THUPILTE 19:11

Lunggêl thei mi chu a lungna vak pua hen, mi phatlona kihiatmawsak chu a lopinau ahi.

THUPILTE 19:22

Mihing ah doi um pen chu diktatna ahi’n, chatgana chu lepchiana sâng in a pha zawi.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

JEREMIAH 38:12

Ziaphatchun, Ethiopia mi, Ebed-melek chun Jeremiah kiang in, “Zia puansia leh a eksate hi la zak ah khit in,” a hun ti’n. Zia gual chun, Jeremiah inle a bawl ngâl a.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

MARKA 11:25

Chuleh, pauchap ding ah la din tak ua leh, mi ngaidam ding la nei ua leh ngaidam phot un; zia tak chuleh la Pau van ah um chun nang uh hi’khialna le ngaidam ding ahi.

LUKA 1:78

I Pathian jangaina chu hung kilang in, zia kipat chun chung lam vâk in ei hung kan tha’n tin;

LUKA 11:4

Ka chung ua thil hikhialte ka ngaidam sek gual un, nang inle ka thil hikhialteu ei ngaidam in. Chetna hun ah ei puilût kin’ ti in,” a tia.

LUKA 17:4

Mi pakhat in ni khat sung in la chung in sagivei hi’khial leh le, sagi vei ma nangma lam a hun ngat kit a, ‘Ka hai veng veng tai’ a ti leh la ngaidam ding ahi,” a tia.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

LUKA 6:37

Mi gensia kiu in, tichun, gensiat in um pua’n lau; mi thiamlo chansak kiu in; tichun, thiamlo chang pua’n lau; ngaidam un, tichun ngaidam in um in lau.

NASEPTE 28:2

Zia gam mite chun ei mu phât un, pha tak in ei la khawtuau a. Gawzuk ziakin a dap ten ah, mei a hun sêm ua, mitin in ei la lop ua.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

1 KORINTH 13:4

Hepina chu a dawthei in; hepina chu a ngilnei in; hepina chun a thangsia pua’n; a kipakcha pua’n; a kisathei pua’n;

2 KORINTH 2:10

Bang lam ah le mi la ngaidam uh chu ke’n le ka ngaidam ah, ka ngaidamsa chu bangkim ah ka ngaidam ah, nangmau ziakin Khrista ma ah chun ka ngaidam ta ahi.

2 KORINTH 2:7

Ngaidam unla, thamuan tau in, chutilochun a lungngaina’n val zo kha’n a.

2 KORINTH 6:6

thianthona, hetna, dawtheina, chitna, Thagau Thiangtho leh hepina tak tak ah te;

EPHESA 5:1

Chuleh, a cha doitakte gual in, Pathian nunchan zui tau in.

JAKOB 5:11

Ahi, a thuak-hatte chu hampha I ti sek ui. Job thok-hat dan kha la hiau ah, Lalpa thil guanggal dan kha le la muu hi; Lalpa chu hepina leh jangaina dim ahi dan le la he tau hi.

2 PETER 1:7

la Pathian ngaisaknau ah chun suapite ngainatna pansak unla; la suapite ngainatnau ah chun hepina pansak tau in.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

1 JOHAN 2:12

Naute haw, ama min ziak ah, la gitlonateu ngaidam ahi tâk ziakin, la kiang un ka hun zik ahi.

RUTH 2:20

Ziaphatchun, Naomi’n a monu kiang in, “Lalpa, mithi leh mihing chung ah ja’ngaina danglam lo pa min chu chawihoi in um ta hen!” a ti’n. Naomi ma ma chun, “Zia pa chu I chanau kinaipi pen uh ahi,” a ti’n.