EPHESA 4:3 - PATHIAN LEKHABU THIANGTHO (BSI)

³ kichamna kikân khawm ah, Thagau ah kipumkhatna chu tudet ding ah kipe zo dingin ka ni la hiu.

EPHESA 4:3 ပူးပေါင်းရင်းမြစ်များ

1 LENGTE 16:21

Ziaphatchun, Israel mipite chu pawl ni in a kikhen tau a; mipi kimkhat in Ginath chapa Tibni chu lal ah bawl dingin a zui un; a kimkhat in Omri a zui ui.

PAWTDAWNA THU 28:32

A lai tak ah chun a luchang thunna ding a hawm siam ding ahi; zia hawm chu a kêklet lo’na dingin puanâk bânchom kikimna gual in la bawl ding ahi.

THUGENTU 4:12

Ama chang ah pang chu midang pakhat ziang inle a zo thei hen, mi pani pang khawm in vang midang khat chu nuam takin a zo thei ui. Khauhual nungzui nei chu a tan ziang puai.

MARKA 3:24

Gam pakhat chu amau leh amau kido leu, zia gam chu dingdok thei pua’n tin;

JOHAN 13:34

Thupiak thak ka piak la hiu, kihepiu inla, keima’n nanghaw ka hepi gual hin nanghaw le kihepiu in.

1 KORINTH 1:10

Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

EPHESA 4:13

ginna leh Pathian chapa hetna lam ah I hung pitin ua, Khrista bukimna tawh kibang ah I hung kipum khat theina ding un.

EPHESA 4:4

Ko la hi’nau, kinepna pakhat ah ko la hi gual un, taksa pakhat leh Thagau pakhat,

1 THESSALONITE 5:13

A sepnau ziak ah hepi in, ngaisâng tau in. Kicham tak in um un.

HEBRAITE 12:14

Mi zosia tawh kichamna leh thianthona chu del un, zia longal ah chun kuama’n Lalpa mu pua’n a.