EPHESA 4:29 - PATHIAN LEKHABU THIANGTHO (BSI)

²⁹ Thu phalo him him la kam un pawt ki’hen la, a kul dungzui ah mi dang siamphatna phachuam ding bep pawt zaw ta hen; tichun, a ngaithate chun hepina a piak theina ding in.

EPHESA 4:29 ပူးပေါင်းရင်းမြစ်များ

SAM 45:2

Mihing chate lak ah mêlpha pen la hi’n, la kam ah chun lungsiatna thu ngen a pawt a; ziaziakchun, Pathian in kumtuang â dingin, mal a hun zawl tai.

SAM 5:9

A kam un ginumna a um pua’n; a lunggil uh siat bawlna ngen ahi’n; a gawl uh thân kihongsa ahi’n; a lei un mi a lêm in a pâkcha sek ui.

SAM 52:2

Mi theppâina ding bep buaipipa, la lei chu mul mêtna chem hiam tak gual ahi.

SAM 71:24

Sun nitum in ka lei hinle, lei panpi’na thu gen in ah; ka siatna ding hawlte sukmualpho leh, sukzachat in a um tau hi.

THUPILTE 12:13

Thil phalo bawlte chu a kigen awk sek un; midik vang chu buaina lak ah kipat in a kigendok sek hi.

THUPILTE 15:23

A hun tak ah thuhilna chun mi tin lung a hi’dam ah; a hun tak ah thu kigendok chu bang gual bep ah pha ahi tam!

THUPILTE 15:7

Mipil mûk in hetna a thejak ah, mingolte lungthim vang zia gual chu ahi puai.

THUPILTE 16:21

Lungthim pil chu het dik theina nei mi a kiti’n; lungdam tak ah thu genthei mi chun mi a thunun thei hi.

THUGENTU 10:12

Mipil chun a kamsuak in mi doisakna a chang in; mingol mûk chun ama a ne zo sek hi.

ISAI 50:4

Paukam khat mai inle mi basam, a chawhal kit theina ding ah ka hiltheina dingin, Lalpa Pathian in lei ei pia tai. Jingkal si’n leh ka nakhang chu, zilsak ah umte gual ah hethiam thei dingin, ei phawnghal zing a.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

LUKA 4:22

A leng un ama a pakchau ah, a kamsuak hepina thute chu mak a sau a, “Zia pa hi Joseph chapa hilo a hem?” a tiu a.

JOHAN 1:37

Zia nungzui panite chun a gen chu a het phat un, Jesu chu a zui ngal tau a.

ROMTE 14:19

Ahi’n, midang tawh kichamna ding leh kisuk-hattuana ding thilte chu del hitiu.

ROMTE 15:2

Mitin in, I Invêngteu sukkipakna ding hawl chiat in, amau suk-hatna dingin a phatna diu ngaituapi chiat hitiu.

1 KORINTH 14:19

Himaleh, biak In ah chun pauhetlo ah thumal sîng khat gen sâng in, midangte ka hiltheina dingin hiat thei in thumal panga bep gen ka nuam zawi.

EPHESA 4:12

mithiangthote chu nasepna matchâk ah thuam bukim ding leh Khrista taksa chu siam piting ah,

EPHESA 4:16

ama ah chun taksa bâk zosia chu kilemtua ah, kisutua leh kizop khawm in, bâk tin in a sep ding chiat uh a sep phat leh, taksa chu khangto in, hepina chun ama leh ama a kilem to sek ngal a.

KOLOSSA 4:6

Mitin bang gual ah dawnhu chiat ding a hem ti la hettheina ding un, la kam ua thu pawt chu chi gual ah al, hepina pang hizing ta hen.

1 THESSALONITE 5:11

Ziaziakchun, la hi’zing sek gual un, kitîlhat tua in kitungding tua chiat un.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 3:1

Zia gual ma chun, nang uh jite haw, la pawsalteu thu thu’n um un; tichun, khenkhat in Pathian thu ginglo maleu, thugen hilo in, la tawidan un zo thei in lau.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.