EPHESA 4:25 - PATHIAN LEKHABU THIANGTHO (BSI)

²⁵ Chutichun, zuau gen haisan in, I Invêngteu kiang chiat in thudik gen hitiu, a kizom khawm chiat I hingal un.

EPHESA 4:25 ပူးပေါင်းရင်းမြစ်များ

1 LENGTE 13:18

Ziaphatchun, pakhat zawk chun a kiang in, “Keile nang tawh bang tho ah jawlnei khat ka hi’n, vansawlchâk pakhat in Pathian thu’n ka kiang in: La kiang ah an ne, tui dawn dingin ama chu la In ah vapui kit in, ei ti ahi,” a tia. Himaleh, ama chun a lepbawlna a hi’n.

SAM 119:29

Umdan diklo keima ah kipat lamang inla; lungsiat tak in la dan ei hil in.

SAM 15:2

Dem kâi lo ah chia ah dik tak ah bawl, a lunggil tak ah kipat thutak gen mite,

SAM 52:3

Thilpha sâng in thil phalo, thu taksang ah zuau thu gen la ngaina zawi.

PAWTDAWNA THU 23:7

Hekna diklo lak ah kipat in kikoikiang inla, mawna neilote leh midikte chu that kin: mi diklote phuba chu la ding ka hi’ngal a.

THUPILTE 12:17

Thulai gen chun dikna a etsak in, hiatpitu diklo chun a thêm sek hi.

THUPILTE 12:19

Zuau thei chun mitphet kâl le a dai pua’n; thudik in vang kumtuang a dai sek hi.

THUPILTE 12:22

Mûk zuauthei chu Lalpa ki’dak lam tak ahi’n; dik tak ah bawlte chu a lungtaina lam tak ahi.

THUPILTE 21:6

Zuau gen thiam ah go kichom khawm chu, phâisûm jing tawhbang leh thi’na thâng ahi.

THUPILTE 24:28

A ziak leh zal umlo in, la Invêngte chungchâng ah hiatpitu in pang kin; la kam inle zuau ah thepna thu gen diak kin.

THUPILTE 6:17

Mittêt chapote, lei zuauthei te leh mawna neilote thisan sua’na khutte;

THUPILTE 8:7

ka kam in thudik tak gendok intin; diklona thu gen chu ka mûk â dingin, ki’dak um tak ahi ngal a.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

ISAI 9:15

a upateu leh a mi kumluiteu chu a luchang uh a hiu a; zuau thu zilsak a jawlneiteu chu a mei uh a hiu;

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

THIAMPUTE LEKHABU 19:11

Gu kin la, dik lo tak in bawl kiu inla, zuau in kithêmtua kiu in.

ZEKARIAH 8:16

Ziate hi ahi la bawl ding uh chu: Mitin thudik kigen tua chiat in, la kotbul ua thudik ah vaihawm in, kichamna ding ngen bawl unla;

ZEKARIAH 8:19

Sepai honte Lalpa‘n zia gual hin a gen hi: “Judah Inkuan ah mite â dingin, tha li’na anngawlna, tha nga’na anngawlna leh tha sagi’na anngawlna leh tha sawmna anngawlna nikhuate hi, kipakna leh limna, Judah Inkuante’n kipak tâng gual chiat ah a mat dingteu chu ahi; ziaziakchun, dikna leh kichamna chu thangai tau in”.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

ROMTE 12:5

zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.

1 KORINTH 10:17

Vaithum tang pakhat a um in, eihaw mi tam tak hi vaithum tang khat nekhawm I hiu in, taksa pakhat I hiu hi.

2 KORINTH 7:14

A kiang in bang lam lam ah le nang uh ka suannau in ka mualpho puau ah, la kiang ua ka gen zosiau kha a tak tak ahi ti Tita ka suannau hin a phawchian tai.

EPHESA 4:15

Himaleh, hepina thutak kigen in, I luchang uh Khrista ah chun bangkim in khanglian thei hitiu in;

EPHESA 4:22

La nidang lai hindan uh, la mihing lui uh zuauthei leh hûkna ah pui mang ah umsa chu lîptha ding leh,

EPHESA 4:31

Thangtawmna, lungnatna leh siatsona, hânsiatna tawh kigensiatna zosia chu haisan tau in, lungthim sia zosia tawh.

EPHESA 5:30

ama taksa bâkte chu I hingal un.

KOLOSSA 3:8

Tu’hin vang, nanghaw’n le zia zosia chu: Lungnatnate, siatsonate, huatnate, gensiatnate, la kam ua zamawte hi tawh koimang un.

KOLOSSA 3:9

Zuau in kihotua kiu in, mihing lui chu a nasepte tawh la lîptha tau hi.

1 TIMOTHI 1:10

mithanghuaite, tawkawhûkte, mihing ah kiveite, juautheite, juau ah kihaksialte leh,

1 TIMOTHI 4:2

zia chu mi phalêmte juautheina ziakin ahi, amau chu a sia leh pha hetnau thîk âm ah bî piak gual a hiu in.

TITA 1:12

Amau haw lak ngei ah jawlnei pakhat chun, “Kret mite hi zuauthei chîng zingte, gamsa gilo tawhbang leh mi thabei, an nêk hatte a hiu,” a la ti kha.

TITA 1:2

khawvel um masang ah Pathian zuau gen ngailo in a tiam, kumtuang hinna kinem ah um,

HEBRAITE 12:1

Chutichun, hiatpitu sûmpi nasa tak ah ûm kîmvêl I hiu ti kihia’n, ei sunokphak leh I chung ua bek gitlonate paitha’i tiu in, I mau ah kitaisiakna lampi ah hin thuak-hat tak in tai hitiu.

JAKOB 1:21

Ziaziakchun, a buak leh umdan phalote chu koimang unla, thu kiphu det, la thagau uh hukdam thei chu thunuaigol tak in pom un.

1 PETER 2:1

Chutichun, êngsiatna zosia, gûkkhelna zosia, lepchiana zosia, ênna zosia leh gensiatna zosia haisan un.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

THUPUAN 22:15

A pawlam in uichate, dawithiamte, thânghuaite, tualthatte, milim hote leh juau thu dawi leh juau thugen chîngte um in au.

VAIHAWMTE 16:11

Ama’nle a kiang in, “Khauhual thak, mat khâk nai lo in ei kân leu chin, ka tha jawng intin, midangte gual mai ah hung um ding ka hi,” ti’n a gen a.