EPHESA 4:2 - PATHIAN LEKHABU THIANGTHO (BSI)

² kingaitawmna tawh, nunnemna tawh, thokzawna tawh, hepina ah kidawtua zo tak ah um ding in,

EPHESA 4:2 ပူးပေါင်းရင်းမြစ်များ

SAM 138:6

Lalpa chu sâng tak in um maleh, mu tawm ah umte chu a ngaitua sek hi; michapote vang gamla tak ah kipat in a muchian hi.

SAM 45:4

Gual zo ah ja’um tak in hung inla, la khut changlam in thu tak leh, dikna la thilbawl tizat um takte hun hil ta hen.

THUPILTE 16:19

Mi kiletsakte tawh gal lâk thil kihop sâng in, mi chagate tawh lungthim kingaitawm tak ah um khawm a pha zawi.

THUPILTE 3:34

Mi nuaisiate chu a nuaisia sek in, mi kingaitawmte chu a doisak sek hi.

THUGENTU 7:8

Thil khat kipatna hi a tawpna sâng in a pha zaw’n; lungthim chapo sâng in lungthim sekdo a pha zawi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

KISIMNA LEKHABU 12:3

Mosi chu, lei chung ah mi zosia lak ah thunuaigol leh nunnem pen ahi.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

MARKA 9:19

Ama chun a kiang un, “Aw khangthak ginna neilote haw! Bangchan hun umpi nalai ding ka hi em? Bang chan hun kithuapi nalai ding ka hem? Ama chu ka kiang in hun pui un,” a tia.

NASEPTE 20:19

kingaitawm tak leh thepna lak ah mitthi tam tak sêng in Lalpa na ka sêm a, Judate’n ei chân-gûkna ziak ua haksatna tam tak thuak in ka um a;

ROMTE 15:1

Eimau a hatte hin, eimau kipakna ding mai hawl lo in, a hatlote titlona chu I ngaithiam diu ahi.

1 KORINTH 13:7

bangkim a thuak ham ham in, bangkim a gingchan, bangkim a kinem in, bangkim a thuak mual suak sek hi.

GALATIA 6:2

La puakgikteu chu kidawn tua chiat un; tichun, Khrista dan chu la zui uh hi’n a.

EPHESA 1:4

ama ah thiangtho leh demna umlo ding ah lei chung pian masang ah ei uh ei la têl tâk gual in.

KOLOSSA 1:11

Kipak tak ah bangkim thuak-hat tak ah la umtheina ding un, a thilhitheina nasa tak ah kipat hung pawtdok chun, bangkim in hun suhat hen la,

1 TIMOTHI 6:11

Ahi’n, nang Pathian mi, zia thilte chu jamsan inla, dikna, Pathian ngaisakna, ginna, hepina, thoktheina leh nunnemna chu del zaw ta’n.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

JAKOB 1:21

Ziaziakchun, a buak leh umdan phalote chu koimang unla, thu kiphu det, la thagau uh hukdam thei chu thunuaigol tak in pom un.

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

1 PETER 3:8

A tawp pen in, la leng un lungthim munkhat nei in, kilainattua leh suapite kihepina leh thunuaigolna nei in um un.