EPHESA 4:14 - PATHIAN LEKHABU THIANGTHO (BSI)

¹⁴ Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

EPHESA 4:14 ပူးပေါင်းရင်းမြစ်များ

SAM 10:9

A mit un panpi ding neilote a en-gu sek ui. Sakeibaknei in a kaw sung ah a chângûk sek gual in, migenthei man dingin a chânggu sek un; migenthei chu a man ngei un; tichun, a lên un a kaimang sek ui.

SAM 59:3

Tu’hin le ka hinna ngâk in ei chânggu zing un; mihatte chu ei soisa dingin a pung khawm ui.

ISAI 28:9

Hetthiamna chu kua a hil guat a, a thu chu kua kiang ah a hilchian guat a hita diam, nawichep hâi pan pante leh, nawichep lai kikaithate kiang ah maw?

MIKAH 7:2

Lei chung ah hin mi ginum a um ta pua’n, mi diktat him him le a um ta puai; thisan sua ding châng in a um zo tau in, mitin in mi dang khat chiat lên in a ngîm tau hi.

MATTHAI 11:7

Amau chu a chia kit phat un, Jesu’n mipite kiang in Johan chung châng thu a hun gen a, aleh, gamthip ah khan bang en nuam ah chia la hiu em? Luangdua hui in a mûtlîng kha maw?

MATTHAI 24:11

Jawlnei lêm tam tak hung pawt in, mi tam tak hun thêm zo in au.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

NASEPTE 23:21

Himaleh, a vaisawm uh chu a la pom kin, ama chânggu dingin mi sawmli hial kitiamna nei a um tau hi. Ziate chun Paul a thalup masiau bangma ne leh dawn lo dingin a kitiam tau hi. Tu’hin nangma ah kipat thu hung pawt ding chu ngâk in a um zing ui,” a tia.

1 KORINTH 12:2

Pathian awi lo la hi’lai uh khan, thep ah um in milim pau theilote lam ah puiman la hiu kha la hiau hi.

1 KORINTH 14:20

Suapite haw, ngaituana lam in chapang kiu in; phatlona lam in nausen hiu inla, ngaituana lam in piting hiu in.

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.

2 KORINTH 2:17

Mi tam tak in, Pathian thu chu mite thêm ah sumdawnna a mat gual un, kei un vang ka mang puau a; titak zet in, Pathian sawl ah Pathian mitmu in, Khrista ah chun ka gen zawu ahi.

2 KORINTH 4:2

Thil jachâk um kisêlte chu ka nusiau ah, dawha phalo chu ka mang puau in, Pathian thu chu mi thepna’n ka mang puau in, thutak chu hiatsak in Pathian mit mu in mi tin sia leh pha hetna mit ka tunsak zawu ahi.

GALATIA 3:1

Aw Galatia gam ah mingolte haw, kua’n a hun bum ngol ah a hem? La mit mu ngei un Jesu Khrista chu kichian tak ah khetden ah latsak ahi’siat tawh!

EPHESA 6:11

Diabol tawh kidona chu la zaw theina ding un, Pathian gâlvan bukim in kivan un.

1 TIMOTHI 3:6

Gingthak a hilo ding ahi, chutilochun kisaktheina dim in, diabol thiamlo chansakna chun pûk kha’n a.

2 TIMOTHI 1:15

Asia gam ah um zosia’n ei nusia zo tau hi ti la hia’i; a lak un Phigela leh Harmojinia le a pang ui.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

2 TIMOTHI 4:3

Mite’n thuhilna dik a ngaithâk peilo hun uh hung tung ding ahi ngal a; a nakhangteu a zat ziakin amau nopna tawh kituakte gen dingin, thuhil dingte kichom khawm ding a hiu;

HEBRAITE 13:9

Thuhilna zat chuam taphot zui ziang kiu in; nêk leh dawn thu, a zuite â ding ah le phachuam lo haw hi ngaisak kiu in, lungthim hi vang kidoisakna suk-hat ah um sek ahi.

JAKOB 1:6

Himaleh, ginglel lo hial in ginna’n don un; a ginglel mi chu tuisuagiat kinawk, hui in a mut lumlet tawhbang ahi ngal a.

JAKOB 3:4

Longte hile en ma tiam un, a lian ma mau in, hui hât tak in a mut tawl tawl thei hi; himaleh, Lawnghêkte’n a hêk kawina neucha chun a nopna lam lam a zotsak thei hi.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

1 JOHAN 2:26

Nangmau hun pui mang gawte umdan chu la kiang un ka hun zik a hi.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

JUDA 1:12

Ziate hi la hepina ankuangteu sumelsia chu a hiu hi; launa châng helo in a hung kivâkvâ sek ui. Amau chu sûm tui paw lo, hui in a taw lumlet leh thing a ga hun ah ga lo, nivei thisa, a zung ah kikaldokte gual a hiu in,

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.