EPHESA 3:20 - PATHIAN LEKHABU THIANGTHO (BSI)

²⁰ Tu’hin, eimau ah sêm sek thilhitheina gual in, I dot leh I ngaituana zosiau khêl ah lopi zaw ah hitheipa kiang ah chun,

EPHESA 3:20 ပူးပေါင်းရင်းမြစ်များ

THILSIAM THU 17:1

Abram chu kum sawmkua leh kua ahi in, Lalpa a kiang in a hung kilâk ah, a kiang in, “Kei Elshaddai chu ka hi’n; ka ma âng ah chia inla, pha bukim in um ta’n;

THILSIAM THU 18:4

tui neukhat hun lau hen la, la keng uh sil unla, zia thingbul lîm ah hin chawldam tadiu in;

2 SAMUEL 7:19

Aw Lalpa Pathian, ziate hi vang nangma mit mu in thil neucha ahi; la suak Insung thu ding, hun sawt tak nung tiang ding lei gen piak nalai a. Aw Lalpa Pathian, zia thute hi mipite kiziltilna hung hita hen!

1 LENGTE 3:13

La dot lo thil dang, hausakna leh za umna le ka hun piak belap la hi; tichun, nangma tuk him him leng kuama a um kha puau hi.

2 KHANGTHU 25:9

Amaziah in Pathian mi kiangah chun, “Aleh, Israel sepaite goina ding ah dangka talent za khat ka la piaksa chu bang law ding I hitau em leh?” ti’n a dong a. Pathian mi chun, “Lalpa‘n zia sâng ah tam zaw ma ma chu hun pia thei ahi,” ti’n a dawnhu a.

2 KHANGTHU 9:12

Chuleh, Lengpa Solomon chun Sheba lengnu kiang ah a dawi a gendaw taphot chu a pia’n, lengpa kiang ah a hun puakte sâng ah gamcheng ah tam a pia tai. Ziaphatchun, a suakte tawh a gam lam un a chia kit tau hi.

PAWTDAWNA THU 34:6

Chun, Lalpa’n a hun makhel ah: “Lalpa chu! Lalpa chu! Pathian, lainatna dim, mi khawtua thei tak, lung nêm tak chu; Ngilneina leh ginumna dim chu:

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 35:2

thupi tak in hung lûn kit intin, kipak tak ah La sa’n lim ta’n a. Lebanon lopina chu, Karmel leh Sharon lalna chu tawh, a kiang ah piak hita’n ah. Lalpa lopina, I Pathian uh lalna chu mu ta’n au.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

JEREMIAH 32:17

Katei, Lalpa Pathian! La thilhitheina nasa tak leh, la khutbân jak ah lei leh vante siampa chu nang la hi! Nang â dingin thil haksa talua a um puai.

JEREMIAH 32:27

“Ngai in, keima Lalpa hi, mihing zosiate Pathian chu ka hi; kei â dingin a haksa talua bang a um em?” ti in.

DANIAL 3:17

Aw lengpa, a na ka sep uh Pathian chun meipi kuang lak leh nangma khut ah kipat ei hukdok thei ahi chun, ei hukdok mai hen.

DANIAL 6:20

Danial umna sakeibaknei kul a hun nai phatin, lungngai tak in Danial a hun ko ah: “Aw Danial Pathian suakpa, ginum tak ah a na la sep, la Pathian chun sakeibaknei lak ah kipat in a hun hukdok na em?” a hun tia.

MATTHAI 3:9

Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.

JOHAN 10:10

Gucha chu gu ding leh, that ding leh susia ding longal in a hung ngai pua’n; kei ka hileh chu mi tam tak in hinna a nei ua, tam tak a nei theina ding ua hung ka hi.

ROMTE 16:25

Tu’hin, ka chanchinpha gen leh, Jesu Khrista puanlat ah a umna dungzui leh, khang sawt tak puandaw lo ah a la um thugûk kilatdawna dungzui ah,

ROMTE 4:21

a thutiam a lawtinsak thei hi ti a gingcha ma ma ah, a ginna chu a hung detzaw ta ahi.

1 KORINTH 2:9

“Mit ah mu khâk lo, bil ah le het khâk lo, mihing lunggil ah lut ngailo, Pathian in ama hepi taphotte â ding ah, a guat tapo chu,” ti zik gual khan.

2 KORINTH 9:8

Pathian in a hepina bukim a hun vuk khum thei hi; tichun, bangkim a hun bepcha nei zing in, nasep pha zosia dingin hau thei in lau.

EPHESA 1:19

chuleh, ama gingcha ei haw ah a thilhitheina te’ gual lo, a hatna lopi sep dan gual jel ah,

EPHESA 3:7

A thilhitheina nasep ah, a thawn ah piak Pathian hepina dungzui ah chun, zia chanchinpha nasêm ding ah chun suak ka hung hi tai.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.

1 TIMOTHI 1:14

I Lalpau hepina chu, Khrista Jesu ah um ginna leh hepina chun keima ah nasa tak in a dimlêt tai.

HEBRAITE 11:19

Pathian in mithisa le a kaitho thei tak tak hi ti a ginchâk ziakin, a thisa thokit gual in a chapa chu a mu kit ta ahi.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

JAKOB 4:12

Dan petu leh vaihawmtu pakhat a um ah, ama chun a hukdam thei in, a sumangthai thei hi. Aleh, nang la vêngte vaihawm khum chu kua la hem?

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,