EPHESA 2:2 - PATHIAN LEKHABU THIANGTHO (BSI)

² malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

EPHESA 2:2 ပူးပေါင်းရင်းမြစ်များ

JOB LEKHABU 1:16

Zia thu chu a gen lai tak in, midang pakhat a hung tung kit ah, a kiang in, “Van ah kipat têk a hung kia’n, belamte leh a chingte chu a kâng tum ziang ta’n, la kiang ah thu hung tut dingin keima bep hi a suakcha ka hi,” a hung ti’n.

JOB LEKHABU 1:19

gamkeu lam ah kipat in huipi hat tak a hung hâng ah, a umnau In chu kil li’n a hun nam ah; tichun, nungak tangvalte chu a del lum sik sek ta’n; keima bep hi thu hung tut ding ah suakcha ka hi,” a hung ti kit a.

JOB LEKHABU 1:7

Lalpa chun Setan kiang ah, “Khoi lam ah kipat hung la hem?” ti’n a dong ah. Setan in Lalpa kiang ah chun, “Lei chung ah ka vâk tawl tawlna lam leh, ka vâk suk ka vâkto’na lam ah kipat hung ka hi,” ti’n a dawnhu a.

JOB LEKHABU 31:7

Lampi nusia ah pêt mang hin, ka mit in a mu taphot ah lunggel mai a la hi’n, ka khut nasep ah demkâi a la hita leng,

SAM 17:14

aw Lalpa, la khut in mihingte lak ah kipat ei hukhing in, amau dam sung chanvo chu, zia khawvel ah bep hin a um ngal a. Amau â ding ah la kholpiakte zosia’n, a gilpiu hidim inla, a chateu in a mamaw sâng ua tam zaw nei uh hen la; a chasenteu â ding tiang in, bang a hem khat bêk thi’san uh hen.

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 57:4

Kua a hem tawtbawlna la mat uh? Kua eulauna ding ah la kam uh lian tak ah kâ, la lei uh thadok sek la hiu em? Bawsiatna chate, mithepna suan leh pâkte hilo la hiu em?

JEREMIAH 23:10

Gam chu ângkawmna ngen in a dim tai; hânsia law khum ahi’na ziakin, gam chun a sûn ah, gamthip ah gantatna munte chule a keugawp tau hi. A tawidan uh chu a diklo ngen leh, a hatnau chule a diklo lam ngen ahi tai.

HOSEA 10:9

Aw Israel, Gibeah hun ah kipat khan la gilo tau in; zia kipat khan la gilo den tau hi. Gibeah ah chun kidona’n amau hun huam lo ding a hem?

THIAMPUTE LEKHABU 11:16

Vasakol, Simbu, Tuiva leh Mu chi him him;

MATTHAI 11:19

Mihing Chapa a hung ah, a nêk leh a dawn a muu in, “Mi gawlhatpa, uain haipa, sedawlte leh migilote gualpa, a tiu a. Himaleh, pilna chu a nasep in a kilang hi,” ti in.

MATTHAI 13:22

Chuleh, hampa lingnei lak ah kekte chu: Thu chu he tangal ah, khawvel lungkhamna leh hausaknate etlâna ziak ah, a hetnau suktâk ah um ah ga theilo te chu a hiu.

MATTHAI 13:38

lou chu khawvel ahi; chiphate chu gam chate a hiu in; bulêmte chu migilo chate a hiu hi.

MARKA 4:19

himaleh, khawvel ngainatnate, hausak nopnate, thepnate leh thil dang dang ah nopnate a hung lut phat leh ga sua zo lo in a um ta sek ui.

LUKA 16:8

A pu chun, sumkol ginumlo chun pil tak ah thil a bawl ziak ah chun a pakcha ta’n, vâk chate sâng in zia khawvel chate hi a tu’lai thuu in a pilzawu hi.

LUKA 22:31

Lalpa chun, “Simon, Simon, ngaitia, Setan in bungel ah a hun ngel theina ding a hawl hi,

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

JOHAN 13:2

Chuleh, jan an a nêk lai un, diabol in Simon chapa Juda Iskariot lung sung in ama matsakna ding lungthim a la koi zo ta’n.

JOHAN 13:27

Zia vaithum hal kidia chu a nêk phatin, a sung ah Setan a lut ngal tai. Jesu’n a kiang in, “La hi’ ding chu vahi’ziang ta’n,” a tia.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 15:19

Nanghaw khawvel mi hileuchin, khawvel in ama mite chu hepi in a; khawvel mi la hita pawngal un, khawvel ah mi ka têldaw la hizawu ah, ziaziakchun, khawvel in a huat la hiu.

JOHAN 16:11

vaihawmna thu’n thiamlo chang in au, zia khawvel vaihawmpa hi a dik lo ziak in.

JOHAN 7:7

Nang uh khawvel in a hun hawthei pua’n, keima ka hileh chu ei huau ahi, a thil phalo bawlteu a phatlo dan ka gendaw piak ziakin.

JOHAN 8:23

Ama chun, a kiang un, “Nanghaw nuai lam ah kipan la hiu ah, kei ka hileh vang chunglam ah kipan ka hi; nanghaw hi zia khawvel ah mi la hiu in; kei chu zia khawvel ah mi ka hi puai.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

NASEPTE 19:35

Khawpi sung ah vaihawmte chun mipi chu a thipsak phatin, a kiang un, “Nanghaw Ephesa khua mite haw, Ephesa khua mite hi pathiannu lopi tak, van ah kipat hung ketha Artemis lim ho-te chu la hiu ti helo mi a um ua a hem?

NASEPTE 5:3

Peter chun, “Ananiah, Thagau Thiangtho thêm ding leh gam zok man hun tiang chu îm ding ah, bang ziak ah Setan in la lungthim hi’dim a hem?

ROMTE 12:2

Zia khawvel dan gual ah hin um kiu inla, Pathian doi gual, a pha leh pom tâk leh a bukim chu la hettheina ding un, la lungthim uh siamthak ah um in, hung danglam zaw tau in.

1 KORINTH 5:10

zia khawvel mi thanghuaite leh mi ênhatte a hem, mi suamhatte a hem, milim ho-te a hem haw chu ka ti’na ei puai; chuti taleh, khawvel ah kipat pawt daw kul mai ding ahi.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

GALATIA 1:4

Ama chun I Pathian leh I Pau doigual ah, tu’lai khawvel gilo tak lak ah kipat ei hukdaw theina dingin, I gitlonateu ziakin ama ngei chu a hung kipiak tâk ziak in,

EPHESA 1:21

lalnate, thuneinate, thilhitheinate, vaihawmna zosia chung leh, tu’ khawvel bep hilo ah, khawvel hung tung ding nangawn ah,

EPHESA 2:11

Ziaziakchun, malai ah nanghaw taksa dan ah Jentel ah piang, taksa khut ah “Zektan,” kititen, “Zektanlo,” a la titeu haw:

EPHESA 2:13

Tu’hin vang, Khrista Jesu ah chun, nanghaw malai ah gamla tak ah umte chu, Khrista thisan ah chun hi’nai in la hung um tau hi.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

EPHESA 4:17

Ziaziakchun, zia hi Lalpa ah chun ka pom in ka phût la hiu: lungthim kisathei tak ah um, Jentelte gual in um ta kiu in.

EPHESA 4:22

La nidang lai hindan uh, la mihing lui uh zuauthei leh hûkna ah pui mang ah umsa chu lîptha ding leh,

EPHESA 5:6

Kuama’n thu manlo in hun thêm kiu hen; ziate ziak ah hin thu awilo chate chung ah Pathian lungnatna a tung sek hi.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

EPHESA 6:12

Taksa leh thisan ah mêlmate tawh kibuan I hi puau ah, lalnate, thuneinate leh zia khawvel thim chung ah vaihawmte tawh, van mun ah thagau gilote tawh kibuan I hizaw ngal un.

KOLOSSA 1:21

Chuleh, lungthim lam ngaituana ah khen chuam leh a mêlma a la hi’n, nunsia tak in la la um tau a;

2 TIMOTHI 4:10

Dema chun tu’lai khawvel a ngainat ziakin ei nusia in, Thessalonika khua’n a chia tai; Kresen chu Galatia gam ah, Tita le Dalmatia gam lam in a chia tau hi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JAKOB 1:7

Zia gual mi chun Lalpa ah kipat bangma mu kinem ki’hen;

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

1 PETER 1:14

Cha thumangte gual in, la hetlo lai ua la nopnateu ah um talo in;

1 PETER 4:3

Jentelte doigual hinna: Hûkna, taksa nopna, zukhamna, zumun limna leh ki’dak um tak ah milim honate, tu’ma lam ah te kha hun ta hen.

2 PETER 2:14

A mit uh ângkawmna dim, gitlona haisan theilote a hiu a; mi detlote a thêm pûk ua; ênna lungthim a puu ah; hânsia law chate a hiu hi.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

1 JOHAN 5:4

Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 13:8

Khawvel siamtil ah kipat tha’sa, Belamno hinna Lekhabu min kikhum lo tapo leh, lei chung ah um zosia chunle ama chu hun be ta’n au.

THUPUAN 16:17

Chun, vansawlchâk sagina chun a belbu chu vanlaijawl in a buntha ta’n; van ah tempul leh lalchutpha kipat chun aw ngai tak in, “Zaw ahi tai,” ti’n a hung kiko a.

THUPUAN 20:2

Dragon, gulpitêk, Diabol leh Setan a tiu chu a man ah, kum sâng khat sung â dingin a kân tawm a.