EPHESA 2:15 - PATHIAN LEKHABU THIANGTHO (BSI)

¹⁵ Pani hilai kha ama ah mihing thak pakhat hiding ah a siamdaw theina dingin, dan leh a thupiakte leh a thuthungte chu subei in, kichamna a bawl tai;

EPHESA 2:15 ပူးပေါင်းရင်းမြစ်များ

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

GALATIA 3:10

Dan thil hi’ ah kinga tapote chu dan hânsia nuai in a um ngal un; “Dan lekhabu thu kizik zosia gual ah bawl zing lo tapo chu hânsia dawl in um uh hen,” ti zik ahi ngal a.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

GALATIA 6:15

Kisiam thak kitna longal ah chun zektan hi bangma a hipua’n, zektanlo le bangma ahi diak puai.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

EPHESA 2:14

Ama chu I kichamnau ahi’n, pawl nite chu pumkhat ah siam in, I kikâl ua daidanna bâng chu a suchim ta ahi.

EPHESA 2:16

kros jal ah panite chu kipumkhat ah, Pathian ah a kicham theina ding un, kituak lona zosia chu a that ta ahi.

EPHESA 4:16

ama ah chun taksa bâk zosia chu kilemtua ah, kisutua leh kizop khawm in, bâk tin in a sep ding chiat uh a sep phat leh, taksa chu khangto in, hepina chun ama leh ama a kilem to sek ngal a.

KOLOSSA 2:14

Batna lekha, thupiak ah kizik, I chung ua um zing, ei kãl sek chu a nuaimang tangal a; zia ngei chu kros ah kilden in a hi’bei tai.

KOLOSSA 2:20

Khawvel thubulte chu Khrista kiang ah la thisan ua leh, bangatia khawvel ah hing nalai gual ah thupiakte ah chu kipelut kit la hiu em?

KOLOSSA 3:10

Mihing thak ah chun la kivan tau ah, zia mihing thak chu het bukimna nei dingin, a siampa tawh kipua ah siamthak ahi.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

KOLOSSA 3:15

Chuleh, Khrista lungmuanna chun la lunggil un vaihawm ta hen; zia gual ah chun um dingin taksa pumkhat ah ko la hi him uh ahi; kipakna châng he tau in.

HEBRAITE 7:16

Ama chu taksa thupiak dungzui ah siam a hipua’n, hin tawp lo thilhitheina ah piang ahi zawi.

HEBRAITE 8:13

“Thuthung Thak,” a ti ziakin a masa chu a thengtha tai. Tu’hin, a seta leh luita chu mangthai ding ahi tai.

HEBRAITE 9:23

Ziaziakchun, van ah thil umte chu ziate ah chun sukthian ding him a hi; van thil tak takte ahileh vang ziate sâng ah kithoina phazaw ah sukthiantho in a um diu ahi.