EPHESA 2:12 - PATHIAN LEKHABU THIANGTHO (BSI)

¹² Zia lai ah khan Khrista neilo in, Israelte khua leh tui tawh kikhendan in, khawvel ah kinepna him neilo leh Pathian neilo in, thutiam thuthung lak ah kipat malzin la hiu kha hezing tau in.

EPHESA 2:12 ပူးပေါင်းရင်းမြစ်များ

THILSIAM THU 15:18

Zia ni ngei ah chun Lalpa’n Abram kiang in thutiam a bawl ta’n: “Zia gam hi Aigupta luipi ah kipat Euphrates luipi tiang in,

2 KHANGTHU 15:3

Israelte chu hun sawt tak Pathian dik tak nei lo in, amau thuhil ding thiampu leh dan nei lo in a la um tau a;

EZRA 4:3

Himaleh, Zerubbabel, Jeshua, leh Israel Inkuan tin ah puitute chun a kiang un, “Ka Pathian In ding uh sakna hin nanghaw hung kisaklâ a ngai puai; Persia Lengpa Kuras in thu ei piak dungzui in, Lalpa, Israelte Pathian â ding chu kei uh ngen in ka sak ding uh ahi,” ti’n a la dawnhu tau hi.

PAWTDAWNA THU 12:45

Gamdang mi, sum thalaw hileh, thagawi thawte chun a nêk lo ding uh ahi.

ISAI 14:1

Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 61:5

Mêlhetlote hung kisalâ in, la belam honteu hun vâk piak intiu in, gam dang mite chun la lou uh hun kai piak in, la grep guiteu hung ha’piak in au;

JEREMIAH 14:8

Aw Israelte kinepna, a buai hun si’n ua leh hukdokpa chu la hi. Bangtidan ah zia gam ah hi khualzin, jan khat bep giak gual ah um la hi em?

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

EZEKIEL 13:9

Ka khut in jawlnei lêmte zuau thil mu, zuau thu gente hun do ding ka hi; ka mipite vaihawmna lak in pang pua’n tiu in, Israel Inkuante min ziklutna’nle pang pua’n tiu in, Israelte gam inle lût diak pua’n au; chuleh, Lalpa Pathian ka hi’dan hun he ta’n lau.

EZEKIEL 37:26

Amau tawh kichamna thuthung siam ing ka tin, zia chu a kiang ua ka kumtuang thuthung hita’n a; maljawl in, hi’pung ing ka tin, a lak un kumtuang ah umden dingin ka mun thiangtho chu koi ta’ng ka.

EZEKIEL 47:22

Nanghaw tawh gam dang mi, la lak ua chêngden ah cha leh naunei ta te kiang in gochan dingin la kihop diu ahi. Amau chu Israelte cha ma ma leh a gam ah piangte gual ah la pom diu ahi; amau le la lak un, Israel phung tin lak ah gam chanvo la guan piak diu ahi.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

KISIMNA LEKHABU 18:19

Israelte’n kithoina thiangtho Lalpa kiang ah a lat zosiau chu, nang tawh la chate zosia’n kumkhua la chanvo ding ua ka piak la hi tau hi; zia chu Lalpa ma-âng ah nang tawh la suante zosia â ding ah chi ah kitiamna, kumtuang thuthung kibawl chu ahi.

LUKA 1:72

I pu I pateu kiang ah a jangaina thutiamte leh, a thuthung thiangtho a het zing ziakin.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 15:5

Keima hi grep guipi chu ka hi’n, nang uh a bâkte chu la hiu. Kuale keima ah um ah, keile ama ah ka umna chu, zia mi ngei chun ga tampi a hun sua sek hi; keima lo in bangma la hi’thei puau hi.

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

NASEPTE 2:39

A thutep chu nanghaw â ding, la chateu â ding, gamla tak ah um zosia a ding tawh, I Lalpau Pathian in a kiang ah a ko tapote â ding ahi ngal a,” a ti’n.

NASEPTE 28:20

Zia ding ah hin ka hun ko khawm la hiu hi, eimau I kimutuau ah I kihotua theina ding un; keima hi Israelte kinepna thu ziak ah thik khau ah kân ka hi bep hi,” tia.

NASEPTE 3:25

Nanghaw hi, zia jawlneite leh Pathian in la suanpateu kiang ah thuthung a la piak suante chu la hiu hi; ama chun Abraham kiang in, La suante ah chun lei ah namtinte maljawl ah um ding a hiu, a la ti’n.

ROMTE 9:8

Taksa dan ah chate chu, Pathian chate a hiziang puau ah; thutep chate bep chu a suante ah sim ahi zawu ti’na ahi.

GALATIA 4:8

Himaleh, Pathian la la hetlo lai ua khan, piandan mawng ah le Pathian hilote suak la hiu a.

EPHESA 2:19

Ahi’n, tu’hin malzin leh gam chuam mi la hita puau a, mithiangthote tawh tual khat ah leng khawm, Pathian Inkuante la hitau hi;

EPHESA 4:18

Amau chu a hetnau sukthim piak a hiu ah, a lungthim mawl leh tâk ziak un, Pathian ah hinna chu chang talo a hiu hi.

KOLOSSA 1:21

Chuleh, lungthim lam ngaituana ah khen chuam leh a mêlma a la hi’n, nunsia tak in la la um tau a;

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

KOLOSSA 1:5

zia chu nang uh a ding ah kinepna, van ah koikhol ah a um ziak ahi. Zia kinepna chanchin ma chu tu’ma khan chanchinpha thutak thu la la he tau a.

1 THESSALONITE 4:13

Himaleh, suapite haw, kinepna him neilo mite gual ah la lungkham lona ding un, ipmute umdan la hetlo uh ka dawi puau hi.

1 THESSALONITE 4:5

Pathian helo Jentelte gual ah hûk pan lo in,

2 THESSALONITE 2:16

Tichun, I Lalpa Jesu Khrista ngei leh, Pathian I Pau, ei hepipa leh hepina ziak ah kumtuang ah thamuanna leh kinepna ei pepa chun,

1 TIMOTHI 1:1

Paul, I hukdampau Pathian leh Khrista Jesu I kinepnau, thupiak dungzui ah Khrista Jesu sawlchâk hin,

HEBRAITE 11:34

mei thilhitheina a sumit un, chemjam hiam takte a pumpel un, hatlona kipat in hatna a muu a, gâldona mihat leh mi gensim in a um un, namdang sepai honte a naw jak un.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

HEBRAITE 8:6

Tu’hin chu thutiam phazaw chung ah kiphu det, thuthung phazaw ah palai ahiziak in, Jesu chu nasep phazaw a chang tai.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.

1 PETER 3:15

la lunggil un Khrista chu Lal in koi un. Nangmau ah um kinepna chu min a hung dot ua leh, dawnhu thei ngal dingin, thunuaigol leh ja tak kawm in kisazo zing un.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.