EPHESA 2:11 - PATHIAN LEKHABU THIANGTHO (BSI)

¹¹ Ziaziakchun, malai ah nanghaw taksa dan ah Jentel ah piang, taksa khut ah “Zektan,” kititen, “Zektanlo,” a la titeu haw:

EPHESA 2:11 ပူးပေါင်းရင်းမြစ်များ

EZEKIEL 20:43

Zia tak ah chun, la umdan leh la tatdan phalo tak ziak ah, la kisubuak dan uh hezing kawm in; la thilbawl uh phalo zosia ziakin nang uh nasan kiki’dak hial in lau.

EZEKIEL 36:31

Ziaphat chuleh, la umchan dikloteu leh phalo tak ah la la bawldan zosiau kha hezing in lau; la thil bawlkhial zosiau leh ki’dak um tak ah la la umnau zosia ziakin, nang uh kichimchâk hial ta’n lau.

MATTHAI 20:7

Amau chun a kiang in, kua ma’n ei goi puau ah ahi, a tiu a. Ama chun a kiang un, aleh, nang haw le ka grep huan ah vakuan tau in la, a ti kit a.

ROMTE 11:17

Chun, a bâk khenkhatte chu sâtthâk ah um in, nang gam Oliv chu amau zung ah kizom ah la um ah, Oliv thing phatna chu kikoppi la hi chun,

ROMTE 2:26

Ziaziakchun, zektanlo chun dikna dan chu zawm ta leh, a zektan lona chu zektan gual ah ngai hitho lo ding a hem?

ROMTE 2:27

Chuleh, ama piandan ah zektan lo chun dan a zui kim leh, nang, a lekha thu leh zektan dan nei ngal ah, dan botsepa chu hun kãl lo ding a hiu em?

1 KORINTH 12:2

Pathian awi lo la hi’lai uh khan, thep ah um in milim pau theilote lam ah puiman la hiu kha la hiau hi.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

GALATIA 2:15

Ei uh chu Jentel migilote hilo in, Juda mi him ah piang I hiu a;

GALATIA 6:12

Taksa lam kilawmsak nuam mite’n zektan dingin a hun phût sek un; bangma dang ziak ahi puai, Khrista kros ziak ah a thoklona ding un ahi.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 16:12

Aigupta gam ah suak ah la um danteu kha hezing unla, zia dan thuguatte hi gunchu tak in la zui ding uh ahi.

DAN LEKHABU 5:15

Nanghaw le Aigupta gam ah khan suak leh sal in la la um tau ah; zia’ kipat chun Lalpa la Pathian un, a khut hât tak leh a bânjak in a hun puidok la hiu ti kihe zing un; ziaziakchun, Lalpa la Pathian un sabbath ni chang thiangtho dingin thu a hun piak la hiu.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

KOLOSSA 1:21

Chuleh, lungthim lam ngaituana ah khen chuam leh a mêlma a la hi’n, nunsia tak in la la um tau a;

KOLOSSA 2:11

Ama ah chun nanghaw chu khut hilo ah zektan la hitau in, taksa ah gitlonate chu liptha’n, Khrista ah zektan la hitau a;

KOLOSSA 2:13

Chuleh, nanghaw la sukkhialnateu ziak leh taksa zektanlo ziak ah thi la hiu ah, nangmau ngei chu ama tawh a hun suk-hin kit la hi tau hi; I sukkhialnau zosia ei ngaidam ta ahi.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.