EPHESA 1:9 - PATHIAN LEKHABU THIANGTHO (BSI)

⁹ Khrista ah a thiltup, a doilam dungzui ah a lunggil thugûk chu ei hiatsak ta ahi.

EPHESA 1:9 ပူးပေါင်းရင်းမြစ်များ

SAM 33:11

Lalpa lemguatna chu kumtuang in um den intin, a lungthim ah a ngaituanate chu, suan zosia tiang in um zing in a.

JEREMIAH 2:29

Bang ding ah ei gensia la hiu em? La leng un ka chung in la thukhel ngâl un, Lalpa‘n a ti ahi.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

NASEPTE 13:48

Jentelte chun zia chu a het phat un, kipak ma ma in Lalpa a pâk tau ah; kumtuang hinna chang ding ah guat ah um zosia chun a ging tau hi.

NASEPTE 2:23

zia pa ngei, Pathian in a gêl zawsa leh a hetlawkna dungzui ah la khut ua piakdaw ah um chu nanghaw’n dan pawlam ah umte khut in kros ah khenden in, la that tau a.

NASEPTE 4:28

la khut leh la lemguatna ah la guatlawk taphot chu, hung guitun sak ding in.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

ROMTE 8:28

Pathian in a guat dungzui ah a kote, ama hepite â ding ah chun a phatna ding un thil bangkim a bawl piak sek hi ti I he ngal un.

1 KORINTH 1:21

Khawvel in pilna mang ah Pathian a het zaw tâk lo nung in, Pathian pilna chun ngolhuai tak ah thu kigente chu mang in, a gingte hukdam chu a kipakna lam tak ahi ngal a.

GALATIA 1:12

Mihing ah kipat ka mu le ahi diak pua’n, mi ei hil le ahi diak pua’n, Jesu Khrista kilâkna ziak ah ka mu a hi zawi.

GALATIA 1:15

Chuleh, ka nu gilpi sung ah kipat ei la khenchuampa leh hepina ziak ah ei kopa Pathian chun,

GALATIA 1:16

Jentelte lak ah a chanchinpha ka gen theina dingin, a chapa chu lungdam tak ah keima ah a kilatsak lai khan, taksa leh thisan tawh kiho hilo in,

EPHESA 1:11

Ama doidan leh lemguat dan ah thil zosia sêm in, a tup gual ah a guatlawkna chu, ama golua I hi’na ding uh ahi.

EPHESA 1:8

Zia hepina chun ama pilna leh lunggêl thiamna’n ei la vuk ta ahi.

EPHESA 3:11

Khrista Jesu, I Lalpau ah sep a guat, a kumtuang lemguat dungzui ah chun;

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

2 TIMOTHI 1:9

Ama chun I thilhite dungzui hilo in, ama thiltup leh a hepina dungzui in ei hukhing in, kona thiangtho in ei ko a. Zia hepina chu khawvel kisiam ma ah, Khrista Jesu ah ei piak a hita’n;