EPHESA 1:7 - PATHIAN LEKHABU THIANGTHO (BSI)

⁷ A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 1:7 ပူးပေါင်းရင်းမြစ်များ

JOB LEKHABU 33:24

ama lainat in doisak ma ma in, “Thi’na ko’tang ah kipat in hun hukdok un, ama kitatna ding ka mudok tai;

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 130:7

Aw Israel, Lalpa ah kinem in! Lalpa kiang ah ngilneina a um ngal in, ama ah chun hukdam theina thahâtna a um hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

PAWTDAWNA THU 34:7

Sâng tam tak tiang ah khawtuana nei, khawlona, sukkhialna leh gitlona ngaidam ah; thiamlo changte ngaidam ziang lo ah, pate nunsiatna ziak ah, chate leh a tusawnte, suan thumna leh suan li’na tiang ah, phuba la sek,” ti’n a puang tai.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

DANIAL 9:19

Aw Lalpa, ngai inla; Aw Lalpa ngaidam in; aw Lalpa ngaitha’n la, khawdâng lo in hun bawl ngal in! Aw ka Pathian, nangma min ziak in, khawpi leh mipite chu nangma min ah kiminlaw ahi ngal un! ti in.

DANIAL 9:9

Lalpa I Pathian uh vang ja’ngaina dim leh ngaidam zo zing ahi; ama chung in a la hel tamaleu hin,

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ZEKARIAH 9:11

Nangma â dinginle la kiang ah, thisan thuthung ka la siam tâk ziakin, tui umlona kawkhûk ah kipat in, la mi tângte chu hun thâ daw piak ing ka.

MATTHAI 20:28

Mihing Chapa hial hile min a na a sep piak ding ah hung a hipua’n, nasem ding leh, mi tam tak tatna ding ah a hinna pia ding ah hung ahi zawi, a tia.

MATTHAI 26:28

zia ka thisan, mi tam takte gitlo ngaidamna ding ah pawt, Thuthunna chu ahi.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

MARKA 14:24

Jesu’n a kiang un, zia hi ka thisan, mi tam tak â ding ah pawt, thuthung chu ahi.

LUKA 1:77

a mite chu a gitlonau ngaidam ah, hukdamna chu hiatsak dingin.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

JOHAN 20:23

Kua gitlona le la ngaidam taphot uh chu, ngaidam hi’ntin, kua gitlona le la ngaidam lo uh chu ngaidam hilo ding a hiu,” a tia.

NASEPTE 10:43

Jawlneite zosia’n a chung thu a la gen uh, ‘Kuale a ging tapo chun a min in gitlo ngaidamna chang ding a hiu,’ ti thu kha,” a tia.

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

ROMTE 2:4

Ahiloleh, Pathian phatna, zaidawna leh thawk-hatna thûk zia chu musit ziang la hem? Pathian phatna chun lungheina dingin a hun pui huai zing hi ti helo la hem?

ROMTE 3:24

Khrista Jesu tatna jal ah chun, a hepina ziakin a thawn ah thiamchansak I hitau hi;

ROMTE 3:25

a thisan ziak ah thupha choina hiding leh ginna chang dingin, Pathian in a guat a. Pathian in a dikna latsakna dingin, a dawtheina ziak ah nidang lai gitlonate a kihiat losak ziakin,

ROMTE 9:23

Lopina ding ah a la siam lawk, jangaina changte â ding ah a lopina hau dan taklatna ding in,

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

EPHESA 1:14

Zia chu ama lopina pâkna ding ah a chawksa, ama â te ngei tatdawna chu a bukim masang sia, ama golua dingte khâmlawkna chu ahi.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

EPHESA 1:8

Zia hepina chun ama pilna leh lunggêl thiamna’n ei la vuk ta ahi.

EPHESA 2:4

Ahi’n la, Pathian chun, hepina a hau dungzui ah ei la hepi ziakin;

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

EPHESA 3:16

a lopina hau dungzui in a Thagau jal in, la sunggil lam ua chun thilhitheina’ suk-hat ah la umtheina ding un, ka pauchap in;

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

PHILIPPI 4:19

Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

KOLOSSA 1:14

ama ah chun I kitatnau I muu ah, I gitlonateu ngaidamna chu.

KOLOSSA 1:27

Lopina hung tung ding I kinepnau leh, zia thugûk a lopi dan tak sulangpa Khrista nangmau ah a chênna thu a lopi dan tak hi, Jentelte kiang ah gen lang dingin Pathian in ei guat tai.

KOLOSSA 2:13

Chuleh, nanghaw la sukkhialnateu ziak leh taksa zektanlo ziak ah thi la hiu ah, nangmau ngei chu ama tawh a hun suk-hin kit la hi tau hi; I sukkhialnau zosia ei ngaidam ta ahi.

KOLOSSA 2:2

Pathian thugûk, Khrista ngei hi hetna a hun nei ua, hetchianna lam ah hausa tak ah a hung umtheina ding un, a lungthim uh tîlkho a hiu ah; hepina a kipumkhat theina ding uh chu ka doilam tak ahi ngal a.

1 TIMOTHI 2:6

ama chu mi zosia tatna dingin a hung kipe tai, zia thu chu a hun tak ah taklat in a um tai.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

TITA 3:6

Zia Thagau chu I Hukdampau Jesu Khrista jal in nasa tak in a hun buntha ta ahi.

HEBRAITE 9:22

Dan dungzui in bangkim hi thisan ah sukthian thei ahi’n, thisan pawt lo in ngaidamna a um puai.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 JOHAN 2:12

Naute haw, ama min ziak ah, la gitlonateu ngaidam ahi tâk ziakin, la kiang un ka hun zik ahi.

1 JOHAN 2:2

Ama chu I gitlonateu thupha choina ahi; eimau gitlona bep hilo in, khawvel pumpi gitlona thupha choina le ahi.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

THUPUAN 14:4

Ziate chu numei lak ah kihi’buaklote a hiu a; kikoi thiangtho zing a hiu hi. Amau chun Belamno chu a chiana lam lam in a zui ua, Pathian leh Belamno â ding ah ga masa pen hiding ah mihing lak ah kipat tatdawte chu a hiu.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;