EPHESA 1:6 - PATHIAN LEKHABU THIANGTHO (BSI)

⁶ A hepina chun ama’n ei la lut ah, zia a hepina lopi chu I chawihoina ding un.

EPHESA 1:6 ပူးပေါင်းရင်းမြစ်များ

SAM 22:20

Ka hinna chemjam ah kipat in hukdok inla, ka hinkhua uicha thilhitheina lak ah kipat in humbit ta’n!

SAM 60:5

La doisakte humbit ah a umtheina ding un, la khut changlam in zaw’na ei pia’n la, ei hun dawnhu ta’n.

THUPILTE 16:4

Lalpa‘n thil zosia hi panna nei chiat dingin a la siam ah; migilo natiangle ni phalo hun â dingin a la siam ahi.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ISAI 61:11

Lei in thâihing a kêdawsak ah, huan ah thâichi kitû a kêdaw sak gual in, Lalpa Pathian in nam tinte ma-âng in, dikna leh choihoina chu hun kêdawsak ding ahi.

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 33:9

Chun, zia khawpi chêngte â ding ah thilpha ka hi’piak zosia hun he dingte ma-âng ah chun, zia khawpi hi kei â ding ah kipakna leh choihoina leh lopina hung hita’n a; zia khawpi â ding ah thilpha leh vangphatna ka piak ziakin, lau in kithing ta’n au.

THIAMPUTE LEKHABU 15:15

Thiampu’n a khat pen chu gitlo thoina thillat dingin, a khat zawk chu hâlmang thillat dingin a lat ding ahi: Chun, thiampu’n a thil pawt ziak ah chun ama â dingin Lalpa âng ah tatna bawl piak in a.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 20:9

Dak nga vêl in a mi goite a hung un, ni khat thaman zat chiat a muu a.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

JOHAN 10:17

Ka lâk kit thei ding ah ka hinna ka piak ding ziakin, ziaziakchun Pa chun ei hepi ahi.

JOHAN 3:35

Pa chun Chapa chu a hepi hen, a khut in bangkim a pia tai.

ROMTE 8:1

Chutichun, tu’hin chu Khrista Jesu ah umte â ding ah chun, thiamlo channa him him a um ta puai.

2 KORINTH 4:15

Bangkim la phatna ding uh ahi. Hepina mi tam zaw ziak ah hi’pun ah um in, Pathian lopina ding ah kipak thu nasa tak ah la gen theina ding un.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

EPHESA 1:12

Ei haw Khrista ah ginna a la nga masate hi a lopina pâkna I hung hi theina ding un.

EPHESA 1:14

Zia chu ama lopina pâkna ding ah a chawksa, ama â te ngei tatdawna chu a bukim masang sia, ama golua dingte khâmlawkna chu ahi.

EPHESA 1:18

Chutia, la lungthim mitteu chu hi’vâk a hung hi ah, la hettheina ding un, ama kona kinepnate, mi thiangthote golua ding a lopi dante,

EPHESA 2:7

Chutichun, hun hung tung kit ding ah te chun Khrista Jesu ziak ah I chung ua nunnem in, a hepina lopi hau dan te’gual lo chu ei musak theina ding in.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

PHILIPPI 4:19

Chun, ka Pathian chun Khrista Jesu ah a hausakna dungzui in, la tâksap zosiau chu hun pia’n a.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

1 PETER 4:11

Kua’n le thu a gen chun, Pathian thute gual in gen hen; kua’n le na a sep chun, Pathian in hatna a piak gual jel in sêm hen; tichun, Jesu Khrista ziakin Pathian chu bangkim ah chawihoi in um thei in a. Lopina leh vaihawmna chu kumtuang in ama â ahi ngal a.