EPHESA 1:17 - PATHIAN LEKHABU THIANGTHO (BSI)

¹⁷ I Lalpau Jesu Khrista Pathian, lopina Pa chu, ama hetna lam thu ah, pilna leh hiatsakna thagau a piak theina dingin.

EPHESA 1:17 ပူးပေါင်းရင်းမြစ်များ

1 KHANGTHU 29:11

Aw Lalpa, letna leh thilhitheina, lopi’na, zaw’na leh lalna zosia chu nang â ahi; van ah thil um zosia leh lei ah thil um zosia hile nang â a hiu; aw Lalpa, leng gam zosia nang â a hiu ah, thil zosia chung ah sâng pen ah choisa’n la hi.

JOB LEKHABU 42:5

Nang chu bil ah het mai in ka la hia’n, tu’hin vang ka mit ngei in ka hun mu tai.

SAM 24:10

Zia lopina Lal chu kua a hem? Sepai honte Lalpa chu, lopina Lal ahi.

SAM 24:7

Aw kotpite haw, la luchang uh dom sâng un! Nanghaw kumtuang kotkhakte haw, kikhâi sâng tau in! Lopina Lal a hung luttheina dingin.

SAM 29:3

Lalpa aw chu tuite chung in a gi hen, lopina Pathian aw chu van-gi gual in a gi dul dul in, Lalpa aw ngei chu, tui tam tak chung in a hung gii.

PAWTDAWNA THU 28:3

Chuleh, mi khutthiamte, lemhiatna thagau ah ka thuam zosiate kiang ah gen inla, Aron chun thiampu’na kei â ding ah ei sep piak theina ding ah hithiantho a hung hitheina dingin a kithuamna dingte chu bawl piak uh hen.

THUPILTE 18:15

Mi lungthim pil in chitna a kimu belap sek in, mipil beng chun hetna a hawl belap sek hi.

THUPILTE 2:5

Lalpa launa châng hun hia’n la tin, Pathian hetna chu hun mudok in la.

ISAI 11:2

Pilna leh hetthiamna Thagau, lemhetna leh hatna Thagau, hetna leh Lalpa launa Thagau, Lalpa Thagau ngei chun hun thuam ta’n tin,

JEREMIAH 2:11

Namte chun a pathianteu chu, Pathian tak hilomaleh, a theng ngai him him awm? Ka mipite’n vang a lopinau, thil phachuam lo mai mai in a theng tau hi.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

DANIAL 10:1

Persia Lengpa Kuras a lal kum thumna’n, Danial, Belteshazzar a tiu kiang in thu khat taklat in a hung um a. Zia chu thudik tak, kidona nasa tak hung um ding thu ahi. Mulawkna thute hiatthiamna neisa ahi ziakin, zia thu chu a hechian ma ma ziang hi.

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

MATTHAI 20:33

Amau chun a kiang in, Lalpa, mu thei ka nuam ui, a tiu a.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

LUKA 12:12

Thagau Thiangtho chun a hun hun in la gen ding uh chu hun hiatsak ding ahi, a tia.

LUKA 2:14

“Chungnung pen ah Pathian chu, lopi tak in um hen la, lei chung ah a doisak ma ma mihingte kiang hin, chamna um ta hen!” a tiu a.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 14:26

Ahi’n, Genpiakpa, Thagau Thiangtho ngei chu ka min in, Pa’n hun sawl intin, ama chun thil bangkim hun hil intin, la kiang ua ka thugen zosia hi hun hetdawsak kit ding ahi.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

NASEPTE 6:10

Himaleh, pilna leh Thagau ah thu a gen chu a nial dong thei him him puau a.

NASEPTE 7:2

Ziaphatchun, Stephen in a dawnhu a: Suapite leh pate haw, ei la ngaithau in. I suantu bul uh Abraham kha Haran ah a um ma’n, Mesopotamia ah a um lai khan, lopina Pathian chu a kiang in a hung kilâk in,

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 15:6

I Lalpa Jesu Khrista Pa ngei Pathian chu lungthim munkhat leh kithu gual ah la hun suklopi theina ding un.

1 KORINTH 12:8

Mi pakhat kiang in Thagau in pilna thu a pia’n, zia Thagau ma chun midang kiang in hetna thu a pia’n;

1 KORINTH 14:6

Suapite haw, tu’hin la kiang un pauhetlo in thu hung gen ta leng, hiatsakna a hem, hetna a hem, thugenna a hem, zilsakna a hem ah ka hun gen lo chun bang a hem lei phatchuampina ding uh?

1 KORINTH 2:10

Zia chu Pathian in a Thagau ah chun I kiang un a tâklang tai; Thagau chun bangkim a hawldok sek ah; ahi, Pathian thugil takte le.

1 KORINTH 2:8

Zia chu khawvel lalte kuama’n a hepuau hi; a la he hileu chu lopina Lalpa chu a la khênden lo ding a hiu in.

2 KORINTH 12:1

A phatchuamna ding umlo maleh, suang him him ding ka hi; Lalpa kiang ah kipat kilâkna leh hiatsakna thu hun gen nalai ing ka.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

EPHESA 3:5

Zia chu tu’lai ah sawlchâk thiangthote leh jawlnei thiangthote kiang ah, Thagau hiatsak ah a um gual ah hin, tu’ma lam ah khan mihing chate kiang ah hiatsak ahi ngai pua’n; zia thu chu zia hi ahi:

EPHESA 4:13

ginna leh Pathian chapa hetna lam ah I hung pitin ua, Khrista bukimna tawh kibang ah I hung kipum khat theina ding un.

PHILIPPI 3:15

Ziaziakchun, piting tapote chun zia gual lungthim chu nei hitiu; ahi’n la, lungdang pu’ I um tâk unle, Pathian in zia chule la kiang un hun taklang in a.

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

TITA 1:1

Paul, Pathian suak leh Pathian ngaisakna lam ah thutak hetna leh Pathian mi têl, ginna dungzui ah Jesu Khrista sawlchâk chun,

JAKOB 2:1

Ka suapite haw, mi doichuam nei tak ah um zing kawm in, I Lalpau Jesu Krista lopi tak chu la gingcha tak tak thei nau em?

2 PETER 1:3

Ama lopina leh phatna ah ei kopa, a chanchin het ziakin Pathian thilhitheina’n hinna leh Pathian ngaisakna lam thu ah thil zosia ei pia ta ahi.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

THUPUAN 7:12

zia gual hin La a sau a: “Amen! Maljawlna, lopina, pilna, choihoina leh kipak thu genna, thilhitheina leh hâtna chu, I Pathian kiang un, kumtuang kumtuang in um zing ta hen! Amen,” a tiu a.