EPHESA 1:10 - PATHIAN LEKHABU THIANGTHO (BSI)

¹⁰ Zia a doilam lunggil chu, hunbî a hung tun phat leh, thil zosia: Van ah umte leh lei chung ah umte chu, Khrista ah gawm khawm in, suktua sik sek ding ti hi ahi.

EPHESA 1:10 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

MALAKI 3:1

Ngai un, ka thangko hun sawl ing ka tin, ka hungna ding lampi guanggal in a; tichun, la hawl uh Lalpa chu a tempul ah hung tung phut in a. Thuthung sawlchâk la kipakna ma mau chu a hung hi, sepai honte Lalpa chun a ti ahi.

MATTHAI 25:32

nam zosia chu a ma-âng ah kikhawm intiu in; amau chu belampu’n, kêlchate lak ah belamte a khendaw sek gual in hun khendan in a.

MARKA 1:15

“A hun a buting ta hen, Pathian gam chu a nai tai, la gitlo uh haisan unla, chanchinpha hi ging tau in,” ti’n a gen pan a.

1 KORINTH 10:11

Zia thilte chu etsakna ding ah a chung ua tung ahi; eihaw hun nunung ah umte ei hilna ding ah kizik ahi.

1 KORINTH 11:3

Ahi’n la, Khrista chu pawsal zosia luchang ahi’n, pawsal chu a ji luchang ahi’n; Pathian chu Khrista luchang ahi ti, la het uh ka dawi hi.

GALATIA 4:4

himaleh, a hunbî a hung tin phatin, Pathian in a Chapa, numei suan in, dan nuai ah hung piang in a hun sawl tai.

EPHESA 1:22

ama’n bangkim a keng nuai ah koi in, ama chu bangkim chung ah kochuam luchang in a siam a;

EPHESA 2:15

Pani hilai kha ama ah mihing thak pakhat hiding ah a siamdaw theina dingin, dan leh a thupiakte leh a thuthungte chu subei in, kichamna a bawl tai;

EPHESA 3:15

lei leh van ah Inkuan zosia min sakna pa,

EPHESA 3:2

nanghaw kiang ah Pathian hepina thu gen ding ah, sawl ah ka um dante kha a la he ngei ding la hingal un;

KOLOSSA 1:16

Ama ah chun thil bangkim, van ah umte, lei ah umte, mu theite, mu theilote, lalchutphate tawh, thuneinate le, bangkim ama â ding leh ama ziak ah siam ahi.

KOLOSSA 1:20

chuleh, ama ziak ah Pathian in bangkim tawh kichamna a nei chu a lung lam tak ahi; lei chung ah um hi’n, van ah um hitaleh, a kros thisan ziakin kichamna a hun siam ta ahi.

KOLOSSA 3:11

Zia chun, Grik mi leh Juda mi, zektan leh tanlo, pauchuam mite, Skuthi mite, suak leh suaklo le a um diak ta puai; Khrista chu bangkim hi jawn, bangkim in a um hi.

HEBRAITE 1:2

tu’hun nunung lam ah hin vang a Chapa in I kiang un thu a gen zaw tai; a Chapa chu bangkim golua dingin a têl ah, ama mang in Pathian in khawvel hi a la siam tai.

HEBRAITE 11:40

eihaw â ding ah thil phazaw a guanggal tâk ziakin, eihaw panglo ah bukimna a chan ding uh chu Pathian in a phal puai.

HEBRAITE 9:10

Ziate chu nêk leh dawn thu, kithiansakna chuam chuam leh paw lam dante tawh kisai ahi’n, siamphatna hun masia ding ah kibawl ahi.

1 PETER 1:20

Ama chu leilung siam masang ah guatlawk hisa, hun nunung lam ah nang uh ziak ah hilat ahi tai.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;