DANIAL 9:9 - PATHIAN LEKHABU THIANGTHO (BSI)

⁹ Lalpa I Pathian uh vang ja’ngaina dim leh ngaidam zo zing ahi; ama chung in a la hel tamaleu hin,

DANIAL 9:9 ပူးပေါင်းရင်းမြစ်များ

2 SAMUEL 24:14

Ziaphatchun, David in Gad kiang in, “Ka lung a buai ma ma tai; Lalpa khut in pûk lut zaw mai ing ka; ama chu hepina hau ahi ngâl ah; mihing khut in vang ka pûk lut nuam puai,” ti’n a dawnhu tai.

1 LENGTE 8:30

La suak hi tawh la mi Israelte’n zia mun lam nga a pauchap tak ua leh a dotnau chu van ah la chênna kipat in ngaitha sek inla, ngaidam in.

NEHEMIAH 9:31

Chuti maleh, la ja’ngaina a nasat ziakin amau chu sumangthai ziang lo in, la nusia diak puai; nang mi hepina dim leh ja’ngaina hau Pathian la hiziak in.

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 130:7

Aw Israel, Lalpa ah kinem in! Lalpa kiang ah ngilneina a um ngal in, ama ah chun hukdam theina thahâtna a um hi.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

EZEKIEL 20:13

Himaleh, Israel Inkuante chu gamthip ah khan ka chung in a hel un; ka dan bawlte zui lo in, ka thuguatte chu zawm lo in, zia chu zawm ah mi tin in a hinna ding uh chu a nol tau ah; chuleh, ka sabbath nite le huaisia tak in a hi’buak tau hi. Ziaphatchun, gamthip ah khan amau hi’mangthai ziang dingin, ka lungnatna a chung un butthâk ka la gaw hial tai.

DANIAL 9:5

ka gilo zo tau ah, ka la bawl khial zo tau in, nunsia tak ah um in ka la hel zo tau a; la thupiak leh la vaihawmnate ah kipat in ka la pêt mang zo tau hi.

DANIAL 9:6

Ka lengteu leh ka milian milalteu, ka pu leh pateu leh ka gam ua mipi zosia kiang ah la min ah thugente, la suak jawlneite thugen ka la ngaisak ta puau hi.

DANIAL 9:7

Aw Lalpa, nang vang la dik in, kei haw vang tu’ni ka um gual mau in, Judah mipite hileh, Jerusalem ah chêngte hileh, Israel mipi zosia hileh, a nai leh a gamla um, a gitlonau ziak ah la nawjakte a chênnau mun chiat un jachat um tak ah sukmualpho in ka um zo tau hi.

DANIAL 9:8

Aw Lalpa, la chung ah thil ka la bawlkhial tâk ziak un, kei haw leh ka lalteu, ka milian milalteu leh, ka pu leh pateu zosia chung ah mualpho’na huaisia tak a tung ta ahi.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.