DANIAL 9:7 - PATHIAN LEKHABU THIANGTHO (BSI)

⁷ Aw Lalpa, nang vang la dik in, kei haw vang tu’ni ka um gual mau in, Judah mipite hileh, Jerusalem ah chêngte hileh, Israel mipi zosia hileh, a nai leh a gamla um, a gitlonau ziak ah la nawjakte a chênnau mun chiat un jachat um tak ah sukmualpho in ka um zo tau hi.

DANIAL 9:7 ပူးပေါင်းရင်းမြစ်များ

EZRA 9:13

Chuti gual ah ka gitlonau ziak leh ka mawnau tam ziak ah, ka chung ua hung tung dingle, nang ka Pathian un ka gitlonateule a kiphutawk sâng ah nep zaw’n ei gawt ah, zia gual ah um nalai dingte bang la umsak nalai a;

EZRA 9:15

Aw Lalpa, Israelte Pathian, nang vang la dik in, keihaw vang tu’ni ka um gual un, a suakcha um nalai sunte chu ka hitau hi. La mêl hawl tâk khat chale um talo maleng uh le, ka mawnau pum in, zia tak ah hin la ma-âng in ka hung ui,” ti’n ka pauchap tai.

NEHEMIAH 9:33

ka chung ua la thil hun tunsak zosia ah hin nang chu la dik ah, nang in dik tak in la bawl hi; kei un vang nunsia tak in ka la bawl zo tau hi;

SAM 119:137

Aw Lalpa, nang vang la dik in, la vaihawmte le a dik suak hi.

SAM 44:15

Nisi’n jakcha’n ka um ah, mualphona’n ei khû zing a;

SAM 51:14

Aw Pathian, nang, ei hukhingpa, ka Pathian, thisan sua’na lak ah kipat, ei hukhing inla; chutichun, ka lei hin lei hukdawna thu, ngai tak in la’n sa’n a.

SAM 51:4

La chung ah, nangma chung ngei in, thil ka la hi’khial ta’n; la mit mu ah thil diklo ka la bawl tai; tichun, la thugen ah thiam chang ah, vaihawmna le demna bei la hi’theina dingin.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 45:16

Milim siamte chun buaina tuak in, a leng un mualpho tak leh, zakcha tak in um ta’n au.

JEREMIAH 12:1

Aw Lalpa, ka hun awimaw guat leh le, nang chu la dik him him hi; ahi’n la, kadot nop pakhat hun dong ing ka. Bang ding ah migilo lamzang a hem? Bang ding ah dawha phalo mite zosia, khangto sek a hiu em?

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 24:9

Lei chung lenggam tin ah ka nawmangna gam ah mite â ding ah tizat um, min siat law dingin siam ing ka tin, khang kihilna ding leh, eulau ah hânsia lawkhum dingin pedok ding ka hi.

JEREMIAH 3:25

Mualpho tak in lum suk hitiu in, I zachatnau chun ei tuam mai ta hen. I pu leh pateu ah kipat, ei haw neulai leh tu’hun tiang in, Lalpa I Pathian chung in I la bawl khial tau ah, Lalpa I Pathian uh thu I la ngai paw’ngal un, ti in.

JEREMIAH 32:32

ziaziakchun, Israel mipite leh Judai mipite zosia’n, ei sulungna ding ah a thil phalo bawlteu zosia ziakin, amau, a lengteu leh a milian leh lalteu, a thiamputeu leh a jawlneiteu, Judai gam ah mipite leh Jerusalem khua chêng zosia tawh a leng un ka mit mu ah kipat in sumangthai sik sek ding ka hi.

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

JEREMIAH 4:17

Keima chung ah a hel tâk ziak un, lou hongte’n a ûm kîmvêl gual un, a ûm kîmvêl zo tau hi, Lalpa‘n a tii.

JEREMIAH 7:19

Keima ei sulungna ding ah a bawl uh ahi em? Lalpa‘n a tii. Amau kisuknatna ding ah a bawl uh hilo a hem?

EZEKIEL 16:63

la thilbawl dan zosia ka ngaidam phat leh, la het zing ziak ah la zachat man ah bangma gen ding neilo in, la kam ka hawm ziang ding la hi, Lalpa Pathian in a ti ahi.

EZEKIEL 36:31

Ziaphat chuleh, la umchan dikloteu leh phalo tak ah la la bawldan zosiau kha hezing in lau; la thil bawlkhial zosiau leh ki’dak um tak ah la la umnau zosia ziakin, nang uh kichimchâk hial ta’n lau.

EZEKIEL 5:10

La lak un nu leh pa a chateu sa ne leh, a chateu a nu leh pateu sa ne, matheilo in hung um ding la hiu; la lak un vai hun hawm ding ka hiziak in, zia lak ah suakcha sunte chule kil tin ah thejak nalai ding ka hi.

EZEKIEL 6:12

Gamla tak ah umte chu natpi’n thi’n tiu in; a nai tuam ah umte chu chemjam in thi’n tiu in; zia lak ah suakcha nalaite chu kial thi’n au. Tichun, a chung ua ka lungnatna but khum ta’ng ka.

DANIAL 9:14

Tichun, ka chung ua thil phalo a hung tun masangsia a la entha zing hi. Lalpa ka Pathian uh vang a thilbawl zosia ah dik suak a hisiat tawh; ama aw ka la ngaisak ta paw’ngal un.

DANIAL 9:18

Aw ka Pathian, la bildaw inla, ei ngaitha’n. La mit hak inla, ka chung ua siatna tung leh, la min ah kiphuak khawpi hi hun en ta’n. Ka diknau suang hilo in, la ja’ngaina nasat ziak zaw’n la man ka hun don uh ahi.

DANIAL 9:8

Aw Lalpa, la chung ah thil ka la bawlkhial tâk ziak un, kei haw leh ka lalteu, ka milian milalteu leh, ka pu leh pateu zosia chung ah mualpho’na huaisia tak a tung ta ahi.

AMOS 9:9

Ngai un leidâl ah bu a ngelthia’n gual un, Israel Inkuante ngel dingin thu pia ding ka hi’n; ahi’n, suangchang khatle lei tual ah ketha pua’n a.

ROMTE 6:21

Tu’ la thil jachatpiteu ah kipat chun bang phatchuamna la la muu em leh? Ziate tawpna kha thina ahi vei.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

DAN LEKHABU 4:27

Lalpa‘n nam tin lak ah hun thejak intin, namtin lak ah kipat a hun pui kit ding tawmcha bep suakcha ta’n lau.