DANIAL 9:3 - PATHIAN LEKHABU THIANGTHO (BSI)

³ Ziaphatchun, anngawl ah saidip puan sil ah vut lak ah kitung in, Lalpa lam nga’n pauchapna leh dotpiakna ka nei ta’n.

DANIAL 9:3 ပူးပေါင်းရင်းမြစ်များ

2 SAMUEL 12:16

Ziaziakchun, David in Lalpa kiang in nausen â dingin a dot piak ah; David in anngawl in a lût ah, jankhua’n tuanglai in a lum tai.

EZRA 10:6

Ziaphatchun, Pathian In mai ah kipat chun Ezra chu a thodok ah, Eliashib chapa Jehohanan pindan in a chia ah, zia tak ah chun zia jan chu a giak den tai. Ama chun saltâng ah puimang ah umte gitlona ziak ah lusûn ahiziak in, an ne lo in tui le a dawn puai.

EZRA 8:21

Ziaphatchun, Ahava lui pang ah chun, Pathian âng ah kikoi niam ding leh, ka chateu tawh, ka nei leh lamteu pum ah bit takah ka zin theina ding ua lam dik ei kawkmu theina dingin, anngawlna ding thu ka puang ta’n.

EZRA 9:5

Nitâk lam kithoi hun a hung hi’phatin, ka puanâk leh puansil tel nêt nût in, ka anngawlna kipat hung thodok in ka khupdin ah, ka khutbânte jak in, Lalpa ka Pathian kiang ah zia gual hin ka pauchap a:

NEHEMIAH 9:1

Zia tha ah a ni sawmni leh li ni chun, Israel mipite chu anngawl ah saidip puan sil in, leivui kibuak khum in a kikhawm tau a.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

SAM 35:13

Ke’n vang, a damlo lai un saidip puan ka sil a; anngawl ah kihigenthei in, ka lu siphûm in ka pauchap a,

ISAI 22:12

Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

EZEKIEL 36:37

Lalpa Pathian in zia gual hin a gen a: Gancha hon gual ah tam, mihing hi’pung dingin, Israel Inkuante kichial khawmsak ta’ng ka.

DANIAL 6:10

Lekha kizik chu lengpa’n lem a sakpi’na’n a min a zik tai ti Danial in he maleh, a In ah chia to kit in, a Insawng chung lam ah tukvan Jerusalem lam nga’ hong in, a bawl ngai gual in, ni khat ah thumvei khiangkho ah Pathian kiang ah pauchap in, a min chu a pâk zing sek a.

DANIAL 9:2

a lal kum khatna chun, keima Danial in Lekhabu thiangtho ah jawlnei Jeremiah kiang ah Lalpa thu ah, Jerusalem khua kum sawmsagi sung suksiat ah um ding ahi, kiti guitunna ding thu chu ka muchian ta’n.

DANIAL 9:20

Pauchap ah, ka gitlo’na leh ka mipi Israelte gitlona thupha chawi ah, Lalpa ka Pathian âng ah, ka Pathian tâng thiangtho ah ding ah dotpiakna bawl a,

DANIAL 9:4

Lalpa ka Pathian kiang ah gitlo thupha chawi in, zia gual hin ka pauchap a: Aw Lalpa, Pathian thupi leh lau um, nangma hun hepi ah la thupiak jawmte chung ah thuthung leh ja’ngaina vopzingpa,

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

JONAH 3:5

Nineveh khua mipite chun Pathian a taksang tau a; anngawl ding thu a puang ua; mitin, a lian a neu in saidip puan a sil tau a.

MATTHAI 17:21

Banghilehle, zia tawhbang hichu, pauchapna leh anngawlna longal in pawtdok pua’n a, a tia.

LUKA 2:37

chuleh kum sawmgiat leh li sung meithâi ah a la khawsa ta, tempul ah kipat pawtdok lo ah, a sun a jan ah anngawl ah pauchap sek ahi’n.

NASEPTE 10:30

Kornelia chun a dawnhu a, “Ni li a hita’n, tu’ phat vel ah hin ka In ah nitâk dak thum ah ka pauchap lai tak in, mi pakhat puan vâm tak sil in ka ma-âng in a hung ding a.