DANIAL 8:9 - PATHIAN LEKHABU THIANGTHO (BSI)

⁹ Zia kîte lak ah pakhat ah kipat chun, kî neucha a hung pawtdok kit a; zia chu mallam, sualam leh gam mêlpha lam zuan in a khang ma ma a.

DANIAL 8:9 ပူးပေါင်းရင်းမြစ်များ

SAM 105:24

Lalpa‘n a mite nasa tak in a hi’pung a, a mêlmateu sâng ah hatzaw’n a siam a,

SAM 48:2

A tâng thiangtho sândan chu a kilawm in, zia chu khawvel pumpi kipakna, Lal lopi tak khawpi Zion tâng chu mallam pek in a um hi.

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

EZEKIEL 20:15

Zialochun, gamthip ah khan gam ka piakna, bawngnawi leh khuaizu luanna gam pha, gam zosia lak ah gam pha pen ah chu pui lût lo ding ti’n ka la kipautiam zo ta’n.

EZEKIEL 20:6

Zia ni chun Aigupta gam ah kipat puidok ing ka tin, amau â ding ah ka mudaw’na gampha, bawngnawi leh khuaizu luanna, gam zosia lak ah pha pen ah pui lût dingin ka la tiam tai.

DANIAL 11:16

Amau do ah hung kuante chun a nop nop un bawl ta’n tiu in, amau dal zo ding kuama um ta pua’n au. Gam mêlpha ah chun mun chang ta’n tiu in, a leng un ama thu’n um ta’n au.

DANIAL 11:21

Ama mun ah mi khat simmaw um tak, a chung ah le lenggam jana piak ah um kha lo chu hung dingdok intin; hetkhol lo in hung intin, dawhathiam in lenggam chu chang ta’n a.

DANIAL 7:8

A kîte chu ka ngaitua zing lai in, a kî chuam, neucha khat, a dangte lak ah kipat chun a hung dawndok ah; zia kî neu hung pawtdawna mun ah kî dang pathumte chu a zung pum in bawdaw in a um tau a. Zia kî neu ah chun mihing mit gual gual leh, chapo tak ah thugenna kam le a um a.

ZEKARIAH 7:14

chuleh, a mêlhet ngai lo namteu lak ah chun, chîmpei in a thejak gual in the’chek ka tin; tichun, a gam nutsiau chu gamthip suak ta’n tin; zia gam chu haw in kuama chia suk chia to le um ta pua’n au; tichun, gam nuam tak chu gamthip suak ta’n a,” a ti’n.