DANIAL 8:3 - PATHIAN LEKHABU THIANGTHO (BSI)

³ Ka dakdaw leh lui pang ah belamchal khat ka vak mu’n. Ama chun kî pani a nei in. A kî teni chu a sau gêl un; himaleh, khat chu a sauzaw’n, a sauzaw chu a hung dawkdok nunung zaw ahi.

DANIAL 8:3 ပူးပေါင်းရင်းမြစ်များ

1 KHANGTHU 21:16

David in a et to leh, Lalpa vansawlchâk Jerusalem lam zuan ah chemjam lâmsa, lei leh van kikâlah ding zing chu a mu ta’n. Ziaphatchun, David tawh a miliante chu saidip puan sil in, a maichang ua lei tual si’n a bokkhup tau hi.

EZRA 1:2

Persia gam ah Lengpa Kuras in zia gual hin a gen a: “Lalpa, van Pathian in khawvel lenggam zosia chu pia’n, Judai gam ah Jerusalem ah a In ding sa kit dingin thu ei pia’n.

EZRA 4:5

tichun, Persia Lengpa Kuras vaihawm sung zosia ah kipat, Persia Lengpa Darius lal tiang in, a thiltup uh sukbuaina ding ngaitua in gam vaihawm miliante chu a golgu tau hi.

ESTHER 1:3

a lal kum, kum thumna chun, a miliante zosia leh siamângte zosia â dingin, luaithe’na lopi tak a siam ah. Persia leh Media gam sung ah sepaite tawh, miliante leh gambung tin ah uktute zosia chule a kim kei un;

ISAI 13:17

Ngai in, amau do dingin Mediate ka chokphûl hi; amau chun dangka enla pua’n tiu in, sana inle kipak diak pua’n au.

ISAI 21:2

Thil tizat um tak hung tung ding chu ka kiang in a gen a; dawha thûk tak ah bawlpa chun dawha’n a hun bawl ah; thil hisepa chun a hun hise malam pek hi. Aw Elam, Chia to in! Aw Media, hung ûm chimit tau in; Babulon in a hilung ngaisak zosia hun hi’bei ding ka hi tai.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

JEREMIAH 51:11

Thalchangte tât-hiam un! Thalchang a bawm ah thundim un!

DANIAL 10:5

ka dâk to ah, pawsal khat puanmalngat sil, a kawng Uphaz sana kawnggâk ah kigâk ka vak mu’n.

DANIAL 2:39

La nung hin nangma sâng ah thupilo zaw lenggam khat hung dingdok kit intin; ahi’n, lenggam pathumna lei chung zosia ah vaihawm ding, sum-eng lenggam chule hung um ding ahi.

DANIAL 5:31

Chun, Medeste Lengpa Darius in lenggam chu a la tai; ama chu kum sawmguk leh ni ah upa ahi.

DANIAL 6:28

Tichun, zia Danial chu Darius vaihawm sungsia leh, Persia Lengpa Kuras vaihawm tiang in nuamsa tak in a um den tai.

DANIAL 7:5

Gam sahâng dang khat, a pani’na chu savom tawhbang a hi’n. A nung lam keng ah dingin, a hâ te kikâl in hapi pathum a um a; chuleh, a kiang in, “Tho inla, mi tam takte taksa vane zo in,” a tiu a.

DANIAL 8:2

Mu’lawkna ka thil mu chu ka et leh, Elam gam khawpi Susa ah Ulai lui pang ah um in ka la kimu’n.

DANIAL 8:20

Belamchal kî pani nei la mu kha Media leh Persia lengte a hiu.

ZEKARIAH 1:18

Chun, ka vak et to leh kî pali ka vak mu’n.

ZEKARIAH 2:1

Chun, ka dakdok ah, ka etto leh mi pakhat a khut ah te’na khau chawi lai ka mu’n.

ZEKARIAH 5:1

Chuleh, ka vak et to leh, lekhabu zial lêng tawl tawl khat ka mu ta’n.

ZEKARIAH 5:5

Ziaphatchun, ei kihopi vansawlchâk chun ei hun nai ah, “Dâk to inla, bang a hem hung pawt ding chu vak en tiam in,” ei hun ti’n.

ZEKARIAH 5:9

Ziaphatchun, ka et to kit leh, numei pani ei hun zuan ka mu’n. A tha’teu ah chun hui a um a; tuivakang tha gual a nei un, chuleh, lei leh van kikâl in bawm chu a dom to tau a.

ZEKARIAH 6:1

Chun, ka et to kit leh, tâng pani kikâl ah sakol kângtalai pali hung kitawldok ka mu’n; zia tângte ni chu sum-eng ngen a hiu a.

KISIMNA LEKHABU 24:2

Balaam a dâk daw leh, Israelte a phung a phung ah giak chu a mu ta’n. Ziaphatchun, Lalpa thagau a chung in a hung chu ta’n;

JOSHUA 5:13

Khatvei chu Jeriko khawpi kiang ah Joshua a dâk to lai in, mi pakhat, a khut ah chemjam lâmsa, a âng ah ding a mu ta mai ah. Joshua’n a zuan ah, a kiang in, “Ka lam ua pang la hem, ka mêlmateu lam ah pang?” ti’n a dong a.

THUPUAN 13:11

Chun, sahâng dang lei ah kipat hung pawt ka mu’n; belam gual in kî pani a nei ah, dragon pau gual in a pau a.

THUPUAN 5:6

Ka vak et leh, lalchutpha umna leh thilhing palite umna kikâl ah upate lak ah chun, Belamno tha ah umsa kha, mit sagi leh kî sagi nei in a hung ding ah, ziate chun Pathian thagau pasagi, lei muntin ah sawldawte chu a hiu.