DANIAL 7:8 - PATHIAN LEKHABU THIANGTHO (BSI)

⁸ A kîte chu ka ngaitua zing lai in, a kî chuam, neucha khat, a dangte lak ah kipat chun a hung dawndok ah; zia kî neu hung pawtdawna mun ah kî dang pathumte chu a zung pum in bawdaw in a um tau a. Zia kî neu ah chun mihing mit gual gual leh, chapo tak ah thugenna kam le a um a.

DANIAL 7:8 ပူးပေါင်းရင်းမြစ်များ

SAM 12:3

Lalpa‘n mi maiphatna mûk leh, kisathei tak ah thugenna lei zosia chu ât tan hen la:

DANIAL 11:36

Lengpa chun a nop dan dan in bawl in a. Ama leh ama kichawisang intin, pathian zosia sâng ah lianzaw’n kingai intin, pathiante Pathian demna’n tizat um tak tak gendok in a. A chung ah lungnatna tunna ding huntiam a tun masia lawting ma ma intin; ahi’n, a thil tuak ding chu pumpel him him pua’n a.

DANIAL 7:19

Ziaphatchun, gam sahâng a pali’na, a dangte tawh kibang lo, tizat um ma ma, thîk hâ nei ah, sum-eng tin nei, a bân ah ne zo pek leh puaitel zo, a nêkbang cheng a keng ah chuanchil ziang pen chungchâng chu ka hechian nuam ma ma ta’n;

2 THESSALONITE 2:4

Ama chun, mite’n Pathian ah a ngai taphot uh leh, mite biak taphot chu dodâl in, ama kichawisâng intin; tichun, Pathian tempul ah chun Pathian gual hial in kitungdok in a.

2 TIMOTHI 3:2

Mite chu, ama bep kihepite, dangka ngainate, kiphatsakte, lochalte, mi hosiat chîngte, nu leh pa thumanglote, kipakna châng helote, thiangtholote,

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.

JUDA 1:16

Ziate hi mi phunchiak leh lungawi theilote a hiu ah; a hûkna gual un a um un; thu lopi takte gen in, a lawkna ding un mite a pakcha sek uh ahi.

THUPUAN 13:1

Sahâng pakhat luchang pasagi leh kî sawm nei; a kîte ah chun lallukhuk sawm leh a luchangte ah chun Pathian gensiatna min kizik, tuisuagiat ah kipat hung pawt chu ka mu’n.

THUPUAN 9:7

Zia khaubepite piandan chu sakol galdo ding ah siamtupsa gual a hiu ah; a luchung un sana lallukhuk tawhbang a khuk un, a mai uh chu mihing mai gual ahi.

1 SAMUEL 2:3

Kisathei tak in pau ta kiu inla, la kam ua kipat êngpauna him him pawt ta ki’hen; Lalpa chu hetna Pathian ahi ngâlah, ama chun I thilbawl dan zosiau a te’tuak sek hi.