DANIAL 7:18 - PATHIAN LEKHABU THIANGTHO (BSI)

¹⁸ Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

DANIAL 7:18 ပူးပေါင်းရင်းမြစ်များ

SAM 45:16

Aw lengpa, la suantute golua dingin, cha pawsalte hun nei in la tin; amau chu lei chung zosia ah chun, leng in siam inla.

SAM 49:14

Belam gual ah Sheol â ding ah guat a hiu. Thi’na chu amau chingtu hi’ntin; zang tak in thân a zuan suk un, a mêl uh le bei ngal ta’n a; tichun, Sheol chu a In uh hita’n a.

ISAI 14:2

Chuleh, namtin a mun un hun pui khawm kit intiu in; tichun, Israel Inkuante chun Lalpa gam ah chun, namtin ah mite chu suak numei leh suak pawsal in nei ta’n au; amau sal ah a la mante kha sal in man zaw ta’n tin uh, amau a la tawdente kha hun tawden ta’n au.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:17

“Zia gam sahâng pali la mute gual ah chun, lal pali lei ah hin hung pawtdok ding a hiu a.

DANIAL 7:22

Tuan ah tâng ah mi a hung phat ah chun, Chungnung pen mithiangthote chung ah vaihawmna piak in a um ta’n; amau chu a zo ta mai a; chuleh, mithiangthote lenggam a channa ding hun uh a hung tung tai.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

OBADIAH 1:17

Himaleh, Zion tâng ah chun, a suakchate chu um intiu in, a thiangtho hita’n au; Jakob Inkuante chun, amau a la chomgamte ma ma chu, hun chom gam ta’n au.

LUKA 1:33

Jakob suante chung ah kumtuang in vaihawm intin, a gam in tawp ni nei ta pua’n a,” a tia.

1 KORINTH 6:2

Aleh, mithiangthote’n khawvel hi vaihawm piak ding a hiu ti helo la hiu em? Chutia, khawvel le vaihawm piak ding la hiu chun, thil neuchate ah vaihawm theilo la hiu em?

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

EPHESA 6:12

Taksa leh thisan ah mêlmate tawh kibuan I hi puau ah, lalnate, thuneinate leh zia khawvel thim chung ah vaihawmte tawh, van mun ah thagau gilote tawh kibuan I hizaw ngal un.

THUPUAN 20:4

Chun, lalchutphate leh a chung ah kichute chu ka mu’n, a kiang un vaihawmna piak ahi’n. A khut ua a hem, a chal ua a hem ah tepte ding a la nuamlote, sahângle ho nuam lo ah, a limle ho nuam lo ah, Pathian thu leh Jesu hetpina ziak ah a ngawng uh tan ah a la umte thagau chule ka mu’n; amau chu Khrista tawh um khawm in, vai a hawm khawm un.

THUPUAN 22:5

Jan um ta pua’n tin; thaumei vâk leh nisa vâk le ngai ta pua’n tin; Lalpa Pathian in amau chu salvâk ta’n tin; kumtuang in vaihawm ta’n au.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

THUPUAN 5:10

Pathian lam ah lal leh thiampu’n la siam a; lei chung ah vaihawm dingte a hitau hi,” ti in.