DANIAL 7:14 - PATHIAN LEKHABU THIANGTHO (BSI)

¹⁴ A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:14 ပူးပေါင်းရင်းမြစ်များ

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

JOHAN 3:35

Pa chun Chapa chu a hepi hen, a khut in bangkim a pia tai.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

HEBRAITE 12:28

Ziaziakchun, lenggam suklîng theilo chu chang I hi tâk ziak un, kipak thu gen hitiu; tichun, ja tak leh lau kawm in, Pathian ei pom tâk ding ah biakna chu nei thei bep ding I hingal un;

THUPUAN 17:14

Amau chun Belamno chu do intiu in; himaleh, Belamno chun amau chu zo in a; lalte Lal leh hotute Hotu ahi ngal a; tichun, a ko te leh a têl te leh ginumte chu a kiang ah chun um ta’n au, a tia.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

MATTHAI 11:27

Tu’hin, ka Pa chun thil bangkim ei kolsak hi. Pa longal in kuama’n Chapa hi a hepuau in: Chapa tilo ngal kuama’n Pa chu a he diak puau hi. Ziaziakchun, chapa’n a taklatnate bep in Pa chu a hiau hi.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

LUKA 1:33

Jakob suante chung ah kumtuang in vaihawm intin, a gam in tawp ni nei ta pua’n a,” a tia.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

OBADIAH 1:21

Hukdaw ah umte chu Esau tâng chung ah, vaihawm dingin, Zion tâng ah chun chia to ta’n au; tichun, lenggam chu LALPA â hita’n a.

DANIAL 3:4

tângsam pa chu ngai tak in a hung kiko ah, “Aw mitin, namtin leh pau tinte haw,

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

ISAI 60:12

Kua’ nam leh lenggamle nangma nasem nuam lo taphot chu, zâhuai tak ah sukmanthai in hung um in au.

SAM 146:10

Lalpa‘n kumtuang in vaihawm in a, aw Zion, la Pathian chu suan zosia tiang in lal in a. Lalpa chu pâk tau in!

SAM 145:13

La lenggam chu kumtuang lenggam ahi’n, la thuneina chun suan zosia tiang dai in ah. Lalpa chu a thugen zosia’n a ginum in, a thilbawl zosia ah lainatna nei ahi.

SAM 45:6

Aw Pathian, la lalchutpha chu kumtuang, kumtuang in a um hi. La lal tiang chule dangdâk diak, neilona lal tiang ahi hen;

SAM 8:6

La khutsuakte chung ah thunei in la siam ah, bangkim a keng nuai un la koi ta’n;

JOHAN 12:34

Mipite chun a hun dawnhuu ah, “Dan Lekhabu ah khan Messiah chu kum tuang ah um ding ahi ti ka hiau a; aleh, nang in bangtidan ah Mihing Chapa hi khaikâng ah um ding ahi, la ti’thei a hem? Zia Mihing Chapa hi kua a hem?” a tiu a.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

DANIAL 4:3

A tepte’na bawlte chu a lamdang in, a thilmak bawlte chu a hatna e! A lenggam chun kumtuang a dai in, a lalna chu khang zosia â ding ahi.

SAM 102:22

namtin leh lenggam tinte Lalpa nasem ding ah, a hung punkhawm theina ding un.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 72:11

Leng zosia a ma’n hung khiangkho uh hen la; nam zosia’n a na hung sêm uh hen.

1 PETER 3:22

Ama chu van ah chia in Pathian changlam ah a um a; vansawlchâkte, thuneinate leh thil hi’theinate chu ama thu thu ah umsak ahi tai.

THUPUAN 1:6

Chuleh, ei hepi ah, gitlona kipat a thisan in ei tandok ta’n, a Pa leh a Pathian lam ah lal leh thiampu ei siampa kiang ah chun, lopina leh thuneinate kumtuang in um ta hen.

ISAI 16:5

Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

DANIAL 2:37

Nangma, aw lengpa, lengte zosia chung ah lengpa, van Pathian in la kiang in lenggam, thilhitheina, hatna leh lopina a hun pia’n,

SAM 103:19

Lalpa‘n a lalchutpha van ah a hi’det in, a lenggam chun bangkim chung in vai a hawm hi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.