DANIAL 7:13 - PATHIAN LEKHABU THIANGTHO (BSI)

¹³ Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

DANIAL 7:13 ပူးပေါင်းရင်းမြစ်များ

MATTHAI 26:64

Jesu’n a kiang in, “La hi, lei ti chu lam. Banghitaleh, ka hil la hiu, Tu’kipat hin Mihing Chapa hi, Bangkim Hi’theipa changlam ah kichu leh, van sûm lak ah hung suk hun mu’n lau,” a tia.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

LUKA 21:27

Ziaphat chuleh, Mihing Chapa hi lopina nasa tak tawh, a thilhitheina tawh sûm lak ah hung a la mu’n au.

THUPUAN 14:14

Chun, a chung lam ka et leh, sûmpi vâm tak a hung um ah, a chung in Mihing Chapa hileh kilawm khat a um ah, a luchang ah sana lallukhuk a khuk ah, a khut in kawite a choi ka mu’n.

MATTHAI 24:30

Zia tak chuleh, Mihing Chapa tepte’na chu van ah hung kilang intin, lei ah nam zosiate chun hun sûn intiu in, Mihing Chapa chu a lopina tawh, a thilhitheina tawh, van sûm chung ah hung chu a la mu’n au.

MARKA 13:26

Ziaphat chuleh Mihing Chapa hi a lopina tawh, thilhitheina thupi tak tawh, sûm chung ah khin hung suk in a.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

JOHAN 3:13

Kuama van ah kal to kha a um puau, van ah kipat hung sukpa, Mihing Chapa van ah umpa tilo ngal hi.

THUPUAN 1:13

zia thaumei koina pasagi lak ah chun, mihing chapa hileh kilawm tak, a puanâk a kêngpek chan ah chual, a tai ah sana kawnggâk gâk chu ka mu’n.

MATTHAI 13:41

Mihing Chapa chun a vansawlchâkte sawldok intin, a gam ah kipat in migilote leh mi gitlosakte chu hun lakhawm intiu in;

THUPUAN 1:18

Kei chu khatvei thisa, himaleh, hing kit ta chu ka hi; ngaitia, kumtuang â ding ah hing zing chu ka hi tai, thina leh mithi khua chabi chu ka nei tai.

NASEPTE 7:56

Ama chun, “En tiam un, vante kihong leh Mihing Chapa, Pathian changlam ah ding chu ka mui,” a tia.

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.

DANIAL 7:22

Tuan ah tâng ah mi a hung phat ah chun, Chungnung pen mithiangthote chung ah vaihawmna piak in a um ta’n; amau chu a zo ta mai a; chuleh, mithiangthote lenggam a channa ding hun uh a hung tung tai.

LUKA 21:36

Kiging zing unla, zia haw zosia chu la pumpel ua, Mihing Chapa âng ah la din theina ding un pauchap zing un, a tia.

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

DANIAL 7:9

Ka et zing leh, lalchutphate a hung kidaw a, Tuan ah tâng ah mi chun a lalchutpha a hun lua ah, a puan chu vûk gual in a vâm a, a sam chu samul vâm a bang hi; a lalchutpha meikuang ahi’n, a kengte le meikuang ahi.

EZEKIEL 1:26

Chun, a luchung ua belkuang gual ah khû suk chung ah chun lallukhuk tawhbang, sapphir suangmantam gual ah kilang khat le a um ah; zia lalchutpha tawhbang chung ah chun mihing mêlpu khat a kitung a.

SAM 47:5

Pathian chu kiko thawm tawh a chia to in, Lalpa chu pêngkul gi tawh a chia to tai.

JOHAN 12:34

Mipite chun a hun dawnhuu ah, “Dan Lekhabu ah khan Messiah chu kum tuang ah um ding ahi ti ka hiau a; aleh, nang in bangtidan ah Mihing Chapa hi khaikâng ah um ding ahi, la ti’thei a hem? Zia Mihing Chapa hi kua a hem?” a tiu a.

JOHAN 5:27

ama chu Mihing Chapa ahi ziakin, vaihawmtheina thuneina zosia chule a kiang in a pia tai.

JEREMIAH 49:19

Jordan lui gâl nângbuk lak ah, sakeibaknei hung pawtdok in gantatna mun a hun zot gual in, Edomte chu phutlo halo in hun delmang ing ka tin; a chung ua vaihawm ding ah ka doitêl taphot hun guat ding ka hi. Kei tawhbang kua a hem um? Kua a hem ei ko ngam? Kua belampu a hem ei lang ngam um?

MATTHAI 8:20

Jesu’n a kiang in, “Si-alte’n kua a nei un, chunglêng vachate’n le bu a nei ui. Mihing Chapa hin vang lu ngakna ding a nei puai,” a tia.

MATTHAI 28:18

Jesu a hung ah, a kiang un, “Lei chung leh van ah thuneina zosia ka kiang ah piak ahi tai;

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

1 THESSALONITE 4:17

ziazaw chuleh, ei haw hing ah umte hi, vanlai jawl ah khin Lalpa tuak dingin, amau tawh kigual in sûm chung ah lâk to in um hitiu: tichun, kumtuang in Lalpa kiang ah um tai tiu.

SAM 110:2

Lalpa‘n la hatna lal tiang chu, Zion ah kipat in sawldok intin; la mêlmate lak ah vaihawm ta’n.

DANIAL 7:2

Keima Danial in, ka gaulam ah jan ah ka thil mu’lawk ah chun, van ah hui palite hung nung in, tuisuagiat lian tak chu a hun mût nawk zung zung a;

DANIAL 7:12

Sahâng dangte chu, a lalnau lâk mang in a um un, a hinnau vang hun khat leh a kim khat â ding ah hisau a hiu.

DANIAL 8:15

Keima Danial in, mu’lawkna ka mu zaw phatin a umzia het ka gua’n. Ziaphatchun, mihing mêlpu khat ka âng ah dingin a hung kilang a,

SAM 2:8

Ei don in, tichun la gochan dingin, namtin hun pia’ng ka tin, kumkhua la nei den dingin siam ing ka.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;