DANIAL 7:10 - PATHIAN LEKHABU THIANGTHO (BSI)

¹⁰ A ma-âng ah kipat in mei a hung pawtdok in; a sâng ah mun sâng tam takte’n a na a sep piak un, a kiang in a sîng ah mun sîng tam takte a ding kîmvêl ui. Thutanna hun a pan un, lekhabute a phêt tau a.

DANIAL 7:10 ပူးပေါင်းရင်းမြစ်များ

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

2 KHANGTHU 18:18

Ziaphatchun, Mikaiah chun a kiang in, “Ziaziakchun, Lalpa thugen hi a la ngai in: A vei leh chang ah van mipite ding kîmvêl in Lalpa chu a lalchutpha kichu’n ka mu hen.

JOB LEKHABU 25:3

A sepaite chu kua’n a sim sêng em? A vâk chu kuate chung in a suak paw ngai em?

SAM 103:21

A sepai honte a dawi gual bawlte haw, Lalpa chu pâk tau in.

SAM 18:8

A nâk hawm ah meikhu a pawt in, a kam ah kipat meikuang nasa tak a pawt in; ama ah kipat meiâm nasa tak le a kuangdok hi.

SAM 50:3

I Pathian uh a hung in, thipbek in a um puai; a ma lam in kâkmang mei leh, a kîmvêl ah huipi nasa tak a hâng hi.

SAM 68:17

Pathian kângtalai chu a sîng ah sîng, a sâng ah sâng ah tam ahi; Lalpa chu Sinai tâng ah kipat in, a mun thiangtho in a hung hi.

ISAI 30:27

Ngai un, Lalpa thilhitheina chu a lungnatna kuang tawh, meikhu kitung luai luai kawm in gamla tak ah kipat in a hung hi; a mûkte chu lungnatna’n a dim in, a lei chu mi kângmang ziang thei mei gual ahi.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

DANIAL 7:22

Tuan ah tâng ah mi a hung phat ah chun, Chungnung pen mithiangthote chung ah vaihawmna piak in a um ta’n; amau chu a zo ta mai a; chuleh, mithiangthote lenggam a channa ding hun uh a hung tung tai.

DANIAL 7:26

Ziaphat chuleh, vaihawmna pat hi’ntin, a lenggam chu lâkpiak in hâltum ding leh, suksiat dik dek dingin lâkpiak hita’n a.

ZEKARIAH 14:5

Chun, Lalpa tâng kikâl ah phâizawl ah chun tai mang inla, zia tâng kikâl ah phâizawl chun Azal tiang tung in a; tichun, Judai gam ah Lengpa Uzziah dam lai ah linlîng ziak ah la jamsiat gual uh khan jam ta’n lau. Tichun, Lalpa ka Pathian chu a mithiangtho zosia tawh hung ta’n a.

MATTHAI 25:31

Mihing Chapa chu a vansawlchâkte tawh, a lopina kithuam ah a hung tak leh, a lopina lalchutpha chung ah hung kichu’n tin;

DAN LEKHABU 33:2

A kiang un: Sinai ah kipat in Lalpa chu a hung ah, Seir tâng ah kipat in nisa gual in a hung suk hi; Paran tâng ah kipat in ei hun sal tai. A kiang in mithiangtho a sîngtêl a um un, a changlam ah a sepai hon tawh.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

JUDA 1:14

Adam ah kipat suan sagina Enok chun, ziate chungchâng chu a la genlawk a: “En un, Lalpa chu a mithiangtho a sâng têl tawh a hung hi;

THUPUAN 11:18

Namte chu a lungna tau a, nangma lungnatna le a hung tung tai; mithite vai la hawm piak ding hun leh, khawvel hi’sete la hi’siatna ding hun tawh, la suak jawlneite, mithiangthote, la min ja, milian leh mineute kipakman, la piak hun chu a hung tung tai,” a tiu a.

THUPUAN 5:11

Chun, ka et leh, lalchutpha leh thilhingte leh upate kîmvêl ah chun, vansawlchâk tamtakte aw ka he; a tam dan uh chu a sîng ah sîng mun sâng tam tak leh, a sâng a sâng mun sâng tam tak a hiu a.