DANIAL 7:1 - PATHIAN LEKHABU THIANGTHO (BSI)

¹ Babulon Lengpa Belshazzar lal kum khatna’n, Danial in a lupna chung ah lum ah, a ngaituana leh a mang ah thil a mute chu. Zia a mang chu a zikdok ta’n:

DANIAL 7:1 ပူးပေါင်းရင်းမြစ်များ

THILSIAM THU 15:1

Zia nung chun, Lalpa thu chu Abram kiang in a manglam gual in a hung tung ta’n; a kiang in, “Abram, lau kin, kei hi la phaw ka hi; la kipakman ding chu thupi tak hi’n ah,” a ti’n.

THILSIAM THU 46:2

Pathian in jan ah a mang lam in Israel a hun ho ah: “Jakob, Jakob,” a ti’n. Ama chun, “Zia’ hin ka um hi,” a ti’n.

JOB LEKHABU 4:13

Mihingte i-mut tui tak ah a i-mut kâl un, jan ah ka thil mulawkte ka ngaitua zui lai in,

ISAI 30:8

Tu’hin chia inla, a âng un suangpêk in sun inla, lekhabu’n zikdaw piak in; tu’nung phat leh, zia chu kumtuang ah amau hiatpitu ah, pangden ta ding ahi ngal a.

ISAI 8:1

Chuleh, Lalpa‘n ka kiang in, Lekha zikna ding suangpêk lian tak khat hun la’n la, a chung ah lekhamal lian in, “Maher-shalal-hash-baz â ding,” ti’n zik inla;

JEREMIAH 23:28

A manglam ah thil mu nei jawlnei chun a thil muu chu gen hen la, maleh, ka thu gen ding nei tapo chun ka thu chu ginum tak in gen mai uh hen. Bupawl tawh gehu bu’n kibatna bang a nei him him awm? Lalpa‘n a tii.

JEREMIAH 27:7

Ama lenggam a pûk hun a tun masang sia, nam zosia’n ama leh a chapa leh a tupa na sep piak in au; ziazaw chuleh vang, nam tam tak leh leng lopi takte chun suak in mang ta’n au.

JEREMIAH 36:32

Ziaphatchun, Jeremiah in lekhabu zial dang khat a hun la’n, lekhazikpa Neriah chapa Barukh kiang in a hun pia, Judai gam ah Lengpa Jehoiakim in lekhabu zial a hâl tum, Jeremiah in a thute a gen gual gual in Barukh inle a thumal zosia chu a zikdok kit a; thumal kibang tampi le a belap hi.

JEREMIAH 36:4

Ziaphatchun, Jeremiah in Neriah chapa Barukh chu a ko ah, Barukh inle Lalpa thugen zosia, Jeremiah in a gensawn gual tak in, savun lekhabu zial ah chun a zik lut suak tai.

EZEKIEL 1:1

A kum sawmthumna, tha li’na, zia tha ni nga a tin ni chun, Khebar lui pang ah saltângte lakah ka um pet in, van a hung kihong ah, Pathian kilâknate chu ka mu ta’n.

EZEKIEL 40:2

kilâkna’n Pathian in Israel gam ah ei la pui tung ah, tângsâng tak in ei koi ah, simlam kâi in khawpi tawh bang khat a um a.

DANIAL 1:17

Zia tangval palite chu Pathian in hetthiamna leh pilna lam zosia ah lekha thiamna leh pilna a pia ta’n; Danial in kilâkna leh mang lam ah hiatthiamna a nei chuam a.

DANIAL 2:1

Nebukadnezar lal kum ni’na chun, Nebukadnezar in mang a nei ah, a lungkham ziakin a ipmu thei ta pua’n.

DANIAL 2:26

Lengpa chun Danial, a min Belteshazzar a ti sek kiangah chun, “Nang in ka mang hilchetna ei hil thei ding maw la hi?” ti’n a dong a.

DANIAL 4:13

Ka lupna lum zing ah ka luchang in kilâkna a mute chu ka et zing lai in, vengtu thiangtho tak khat van ah kipat hung suk ka mu hen.

DANIAL 4:5

Ei sudîpchâk ma ma mang khat ka nei in; ka lupna chung ah ka ngaituanate leh, ka luchang in kilâkna a mute chun ei sulau ma ma tai.

DANIAL 5:1

Lengpa Belshazzar in a milian leh lalte sang khat â dingin luaithena thupi tak a siam ah, mi sangkhatte chu tawh zu a dawn khawm tau a.

DANIAL 5:22

Chun, a chapa, nangma Belshazzar in, zia zosia chu la hiatsapi’n le la lungthim la kheniam nuam nai diak pua’n;

DANIAL 5:30

Zia jan ma ma chun, Lengpa Belshazzar chu tha in a um tai.

DANIAL 7:13

Jan ah kilâkna ka et zing lai in, van sûmpi lak ah mihing mêlpu pakhat ka vak mu’n. Tuan ah tâng ah mi kiang lam a zuan in, a ma-âng in a pui lût tau a.

DANIAL 7:15

Keima Danial chu ka ngaituana a buai ma ma ziang ta’n, ka kilâkna mute chun ei sulau ma ma hi.

DANIAL 7:7

Zia nung chun, gaulam ah jan ah ka thil mu’lawk lak ah gamsa, a pali’na chu ka mu ta’n; tizat um, lau um tak leh hât mêl pu ma ma khat ahi. Thîk hâ lianpi a nei ah, a nêk tâk chu a thainêl ah, a nêkbang cheng a chuanchil tai. A masang ah gam sahâng dangte kha tawh a kibang pua’n, kî le sawmkhat a nei hi.

DANIAL 8:1

Belshazzar a lal kum thumna chun, keima Danial kiang ah thil khat musak ah ka um nung in, a dang khat ka mu kit a.

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

HABAKKUK 2:2

Ziaphatchun, Lalpa‘n ei dawnhu ta’n: Kilâkna chu zikdok inla, suangpêk ah hun zikdok in; a tai kawm ua le sim ziang thei ding ah, kichian tak in zikdok in.

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

ROMTE 15:4

Pathian Lekha thu, ngilneina leh kitilkhona chung ah kinepna I nei thei zawkna ding un, malai ah thu a la kizikte kha, eimau kihilna ding ah zik a la hingal a.

2 KORINTH 12:1

A phatchuamna ding umlo maleh, suang him him ding ka hi; Lalpa kiang ah kipat kilâkna leh hiatsakna thu hun gen nalai ing ka.

THUPUAN 1:19

Ziaziakchun, la thil mute, thil um zingte leh tu’nung ah hung um dingte chu zik in.

THUPUAN 10:4

Van-gi sagite’n a awu a sua phat un, zik ding ka guat leh, van ah kipat awgi chun ka kiang in, “Zia van-gi sagite thugen chu zik kin la, îmchak kei in,” ei hun tia.