DANIAL 6:4 - PATHIAN LEKHABU THIANGTHO (BSI)

⁴ Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.

DANIAL 6:4 ပူးပေါင်းရင်းမြစ်များ

THILSIAM THU 41:38

Pharaoh chun, a suakte kiang in, “Zia gual ah Pathian thagau umna hi mi dang mu zo ding I hiu em?” a ti’n.

THILSIAM THU 43:18

Joseph In sung ah a pui lût phat un a lau ma mau ah; “I chia masak chung ua I dip ua dangka ei siam piak kît ziak ua khan ei hiti bawl uh hiding a hita hilam: I chung ua lemchâng hawl ah ei sawisa’n, eimau tawh I sabiltungteu hitawh suak ah ei man ding a hiu hilam,” a kitiu a.

THUPILTE 29:27

Midiklote hi mi thu dik â dingin luaksuak um tak a hiu in; chuleh, dik tak ah um mi chule, migilo â dingin luaksuak um tak ahi.

THUGENTU 4:4

Sepgimna leh thiamnêl tak ah nasep thilbawl zosia hile, midangte îtsikna ziak bep ahi ti ka mu tai. Zia hile bangmalo mai mai leh lunggimna mai mai ahi.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 18:23

Aw Lalpa, nang in vang, ei tha’na ding ah a thil guanggal zosiau hi hezing in. A khawlonau hi ngaidam kin la, a gitlonau hi kimulosak diak kin. La ma-âng ah kisep puk uh hen la, la lungnat lai tak in amau chu soisa ta’n.

JEREMIAH 20:10

Mi tam takte kihogûkna chu, “Kiltin ah tizat umna a um hi! Hêk siau in, hêk sia’i tiu,” a tiu a. Ka gual ngai zosiate chun, ka kipalpaina ding changgu’n, “I jawl zaw khâk ua, ama I zaw thei khâk uh leh, a chung ah phuba I lâk theina ding un,” a tiu a.

JEREMIAH 29:7

Sal ah la tânnau khawpi zosia a phatna ding ngaituau inla, a phatna ding un Lalpa kiang ah don un; amau phat theina chu nanghaw â ding ah le phat theina ahi ngal a.

DANIAL 3:8

Zia hun ah chun Kaldai mite lak ah khenkhat hung pawtdok in, Judate chu a hung hêk tau a.

DANIAL 5:12

ama Danial, Lengpa khan Belteshazzar a sak chun, thagau pha, hetna, mang hilchet theina, thugil hilchian theina leh thu haksate hetna a um hi. Tu’hin Danial chu ko unla, ama’n hun hilchian piak ding ahi,” a vatia.

DANIAL 6:22

Ka Pathian in a vansawlchâk a hun sawl ah, sakeibaknei kam chu a chi’sak ah, ei suna lo uh ahi; a ma-âng ah bangma bawlkhial ka nei lo ziakin; chuleh, aw lengpa, la ma-âng inle bangma bawlkhial ka nei puai,” ti’n a hun dawnhu tai.

MATTHAI 26:4

Jesu chu dawhathiam ah mat ah tha theina ding lampi a ngaitua khawm tau a.

MATTHAI 27:18

Mitthipna ziak ah ama chu a mat uh ahi ti a he ngal a.

LUKA 20:20

Tichun, ama chu gam-ukpa vaihawmna thu leh, thuneina hêk ah a um theina dingin, a chânggu zing tau ah; a hêk theina thu he dingin mi pha gual ah kisiam mi a sawl tau hi.

LUKA 20:26

Tichun, mipi het ah a thugen khial lâk ding a mu puau ah; a dawnhuna chu mak a sa ma mau a, a thip chil chel tau hi.

LUKA 22:2

Thiampu lalte leh lekhazikte chun mipite chu ki’cha maleule, Jesu thalup ding dan a ngaitua tau a.

JOHAN 19:4

Pilat chu a hung pawtdok kit a, “Ngai un, ama demna ding bangma a um puai, ti la hetna ding un ka hun puidok ahi,” a tia.

2 KORINTH 11:12

A nasep uh kisaktheipi ah, kei uh sep gual sêm kitite chu ka suktân theina dingin ka sep chu ka sêm zom jel hi.

PHILIPPI 2:15

Khangthak gilo leh lungkawite, khawvel ah a lak ua aksi vâkte gual ah la chênnateu lak ah, Pathian cha gensiat bei leh thiangtho,

1 TIMOTHI 5:14

Ziaziakchun, meithâi khangdawng nalai deute chun pawsal nei uh hen la, chate nei uh hen la, a Insung uh pawtûp in, mêlma’n ei demna ding uh lemchâng musak kileu ka dawi hi.

TITA 2:8

la paukam le dem kâi lo ahi ah, langkhat lam ah pangte chun la chung ah thu phalo him him gen ding mu lo ah a mualphona ding un.

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

VAIHAWMTE 14:4

A nu leh pate’n zia chu Lalpa lemguat ahi ti lam a hepuau a; ama’nle Philistinte do-na ding lampi a gûk ah hawl zing ahi ngâl a. Zia hun ah chun, Philistinte’n Israelte chung ah vai a hawm hun lai uh ahi.

1 SAMUEL 12:4

Mipite chun, “Lei dawhabawl pua’n, lei êngbawl pua’n, kuama â le la lâkpiak puai,” ti’n a dawnhu tau a.

1 SAMUEL 18:14

Lalpa‘n a umpi ziakin David chu a kiheina lam taphot in a lawting pek a.

1 SAMUEL 22:14

Ziaphatchun, Ahimelekh in lengpa chu a dawnhu ah, “La suakpa David gual tuk ah ginum kua dang a um em? Ama chu lengpa mâkpa le hi, a bawl ding la ti taphot bawl ziang leh, la Insung ah mi za-um ahi nalai a.