DANIAL 5:8 - PATHIAN LEKHABU THIANGTHO (BSI)

⁸ Tichun, lengpa mipil zosia chu a hung khawm tau a; himaleh, zia lekha kizik sim thei leh lengpa kiang ah hilchian piak thei kuama a um puau hi.

DANIAL 5:8 ပူးပေါင်းရင်းမြစ်များ

THILSIAM THU 41:8

Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

ISAI 47:9

Himaleh, ni khat thu in, phutlo in zia thil zosia chu hun tuak ding la hi. Dawithiam leh âisân thiam bang jat nei malechin, la chate hun sûn in la tin, meithâi hung hiding la hi.

JEREMIAH 50:35

Kaldai leh Babulon ah chêngte leh, a milian leh lalteu leh a mipite do dingin, chemjam a um hi, Lalpa‘n a tii!

DANIAL 2:27

Danial in lengpa kiang in, “Lengpa’n mipilte, dawithiamte, mitvaidawi thiamte leh âisân thiamte kiang ah thugûk hilchian ding ah a dot hi kuama’n hil thei pua’n au;

DANIAL 4:18

Zia chu keima, Lengpa Nebukadnezar mang chu ahi. Tu’hin, nang Belteshazzar, ei hilchian piak in; ka lenggam ah mipilte zosia a hilchian thei a um paw’ngal un. Nangma ah pathiante thagau thiangtho a um ziakin, la hilchian thei ngal a,” ti’n a gen a.

DANIAL 4:4

Keima, Nebukadnezar chu ka In sung ah nuamsa tak in ka chêng ah, ka lal In sung ah nei leh lam nuam tak ah chên in ka um a.

DANIAL 4:7

Tichun, mitvaidawi thiamte, Kaldaite leh âisân thiamte chu a hung khawm un, ka mang chu a kiang un ka hil ah; himaleh, a hilchian thei a um puau hi.

DANIAL 5:15

Zia lekha kizik hi sim ah, ei hilchian piak dingin, mipilte leh dawithiamte ka kiang in a hun pui khawm un; himaleh, zia thu hilchetna hi ei gen piak thei puau hi.