DANIAL 5:7 - PATHIAN LEKHABU THIANGTHO (BSI)

⁷ Dawithiamte, Kaldaite leh âisân thiamte hun ko dingin a kikojak ta’n; chun, Babulon ah mipilte kiang ah chun lengpa’n: “Kuale zia lekha kizik hi sim ah, ei hilchian piak thei taphot chu, puansandup silsak ah, a ngawng ah sana khi awsak hi’ntin; chuleh, ka lenggam ah vaihawm a pathumna pansak ding ka hi,” ti’n a gen a.

DANIAL 5:7 ပူးပေါင်းရင်းမြစ်များ

THILSIAM THU 41:8

Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

ESTHER 3:1

Zia nung ah chun, Lengpa Ahasueras in Agag mi, Hammedatha chapa Haman chu a kaisânsak ah; a chawisâng ah, a milian leh lalte zosia chung in a koisâng tai.

PAWTDAWNA THU 7:11

Ziaphatchun, Pharaoh in a mipilte leh dawithiamte a ko khawm ah; chuleh, Aigupta gam ah mitvaidawi thiamte chun le a dawithiamnateu chu mang in zia gual ma chun a hun bawl tau a.

THUPILTE 1:9

la luchang â dingin pâk khi hoi tak gual hi’ntin, la ngawng â dingin, khivui gual hiding ahi ngal a.

SOLOMON LÂ 1:10

La biang chu la kicheina tawh a kilawm in, la ngawng chu sana khi tawh a kilawm ngei!

ISAI 47:13

Mi la kawm tamna lam in la gim tai; aksi lam ah mithiamte, van lam thil hethiamte leh, thathak si’n ah thil tung ding, genlawk theite chu tawh, hung dingdok uh hen la, la chung ah thil hung tung ding ah kipat chun, hun hukdokleu hiding a puau em!

JEREMIAH 50:35

Kaldai leh Babulon ah chêngte leh, a milian leh lalteu leh a mipite do dingin, chemjam a um hi, Lalpa‘n a tii!

EZEKIEL 16:11

Kicheina’n ka hun thuam a: La bân ah chaucha leh la ngawng ah sana khi,

DANIAL 1:20

Pilna thu leh hetthiamna lam thu ah lengpa’n a dot taphot chu, a gam sung ah mitvaidawi thiam leh âisân thiam zosia sâng in ale’ sawm in a thiam zawu a.

DANIAL 1:4

Israel tangval mêlpha leh pian bukim, pilna lam zosia ah thiam, hetthiamna leh lungthim pil, lengpa Inpi ah nasêm thei ding bang jat a hem hun têldok ah, Kaldaite lekha leh pau zilsak dingin thu a pia.

DANIAL 2:2

Tichun, lengpa chun mitvaidawi thiamte, âisân thiamte, dawithiamte leh Kaldai mipilte chu lengpa mang hilchian dingin a ko khawmsak tai. A hung phat un, lengpa kiang in a hung ding tau a;

DANIAL 2:27

Danial in lengpa kiang in, “Lengpa’n mipilte, dawithiamte, mitvaidawi thiamte leh âisân thiamte kiang ah thugûk hilchian ding ah a dot hi kuama’n hil thei pua’n au;

DANIAL 2:48

Tichun, lengpa chun Danial chu a koisâng ta’n, thilpiak thupi tak tak le a pia’n, Babulon lenggam zosia chung ah vaihawm ding leh, Babulon mipilte zosia chung ah thunei in a koi tai.

DANIAL 2:6

Himaleh, ka mang leh a hilchetna lei hil thei uh chun, thilpiak leh kipakman leh choihoina thupi tak hun pia ding ka hi. Ziaziakchun, mang chu a hilchetna tawh ei hil un,” ti’n a dawnhu ta’n.

DANIAL 4:14

Ama chu ngai tak ah kiko in: ‘Thing chu phûk inla, a bâkte chu heu in; a duate chu jut thiang inla, a gate chu thejak in. A dailîm ah gamsate leh, a bâk ah vachate chule jam mang tau hen.

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

DANIAL 5:15

Zia lekha kizik hi sim ah, ei hilchian piak dingin, mipilte leh dawithiamte ka kiang in a hun pui khawm un; himaleh, zia thu hilchetna hi ei gen piak thei puau hi.

DANIAL 5:16

Himaleh, nang in thu buai um tak tak te la hechian in, la hilchian thei hi ti ka la hia’i. Tu’hin zia lekha kizik hi la sim thei ah, a hilchianna lei gen piak thei chun, puan sandup hun silsak in, sana khi’ awsak hi’n la tin, lenggam ah vaihawm lian pathumna hiding la hi,” a tia.

DANIAL 5:29

Ziaphat chun, Belshazzar in Danial chu puan sandup silsak in, sana khi hun awsak un ti’n thu a pia; chuleh, a gam sung ah vaihawm liante lak ah a pathumna pang dinginle thupuan a bawl tai.

KISIMNA LEKHABU 22:17

kipak man tam tak hun pia ding ka hi; ka kiang ah la gen taphot chu bang hilehle hun bawl piak mai ding ka hi; a bang hileh hung inla, zia mite hi hânsia hung lawkhum phot mai in,’ a ti ahi,” ti’n a hung gen tau a.

KISIMNA LEKHABU 22:7

Tichun, Moab upate tawh Midian upate chu a khut ua âisân man ding chawi in a pawt tau a; chuleh, Balaam kiang a hung tun phat un, Balak thugente chu a hil tau a.

KISIMNA LEKHABU 24:11

Tu’hin, kichia mang ta’n! La In lam ah chia ta’n! ‘Kipakman tam tak hun pia’ng ka,’ ka ti hen; himaleh, Lalpa‘n kipakman ka hun piak ding a zanuam puai,” a tia.

1 SAMUEL 17:25

Israelte chun, “Zia mipa hung pawt saw la mu em? Israelte cho ding ah hung pawt sek ahi. Ama that thei taphot chu, lengpa Saul In ah hausatna nasa tak tawh, a chanu le pia’n tin, Israelte lak ah a Inkuan un zalenna pia ding ahi,” a tiu a.