DANIAL 5:12 - PATHIAN LEKHABU THIANGTHO (BSI)

¹² ama Danial, Lengpa khan Belteshazzar a sak chun, thagau pha, hetna, mang hilchet theina, thugil hilchian theina leh thu haksate hetna a um hi. Tu’hin Danial chu ko unla, ama’n hun hilchian piak ding ahi,” a vatia.

DANIAL 5:12 ပူးပေါင်းရင်းမြစ်များ

SAM 16:3

Lei ah mithiangthote a hiu leh vang, mi ja umte a hiu in; ka kipakna bukimnate chu a hiu.

THUPILTE 12:26

Midik in a gualte lam dik a hil sek a; mi nunsiate lampi chun vang a pui mang sek hi.

THUPILTE 17:27

A thugen ah kisûm thei mi chu hetna nei mi ahi’n; jainem tak ah thugen theite chu, hiatthiamna nei ah ngai a hisek hi.

EZEKIEL 28:3

Danial sâng in vang la pilzaw’n, la hetdaw zaw lo thugûk a um puai;

DANIAL 1:17

Zia tangval palite chu Pathian in hetthiamna leh pilna lam zosia ah lekha thiamna leh pilna a pia ta’n; Danial in kilâkna leh mang lam ah hiatthiamna a nei chuam a.

DANIAL 1:7

Leng In ah hotupa chun, a min ding uh a chuam a phuak piak chiat a: Danial chu Belteshazzar a sak ah, Hananiah chu Sadrak a sak ah, Mishael chu Meshak a sak ah, Azariah chu Abednego a sak hi.

DANIAL 2:26

Lengpa chun Danial, a min Belteshazzar a ti sek kiangah chun, “Nang in ka mang hilchetna ei hil thei ding maw la hi?” ti’n a dong a.

DANIAL 4:19

Ziaphatchun, Danial, Belteshazzar kiti chu, lungkham tak in chomkhat a um a. A ngaituanate chun a sudîpchâk ta’n. Lengpa chun, “Belteshazzar mang hileh, a hilchianna chun hun subuai kiu hen,” a tia. Belteshazzar in, “Ka lalpa, mang chu nang hun mudate chung ah tung hen la, a hilchianna chule la mêlmate chung in tung ta hen!” ti’n a dawnhu a.

DANIAL 4:8

A tawp in Danial, ama chu ka pathian minsak ah Belteshazzar kiti chu a hung in, ama ah chun pathiante thagau thiangtho a um ah; a kiang in ka mang chu ka hil ta’n.

DANIAL 5:14

Nangma ah hin pathiante thagau chu a um in, thugûk hiattheina, thil hiattheina leh pilna mak tak la nei hi ti ka la hia’n.

DANIAL 5:16

Himaleh, nang in thu buai um tak tak te la hechian in, la hilchian thei hi ti ka la hia’i. Tu’hin zia lekha kizik hi la sim thei ah, a hilchianna lei gen piak thei chun, puan sandup hun silsak in, sana khi’ awsak hi’n la tin, lenggam ah vaihawm lian pathumna hiding la hi,” a tia.

DANIAL 6:3

Danial in ngaituana thagau pha tak a nei ziakin, a vaihawmpi teni leh gambung tin ah vaihawmte zosia sâng ah, sep leh bawl bangkim ah chungchuang ahi’na a hi’lang pai ta’n; tichun, lengpa chun a lenggam pumpi vaihawm ding ah koi a gaw tai.

DANIAL 6:4

Tichun, a seppi te’ni leh gambung tin ah vaihawm pawlte chun, lenggam thu ah Danial demna ding a hawl tau a. Himaleh, ama chu mi ginum, sep leh bawl bangkim ah diktat leh thiangtho ahiziak in, a demna ding leh hêkna ding a mu zo puau a.

KOLOSSA 1:29

Zia ding ziak ah hin, ama’n ei suk-hatna dungzui ah kimang in, gim tak ah sêm in, ka kihabawl ma ma hi.