DANIAL 4:9 - PATHIAN LEKHABU THIANGTHO (BSI)

⁹ “Aw Belteshazzar, mitvaidawi thiamte hotupa, nangma ah chun pathiante thagau thiangtho a chêng hi ti ka hia’n, nang â dingin thugûk hetdaw haksa a um puai. Ka mang hi ngai inla, ei hilchian piak ngal in:

DANIAL 4:9 ပူးပေါင်းရင်းမြစ်များ

THILSIAM THU 41:38

Pharaoh chun, a suakte kiang in, “Zia gual ah Pathian thagau umna hi mi dang mu zo ding I hiu em?” a ti’n.

ISAI 33:18

La lungthim ah la lau gûk zing uh: Paisa simpa chu khoi ah um a hita em? Thil gik te’pa chu khoi ah um a hita em? Gâlvênbûk jat tiampa chu khoi ah um a hita em? ti’n la lungthim un ngaitua zing ta’n lau.

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

EZEKIEL 17:23

Bâk leh ga a sua theina dingin, Israel tângsâng ah chun phu ing ka tin, grep gui buk tak hung hi’n a. A nuai ah chunglêng vacha tincheng chêng intiu in; a bâk lîmte ah vacha chitin in bu sia ta’n au.

EZEKIEL 28:3

Danial sâng in vang la pilzaw’n, la hetdaw zaw lo thugûk a um puai;

DANIAL 1:20

Pilna thu leh hetthiamna lam thu ah lengpa’n a dot taphot chu, a gam sung ah mitvaidawi thiam leh âisân thiam zosia sâng in ale’ sawm in a thiam zawu a.

DANIAL 2:47

Lengpa chun Danial kiang in, “La Pathian chu pathiante zosia Pathian leh, leng zosiate chung ah Lalpa leh thugûk zosia taklangpa chu ahi ngut ngei hi, nang in zia thugûk chu la hun tâklang thei ta mai in!” a tia.

DANIAL 2:48

Tichun, lengpa chun Danial chu a koisâng ta’n, thilpiak thupi tak tak le a pia’n, Babulon lenggam zosia chung ah vaihawm ding leh, Babulon mipilte zosia chung ah thunei in a koi tai.

DANIAL 4:18

Zia chu keima, Lengpa Nebukadnezar mang chu ahi. Tu’hin, nang Belteshazzar, ei hilchian piak in; ka lenggam ah mipilte zosia a hilchian thei a um paw’ngal un. Nangma ah pathiante thagau thiangtho a um ziakin, la hilchian thei ngal a,” ti’n a gen a.

DANIAL 4:5

Ei sudîpchâk ma ma mang khat ka nei in; ka lupna chung ah ka ngaituanate leh, ka luchang in kilâkna a mute chun ei sulau ma ma tai.

DANIAL 4:8

A tawp in Danial, ama chu ka pathian minsak ah Belteshazzar kiti chu a hung in, ama ah chun pathiante thagau thiangtho a um ah; a kiang in ka mang chu ka hil ta’n.

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

1 SAMUEL 4:8

I chung uh a gik na e! Zia pathian hat takte khut ah kipat hin kua’n ei hukdok thei ta ding a hem? Zia pathiante hin gamthip ah khan, gawtna tincheng in Aiguptate kha a la gawt tau a.