DANIAL 4:34 - PATHIAN LEKHABU THIANGTHO (BSI)

³⁴ A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

DANIAL 4:34 ပူးပေါင်းရင်းမြစ်များ

2 SAMUEL 22:31

Zia Pathian hi a dik bukim in; Lalpa thutiam chu a guitung hi; ama bêl zosiate â dingin phaw ahi.

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 29:13

Tu’hin, ka Pathian uh, la kiang ah kipak thu gen in, la min lopi tak chu ka chawihoi uh ahi,” a tia.

JOB LEKHABU 1:21

“Ka nu sul ah kipat ngawnchang in ka hung pawtdok in, ngawnchang ma ma’n kile’kit ding ka hi; Lalpa‘n ei pia’n, Lalpa‘n a la kit tai; Lalpa min chu pâk in um ta hen,” ti in.

SAM 10:16

Lalpa chu kumtuang, kumtuang â dingin lal ahi’n; a gam ah kipat namtin mangthai ta’n au.

SAM 102:24

Keima’n, “Aw ka Pathian, ka vanglai nite hin ei lamang kin la, la kumte chun suan zosia tiang a dai hi,” ka ti tai.

SAM 107:15

Mihing chate a lainat ziak ah, a thilbawl mak takte ziakin, Lalpa chu pâk tau hen!

SAM 107:22

Amau chun kipakna thil latte chu piau hen la, a thil bawlte chu kipakna La sa kawm in gen vêl tau hen.

SAM 107:31

Mihing chate a lainat ziak ah, a thilbawl mak takte ziakin, Lalpa chu pâk tau hen!

SAM 107:8

Mihing chate a lainat ziak ah, a thilbawl maktakte ziakin, Lalpa chu pâk tau hen!

SAM 111:7

A khut nasepte chu a ginum in, a dik hi; a thununna thu zosia chu a muan um hi.

SAM 121:1

Tângte lam ah khin ka mit ka vak te to ah, khoilam ah kipat ei panpi ding a hung tung diam?

SAM 123:1

Aw nang, vante ah lalchutpha ah chupa, nangma lam in ka mit ka hun te to hi!

SAM 145:13

La lenggam chu kumtuang lenggam ahi’n, la thuneina chun suan zosia tiang dai in ah. Lalpa chu a thugen zosia’n a ginum in, a thilbawl zosia ah lainatna nei ahi.

SAM 146:10

Lalpa‘n kumtuang in vaihawm in a, aw Zion, la Pathian chu suan zosia tiang in lal in a. Lalpa chu pâk tau in!

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

SAM 66:7

a thilhitheina chun kumtuang in vai a hawm a; a mit in namtin a en a, kiphin mangte chu a chung in kisuang kiu hen.

SAM 7:17

Lalpa dikna ziakin a kiang ah kipak thu gen ing ka tin; Lalpa, Chungnung pen min chu pâk in La sa’ng ka.

SAM 9:2

Nangma ah lim ah kipak in; aw, Nang Chungnung pen, la min pâk in La sâng ka.

SAM 92:1

Lalpa kiang ah kipak thu gen leh aw Chungnung pen, la min pâk ah La sak hi a pha na e!

ISAI 13:11

Khawvel chu a gitlona ziakin gawt ing ka tin, mi nunsiale a thilbawl siat ziakin gawt ta’ng ka; chuleh, mihuhamte kisaktheina le hitawp ing ka tin, leng gilo leh lungpawngte chu koi niam ding ka hi.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

KÂ LATE 3:38

A pha leh a sia hi Chungnung pen Pa, kam ah kipat hung pawt hilo maw?

DANIAL 12:7

Puan malngat ah kithuam, luinâk lam ah umpa chun a khut changlam leh a khut veilam van lam in a jak to a. Ama’n zia hun tunna ding chu hun khat, hun ni leh hun kimkhat zaw leh mithiangthote thilhitheina sukchimitna tung intin, ziaphat chuleh, zia thil zosia bukimna chu tung ta’n a, ti’n kumtuang ah hingzingpa min ah kipautiam hial in a hun gen a.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

DANIAL 4:2

Chungnung pen ah Pathian in, kei â ding ah tepte’na leh thil kidang tak a bawlte chu ka ngaitua in ka kipak hi.

DANIAL 4:26

Chuleh, thingbul tawh a zung nusia ding ah thupiak dungzui in, Van ah umpa chu a Chungnung pen hi ti la hun hetdaw kit phat leh, la lenggam chu nang â ding ah phudet piak kit hi ta’n a.

DANIAL 4:3

A tepte’na bawlte chu a lamdang in, a thilmak bawlte chu a hatna e! A lenggam chun kumtuang a dai in, a lalna chu khang zosia â ding ahi.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

DANIAL 4:36

Ziaphatchun, ngaituana pangai ka hun nei kit tai; tichun, ka lenggam lopina dingin, ka lopina leh ka thupi’na zosia chu piak kit in ka hung um tai. Ka thudot sekte leh ka milian milalte chun ei hung hawldok tau a; tichun, ka lenggam chung ah tundin kit in ka hung um a, lopina thupi zaw sêm piakbe in ka um tai.

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

DANIAL 5:21

Mihing lak ah nawdaw ah um in, ganchate ngaituana lungthim piak in a um tai. Chungnung pen ah Pathian in mihingte lenggam chung in vai a hawm in, a nop nop a tungding sek hi, ti a hun hetdaw masangsia, gam sabiltungte tawh kipawl in, bawngchal gual in hampa’n a kivak tai.

DANIAL 6:26

Thupiak ka bawl tai: Ka lenggam ah mi zosia’n Danial Pathian chu lau in, kithing tau hen: Ama chu Pathian hing, kumtuang dai ahi ngal a. A lenggam suksiat ni um pua’n tin, a lalna’n tawp a nei puai.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

DANIAL 9:14

Tichun, ka chung ua thil phalo a hung tun masangsia a la entha zing hi. Lalpa ka Pathian uh vang a thilbawl zosia ah dik suak a hisiat tawh; ama aw ka la ngaisak ta paw’ngal un.

JONAH 1:14

Ziaphatchun, Lalpa kiang in a kikodok tau a: “Aw Lalpa, lungsiat tak in zia mipa ziak hin keihaw ei sumangthai lo ding in ka hun ni ui. Midik thisan maw ka chung un nga kin; aw Lalpa, nang in, la nawp dan dan in la bawl ngal a,” a tiu a.

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

LUKA 1:33

Jakob suante chung ah kumtuang in vaihawm intin, a gam in tawp ni nei ta pua’n a,” a tia.

LUKA 18:13

Sedawlpa chu vang gamla tak in a ding ah, van lam le dak ngam lo ah a awm chûm kawm kawm in, ‘Pathian, kei migilo ka hi, ka chung ah jangai in’ a tia.

JOHAN 5:26

Pa chun ama ah chun hinna a nei hi; zia gual ma chun Chapa’nle hinna nei dingin a pia’i;

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

THUPUAN 10:6

Van leh vanlai jawl ah thil um zosia, lei leh a chung ah thil um zosia, tuisuagiat leh a sung ah thil um zosia siamtu, kumtuang ah hing zing min ah chun a kitiam a: “Hun chu sawt nawt ta pua’n a.

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.

THUPUAN 4:10

upa sawmni leh palite chun lalchutpha kichû chu, a ma-âng ah bokkhup in a ho sek un; kumtuang ah hing zing pa ma ah chun a lallukhukteu chu a koithâu ah, chibai a bûk sek ui.

THUPUAN 4:9

Zia thilhing palite chun kumtuang ah hing zing lalchutpha ah kichu chu a chawihoi un, jana a piau ah, kipak thu a gen phat ua leh,