DANIAL 4:2 - PATHIAN LEKHABU THIANGTHO (BSI)

² Chungnung pen ah Pathian in, kei â ding ah tepte’na leh thil kidang tak a bawlte chu ka ngaitua in ka kipak hi.

DANIAL 4:2 ပူးပေါင်းရင်းမြစ်များ

JOB LEKHABU 7:14

nang in ka jan mang in lei thêm lau ah, kilâkna lei musak te’n ei hilau hi;

SAM 51:14

Aw Pathian, nang, ei hukhingpa, ka Pathian, thisan sua’na lak ah kipat, ei hukhing inla; chutichun, ka lei hin lei hukdawna thu, ngai tak in la’n sa’n a.

SAM 65:9

Lei hi la kantha’n, tui in la vâk ah, nasa tak in la hausatsak a; Pathian luidung chu tui in a dim a; lei ah mipite chu bu la pia’n, zia gual ding him ah chu la guanggal ahi ngal a.

SAM 66:16

Pathian lau zosiate haw, hung unla, ngai un; tichun, a thil ei bawlpiakte hun hil ing ka.

SAM 71:18

Aw Pathian, ka teksiat ah, ka samkâng hun tiang inle, la hatna thu hi khangthak, hung um nalai dingte zosia kiang ah, ka tâklat masangsia ei nusia kin.

DANIAL 2:1

Nebukadnezar lal kum ni’na chun, Nebukadnezar in mang a nei ah, a lungkham ziakin a ipmu thei ta pua’n.

DANIAL 3:26

Nebukadnezar in meipi kuang lûtna kotkhak chu a nai phei ah, “Chungnung pen ah Pathian nasêmte Sadrak, Meshak leh Abednego hung pawt un! Zia hin hungdok un!” ti’n a ko a. Tichun, Sadrak, Meshak leh Abednegote chu meipi kuang lakah kipat chun a hung pawtdok tau a.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:24

Aw lengpa, Hat Chungnung chun ka lalpa, lengpa chung ah thil hung tungding ah thupuan a bawl thu, hilchianna chu zia hi ahi:

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

DANIAL 5:18

Aw lengpa, Chungnung pen ah Pathian in, la pa Nebukadnezar kiang in lalna, thupi’na, minthanna leh ja’umna a la pia’i.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

JOHAN 4:48

Jesu chun a kiang in, “Tepte’na leh thilmakte la mulo ua leh, ei gingcha tak tak lo ding la hiu,” a tia.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.