DANIAL 4:16 - PATHIAN LEKHABU THIANGTHO (BSI)

¹⁶ A mihing lungthim chu, gamsate lungthim in then piak hi hen. Zia gual chun kum sagi um hen.

DANIAL 4:16 ပူးပေါင်းရင်းမြစ်များ

2 SAMUEL 18:32

Lengpa chun Kush mi kiang ah chun, “Aleh, tangval Absalom a pha na em?” ti’n a dong a. Kush mi chun, “Lengpa, ka Lalpa siatna ding tup ah pang zosia chung in, zia tangval gual gual ah chun um chiat tau hen,” a ti tai.

ISAI 6:10

Zia mipite ngaituana hi hi’chau inla, a nakhang uh le hi’ngong inla, a mit uh le hi’thûm piak in; achutiloleh, a mit un mu’n tin uh, a bil un ngaitha’n tin uh, a ngaituanau in hechian in, hung kihei kit in, sukdam in um kha’n au,’ ti’n vagen in,” a ti’n.

DANIAL 11:13

Mallam lengpa chun sepai tam zaw diak, a masa sâng ah tam zaw hun siam intin, kum bang jat a hem zaw in hung do kit têi in a; sepai hon tam tak tawh matchâk nasa tak in hun zathuap ta’n a.

DANIAL 12:7

Puan malngat ah kithuam, luinâk lam ah umpa chun a khut changlam leh a khut veilam van lam in a jak to a. Ama’n zia hun tunna ding chu hun khat, hun ni leh hun kimkhat zaw leh mithiangthote thilhitheina sukchimitna tung intin, ziaphat chuleh, zia thil zosia bukimna chu tung ta’n a, ti’n kumtuang ah hingzingpa min ah kipautiam hial in a hun gen a.

DANIAL 4:23

Chuleh, van ah kipat vêngtu thiangtho in, “Thing chu phûk inla hi’sia’n; himaleh, lei ah a bulsum leh a zungte chu vang gamlak hampa hing lak ah thîk leh sum-eng in hên in; tichun, van dâichîm in chapno hen la, a chung ah hun sagi a kiak masia, gamlak ah gamsate lak in um ta hen,” ti ah hun gen lengpa’n la mu chu–

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

DANIAL 7:28

Zia tiang ah chun a thu a tawp tai. Keima Danial vang, ka ngaituana’n ei hi’lau ma ma in, ka mai a hung dâng hial tai; himaleh, zia thu chu ka lungthim in ka vop zing tai.

HEBRAITE 1:11

ziate chu hung mangthai intiu in, himaleh, nang chu la um zing hi: zia zosia chu puan gual in a la chul intiu in,

THUPUAN 12:14

Numei chu, hun khat, hunte leh hun kim khat sung, zia gûlpi ah kipat chu jam mang ah gamthip ah ama vâk ah a umna mun ah leng lut dingin mupi thâ pani a piau a.