DANIAL 3:12 - PATHIAN LEKHABU THIANGTHO (BSI)

¹² AW lengpa, Babulon bial ah vaihawm ding ah la guatte lakah Juda mi, Sadrak, Meshak leh Abednegote hin la thupiak a ngaisak puau hi; amau hin la pathian na a sêm nuam puau ah, la sana milim siam le a ho nuam puau hi,” a hung tiu a.

DANIAL 3:12 ပူးပေါင်းရင်းမြစ်များ

ESTHER 3:8

Ziaphatchun, Haman in Lengpa Ahasueras kiang in, “La gam sung pumpi huap ah kithejak, la mipite tawh le kibang lo, a dan zuiteu chule la gam ah midangte tawh kibang lo ah kichuamse ma ma, lengpa dante le zui nuam lo, lengpa’n la daidawp lo ding nam khat a um un.

THUPILTE 27:4

Lungnatna chu a huaisia’n, siatchang le a so in; himaleh, kua a hem mitthipna thuak zo ding?

THUGENTU 4:4

Sepgimna leh thiamnêl tak ah nasep thilbawl zosia hile, midangte îtsikna ziak bep ahi ti ka mu tai. Zia hile bangmalo mai mai leh lunggimna mai mai ahi.

DANIAL 1:7

Leng In ah hotupa chun, a min ding uh a chuam a phuak piak chiat a: Danial chu Belteshazzar a sak ah, Hananiah chu Sadrak a sak ah, Mishael chu Meshak a sak ah, Azariah chu Abednego a sak hi.

DANIAL 2:48

Tichun, lengpa chun Danial chu a koisâng ta’n, thilpiak thupi tak tak le a pia’n, Babulon lenggam zosia chung ah vaihawm ding leh, Babulon mipilte zosia chung ah thunei in a koi tai.

DANIAL 2:49

Danial in lengpa kiang ah a dotna dungzui in, Sadrak, Meshak leh Abednego te chule Babulon gambung ah vaihawm dingin a pansak tai. Himaleh, Danial chu vang, lengpa Inpi sung in a umden tai.

DANIAL 3:11

chuleh, kuale bokkhup ah ho lo taphot chu, meipi kuang sung ah se’lût ngal ding ahi, ti in.

DANIAL 3:16

Sadrak, Meshak leh Abednego chun lengpa kiang in, “Aw Nebukadnezar, zia thu ah hin la âng ah ka kilep uh a ngai puai.

DANIAL 3:29

Ziaziakchun, thupiak ka bawl tai: mitin, namtin leh pautin lak ah kipat Sadrak, Meshak leh Abednego Pathian gensia thugen taphot chu sât tel in um hen la, a In uh le suksiat ding ahi; zia gual ah hukdok thei pathian dang him him a um paw’ngal in,” ti’n a gen tai.

DANIAL 3:30

Tichun, Sadrak, Meshak leh Abednegote chu lengpa’n Babulon gambung chung in a kaisânsak tai.

DANIAL 6:13

Chuleh, lengpa kiang in, “Aw lengpa, Judai gam ah kipat sal ah mat Danial chun, la thupiak a ngaisak pua’n, la thupuan ah la min zikna khale ja’ lo in, ni khat ah thumvei a pauchap zing hi,” a tiu a.

DANIAL 6:14

Zia gual ah a hêknau chu a het phat in, lengpa chu a lungkham ma ma a. Danial a hukdaw theina ding dan sûn nitum in a ngaitua tai.

NASEPTE 17:7

Zia Jason hin a la tunsak a. Amau haw hi Lengpa, Kaisar vaihawmna dan botsia a hiu a, ‘Leng dang pakhat Jesu kiti a um hi,’ a tiu a,” ti’n a kiko pek ua.

NASEPTE 5:28

“Zia min ah hin thu gen lo dingin thu khau tak ka hun pia tau in; himaleh, la thuhil uh hin Jerusalem sung la sudim tau ah, zia pa thisan maw chu ka chung ua but gua ham ham la hiu maw!” a ti’n.