DANIAL 3:1 - PATHIAN LEKHABU THIANGTHO (BSI)

¹ Lengpa Nebukadnezar in milim lian tak, a sân dan tong sawmguk leh a vai tong guk in a siam a; zia chu Babulon gam sung ah Dura phâijawl in a koi a.

DANIAL 3:1 ပူးပေါင်းရင်းမြစ်များ

1 LENGTE 12:28

Tichun, lengpa chun, midangte lemguatpina dungzui in, sana bawngno lim pani a siam a. Mipite kiang ah chun, “Jerusalem ah la chiatonau kha a sawt tho tai. Aw Israel, la Pathianteu, Aigupta gam ah kipat hun puidokte chu ziate hi a hiu,” a tia.

ESTHER 1:1

Ahasueras, India gam ah kipat Ethiopia tiang ah gambung za sawmni leh sagi chung ah vaihawmpa, zia Ahasueras ma ma lal lai ah chun zia gual hi a hung tung a.

SAM 135:15

Namtinte milim pathian chu, dangka leh sana po ahi’n, mihing khutsuak bep ahi.

PAWTDAWNA THU 20:23

Keima kibatpi dingin dangkathik ah kisung pathian la siam lo diu a hia, sana ah pathian limle la siam lo ding uh ahi:

PAWTDAWNA THU 32:31

Tichun, Mosi chu Lalpa kiang lam in a kile’kit ah, a kiang in, “Tamaijen, zia mipite hin thil huaisia tak a la bawl khial tau hi; amau â dingin sana pathiante a la kibawl ta mai un;

ISAI 2:20

Ziaphat chuleh, a ho ding ua a bawl uh, a sana leh dangka milimteu chu, bûi leh bâkte chênna ding bep in, pai mang ta’n au;

ISAI 30:22

Ziaphat chuleh, dangka tuiluan ah milim kisiamte leh, sana tuiluan ah milim kisiamte chu hun khên tel ta’n lau. Puansia ki’dak um tak gual in pai mang in, “Pawt mang tau in,” hun ti ta’n la.

ISAI 46:6

A sakhau ua kipat in sana a sungdok a, dangka thîkte chu bûkna te’te chun; sana bawl mi a gawi un, a pathian ding uh a bawl piak un; ziate ma-âng ah chun a bokkhup un, a ho tau hi!

JEREMIAH 10:9

Tarshish ah kipat in dangka kisek a hun puau ah, Uphaz ah kipat in sana a hun puau hi. Ziate chu mi khutthiamte khutsuak leh, sana sêkte siam a hiu; a kithuamnau puante chu, a dum leh a sandup ahi’n; mi khutthiamte khutsuak ngen ahi.

JEREMIAH 16:20

Mihing in amau â dingin pathian a kisiam thei ua a hem? Zia haw chu pathian ahi talojen hi!

DANIAL 2:48

Tichun, lengpa chun Danial chu a koisâng ta’n, thilpiak thupi tak tak le a pia’n, Babulon lenggam zosia chung ah vaihawm ding leh, Babulon mipilte zosia chung ah thunei in a koi tai.

DANIAL 2:49

Danial in lengpa kiang ah a dotna dungzui in, Sadrak, Meshak leh Abednego te chule Babulon gambung ah vaihawm dingin a pansak tai. Himaleh, Danial chu vang, lengpa Inpi sung in a umden tai.

DANIAL 3:14

Nebukadnezar in a kiang un, “Aw Sadrak, Meshak leh Abednego, ka pathian na la sêm nuam puau in, ka sana milim siam le la ho nuam puau ti thu ka la het hi a dik em?

DANIAL 3:30

Tichun, Sadrak, Meshak leh Abednegote chu lengpa’n Babulon gambung chung in a kaisânsak tai.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

DANIAL 5:4

Zu a dawn phat un, sana, dangka, sum-eng, thîk, thing leh suang ah kisiam pathiante chu a pakcha tau a.

HOSEA 2:8

Bu te, uain te, sathau te, chuleh, Baal â ding ah a mat uh, dangka leh sana sukpun piak chu, keima ka hi ti amanu’n a hepuai.

HOSEA 8:4

Keima pang lo in leng a kisiam un, ka hetlo kâl in hotute a kisiam ui. Amau siatna ding bep in a dangkau leh, sana’n milim a kisiam ui.

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.

NASEPTE 17:29

Pathian suante I hiziak un, Pathian chu sana a hem, dangka a hem, suang a hem, mihing khutthiam ah bawl kawm thil a hem gual ah I ngai ding uh ahi puai.

NASEPTE 19:26

Ephesa khua bep ah le hilo in, Asia gam zosia hial inle, zia Paul hin, ‘Khut ah siam pathiante hi pathian ahi puai,’ ti’n mi tampi a thêm zo ta’n, a pui mang zo tai ti hi nangmau ngei in la muu in, la hiau hi.

DAN LEKHABU 7:25

A pathian lim siamteu chu mei in hâltum unla, a sana leh dangka neiteu chu enla kiu in; nang uh â dinginle kilâk diak kiu in. Nang uh subuai ah hung pang ziang thei a hiziak un; ziate chu Lalpa la Pathian un a ki’dak lam tak ahi ngâl a.

THUPUAN 9:20

Zia gawtna thi lo sunte chun a khut nasepteu, thithate, sana milimte, dangka milimte, sum-eng milimte, thing milimte, khua mu theilo, hethei lo leh chia theilote chu ho lo dingin a lung uh a hei diak puau a.