DANIAL 2:9 - PATHIAN LEKHABU THIANGTHO (BSI)

⁹ mang chu lei hillo ua leh, nang uh â dingin thupiak khat bep a um hi: A hun hung kitheng ta ding chu la tiu a, kizuauzawp tak ah thuzuau leh la nop nop ua lei la thep sek uh ahi. Ziaziakchun, mang chu ei hil un, chutileh, a hilchetna chule ei hil thei la hiu ti hechian tâng ka,” ti’n a dawnhu tai.

DANIAL 2:9 ပူးပေါင်းရင်းမြစ်များ

1 LENGTE 22:22

Lalpa chun, ‘Bangti’n la zawl pûk diam?’ ti’n a dong ah. Ama chun, ‘Chiadok ing ka tin, a jawlneite zosia kam ah thagau lepchia vahi’ng ka,’ ti’n a dawnhu a. Lalpa chun, ‘Vazawl pûk in la tin, lawting ngei ding la hi; chia inla vabawl in,’ a tia.

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

ESTHER 4:11

“Lengpa nasêmte zosia leh a gam sung ah mipite zosia’n a het chiat uh, kuale numei hi’n pawsal hiziang maleh, lengpa’n a ko lo ah a Indan sungnung ah lût tapo chu, thalup ngal ding ti dan a um hi; ahi’n la, lengpa’n a lal tiang a la lapsân leh vang chu, zia mi chu hing ding ahi. Keima hile tu’ ni sawmthum sung hi lengpa kiang ah lût ding ah ko ah um talo ka hi tai,” vati dingin a sawl a.

THUPILTE 12:19

Zuau thei chun mitphet kâl le a dai pua’n; thudik in vang kumtuang a dai sek hi.

ISAI 41:23

Tu’nung ah thil hung tung dingte chu ei hil un; tichun, pathiante a hi’dan uh ka hettheina dingin; ka lau ua, ka tizat theina ding un, a pha hi’n, a sia hileh hun bawl un.

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

EZEKIEL 13:17

Nang mihing vang, amau ngaidan bep ah thugen, la mipite lak ah numeite kãl in kihei in; amau kãl in thu gen inla,

EZEKIEL 13:19

Ka mipite lak ah barli bu khutdim khat leh an kam khat ah ei zuak thanghuai ah, zuau ah ka mipite la them zo un, a hing dingte that ah, a thidingte la hawi ui.

EZEKIEL 13:6

Zuau thil a muu in, zuau thu a gen un, Lalpa‘n a sawl lo pi’nle, “Lalpa‘n a gen in,” a tiu a; a thugen uh guitunna a la ngâk nalai un!

DANIAL 2:16

Tichun, Danial chu a lût ah, lengpa kiang in a mang hilchetna ding ah hun chomkhat pia ding in a don tai.

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

DANIAL 2:8

Lengpa’n a kiang un: “Thu tanna khau tak ka bawl tâk ziakin, hun a sau thei pen la neina ding bep uh ngaitua la hiu ti ka hechian tai;

DANIAL 3:15

Tu’hin, a la kiging unla, pengkulte, lilute, tingtangte, gawsemte, nawtgitte, tumgit pêng ni neite leh thil githei chitinte git la het phat ua leh, bokkhup unla, ka milim siam hi bia un; chutileh, bangkim pha mai ding ahi. Ahi’n la, la biak nop lo uh leh vang, meipi kuang sung ah kin tak ah selut ziang ding la hiu, ka khut ah kipat nang uh hukdok thei ding pathian chu kua a hem?” ti’n a gen a.

DANIAL 5:28

PERES chu, la lenggam chu lâkpiak a hita’n, Mede tawh Persiate kiang ah piak ahi tai, ti’n a hilchian piak tai.

DANIAL 5:31

Chun, Medeste Lengpa Darius in lenggam chu a la tai; ama chu kum sawmguk leh ni ah upa ahi.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

2 KORINTH 2:17

Mi tam tak in, Pathian thu chu mite thêm ah sumdawnna a mat gual un, kei un vang ka mang puau a; titak zet in, Pathian sawl ah Pathian mitmu in, Khrista ah chun ka gen zawu ahi.