DANIAL 2:41 - PATHIAN LEKHABU THIANGTHO (BSI)

⁴¹ A kengpêk leh a kengzungte, thîk tawh tungman kihel la mu gual khan, lenggam chu khen jak hita’n a; himaleh, a lak ua khenkhatte chu thîk gual ah hat lawi um in au, thîk tawh tungman kihel khawm la mu gual ah khan.

DANIAL 2:41 ပူးပေါင်းရင်းမြစ်များ

DANIAL 2:40

Chuleh, lenggam pali’na, thîk gual ah hat hung um intin; thîk in thil a khet gawp ah, a khet nawn gei gui gual hin a dang zosia chu hun khen nawn dim dem in a.

DANIAL 2:42

A kengpêk ah a kengzungte, thîk leh tungman kihel ahi gual in, lenggam chu hatna tiang nei, dêngdelna tiangle nei hi kit ding ahi.

DANIAL 7:24

Kî sawmkhatte chu: Zia lenggam ah kipat chun lal sawmkhat, hung pawtdok intiu in, ziate nung ah chun a dang khat hung pawtdok in a. Zia pen chu a masa haw tawh bang pua’n tin, ama chun lal pathumte chu subei ta’n a.

DANIAL 7:7

Zia nung chun, gaulam ah jan ah ka thil mu’lawk lak ah gamsa, a pali’na chu ka mu ta’n; tizat um, lau um tak leh hât mêl pu ma ma khat ahi. Thîk hâ lianpi a nei ah, a nêk tâk chu a thainêl ah, a nêkbang cheng a chuanchil tai. A masang ah gam sahâng dangte kha tawh a kibang pua’n, kî le sawmkhat a nei hi.

THUPUAN 12:3

Zia ban ah chun, tepte’na dang pakhat a hung kilang kit a: Dragon san lian tak pakhat, luchang pasagi tawh kî sawm nei, a luchung ah lallukhuk pasagi khuk a hung kilang a.

THUPUAN 13:1

Sahâng pakhat luchang pasagi leh kî sawm nei; a kîte ah chun lallukhuk sawm leh a luchangte ah chun Pathian gensiatna min kizik, tuisuagiat ah kipat hung pawt chu ka mu’n.

THUPUAN 17:12

Chuleh, a kî sawm la mute kha lal sawmte a hiu; tu’hin vang lenggam a nei nai puau hi; ahi’n la, hun dan kâl khat sung vêl chu sahâng tawh lalte gual in thunei tak in um in au.