DANIAL 2:4 - PATHIAN LEKHABU THIANGTHO (BSI)

⁴ Kaldaite chun a kiang in: (Aramaic pau in) “Aw lengpa, dam sawt in! La suakte hi la mang chu hil inla, hun hilchian piak ing kau,” a tiu a.

DANIAL 2:4 ပူးပေါင်းရင်းမြစ်များ

THILSIAM THU 31:47

Laban in zia suang tian khawm chu Jegar-sahadutha a sak ah; Jakob in Galeed a sak hi.

THILSIAM THU 41:8

Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

1 LENGTE 1:25

Tu’ni hin a chia suk ah, bawngchalte, gan kivakthaute leh belamte tam tak a that ah, leng chate zosia leh sepai hotu Joab leh thiampu Abiathar le a chial ah; amau chun a âng in a ne’n a dawn ua, ‘Pathian in Lengpa Adonijah hukhing hen!’ a tiu hi.

1 LENGTE 1:31

Ziaphatchun, Bathsheba chun a mai ah lei tual si’n lengpa jana a pia’n, “Ka lalpa, Lengpa David dam sawt hen!” a tia.

2 LENGTE 18:26

Ziaphatchun, Hilkiah chapa Eliakim leh, Shebnah tawh, Joan chun Rabshakeh kiang in, “Mipi bâng chungah umte het thei dingin; lungsiat tak in, Juda pau hilo in, Aramaic pau in thu hun gen in; ka hetheitho ngal ua,” a tiu a.

EZRA 4:7

Chuleh, Artaxerxes lal lai in, Bishlam, Mithredath, Tabeel leh a lawite zosia’n Persia Lengpa Artaxerxes kiang in lekha a zik un; zia lekha chu Aramaik pau ah a zik uh kiletdok ahi.

NEHEMIAH 2:3

Lengpa kiang ah chun, “Lengpa, damsawt in! Ka pu leh pate thân umna khawpi sukchimit leh, a khawpi kul kotkhakte hâl tum ah um ta mai chu bang ding ah lungngai mêlpu lo thei ding ka hem?” ti’n ka dawnhu tai.

ISAI 36:11

Ziaphatchun, Eliakim, Shebna leh Joah chun Rabshakeh kiang in: “Lungsiat tak in la suakte kiang ah hin Aramaic pau in thu gen in, zia chu ka hethei ngâl un; kulbâng chung ah mite hetthei ding Hebrai pau in vang thu gen kin,” a tiu a.

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

DANIAL 1:4

Israel tangval mêlpha leh pian bukim, pilna lam zosia ah thiam, hetthiamna leh lungthim pil, lengpa Inpi ah nasêm thei ding bang jat a hem hun têldok ah, Kaldaite lekha leh pau zilsak dingin thu a pia.

DANIAL 2:7

Amau chun: “Lengpa’n a suakte kiang in a mang chu hilphot hen la, ziaphat chuleh, a hilchianna gen piak ing kau,” a tiu a.

DANIAL 3:9

Lengpa Nebukadnezar kiang in, “Aw lengpa, damsawt in!

DANIAL 4:19

Ziaphatchun, Danial, Belteshazzar kiti chu, lungkham tak in chomkhat a um a. A ngaituanate chun a sudîpchâk ta’n. Lengpa chun, “Belteshazzar mang hileh, a hilchianna chun hun subuai kiu hen,” a tia. Belteshazzar in, “Ka lalpa, mang chu nang hun mudate chung ah tung hen la, a hilchianna chule la mêlmate chung in tung ta hen!” ti’n a dawnhu a.

DANIAL 4:7

Tichun, mitvaidawi thiamte, Kaldaite leh âisân thiamte chu a hung khawm un, ka mang chu a kiang un ka hil ah; himaleh, a hilchian thei a um puau hi.

DANIAL 4:9

“Aw Belteshazzar, mitvaidawi thiamte hotupa, nangma ah chun pathiante thagau thiangtho a chêng hi ti ka hia’n, nang â dingin thugûk hetdaw haksa a um puai. Ka mang hi ngai inla, ei hilchian piak ngal in:

DANIAL 5:10

Lengnu’n, a milian leh lalte holimna a het phat in, luaithe’na Indan ah chun a valût a. Lengnu chun, “Aw Lengpa, damsawt in! La ngaituana’n hun sulau ki’hen la, la mêlle dâng ziang ki’hen.

DANIAL 5:8

Tichun, lengpa mipil zosia chu a hung khawm tau a; himaleh, zia lekha kizik sim thei leh lengpa kiang ah hilchian piak thei kuama a um puau hi.

DANIAL 6:21

Tichun, Danial in, “Aw lengpa, damsawt in!

DANIAL 6:6

Tichun, gam pumpi vaihawmte leh gambung tin chung ah vaihawm mite chu lengpa kiang in a hung tau a, a kiang in, “Aw lengpa Darius, damsawt in!

DANIAL 6:7

Gam zosia chung ah vaihawmte, gambung tin ah vaihawmte, danthiam mi zosia leh thudot mite zosia hin, lengpa’n thupuan khat bawl hen la, khau tak in mi a zui leh a zui lo hetchian hihen la; tichun, kuale nangma, Aw lengpa, ni sawmthum sung nangma hun ho lo ah mihing a hem, pathian a hem, a dang khat ho taphot chu sakeibaknei kul sung ah pai lut ziang ding hi hen.

MATTHAI 21:9

A ma lam ah chiate leh a nung lam ah hungte chu a kiko ua: David Chapa kiang ah Hossana! Lalpa min ah hung chu a vangpha ahi! Chungnung pen ah Hossana! a tiu a.

1 SAMUEL 10:24

Samuel in mipi zosia kiang ah chun, “Lalpa‘n a têl chu la mu’nau em? Mipite lak ah hin ama tawhbang kuama dang umlo ahi,” ti’n a gen a. Chuleh, mipite chun, “Lengpa chu damsawt hen,” ti’n a kiko tau a.