DANIAL 2:23 - PATHIAN LEKHABU THIANGTHO (BSI)

²³ Aw, ka pu leh pate Pathian, nang in pilna leh hâtna lei pia ta’n, la kiang ah ka thil dot uh ei hiatsak in, lengpa’n ei phût chu lei hiatsak tâk ziakin, la kiang ah kipak thu gen in ka hun chawihoi hi,” ti in a gen tai.

DANIAL 2:23 ပူးပေါင်းရင်းမြစ်များ

THILSIAM THU 18:17

Lalpa chun, “Ka thilbawl guat hi Abraham kiang ah hin ka îm dia aw?

THILSIAM THU 31:42

Ka pa Pathian, Abraham Pathian, Isak in a Lau-pa chu ka kiang ah umlo hivang leh, tu’hin le ngawnchang ah ei chiasak ngei ngei ding la hi hilam. Pathian in ka genthei dan leh ka sepgim dan a mu’n, zia jan ah chun a hun vau ahi chulam!” ti’n a dawnhu a.

1 LENGTE 18:36

Kithoina chi khat lat hun ah chun jawlnei Elijah in a hun nai ah, “Aw Lalpa, Abraham, Isak leh Jakob Pathian, nangma hi Israel ah Pathian la hi’n, kei hi la suak ka hi ti leh, lei sawl ah zia thilte hi ka bawl ahi ti tu’ni hin hun tâklang in.

1 LENGTE 8:57

I pu leh pateu kiang ah a la um gual in, Lalpa I Pathian uh chu I kiang un um hen; ei nusia in ei kiheimangsan ki’hen la,

1 KHANGTHU 29:10

Ziaphatchun, David chun mipi kikhawm zosia ma-âng ah chun Lalpa a chawihoi ta’n; David in zia gual hin a gen a: “Aw Lalpa, ka suantu bul uh Israel Pathian, nangma chu kumtuang tiang in ka chawihoi hi.

1 KHANGTHU 29:13

Tu’hin, ka Pathian uh, la kiang ah kipak thu gen in, la min lopi tak chu ka chawihoi uh ahi,” a tia.

2 KHANGTHU 20:6

zia gual hin a hun genah: “Aw Lalpa, ka pu leh pateu Pathian, van ah Pathian hilo la hem? Khawvel ah nam tinte lenggam zosia chung ah vaihawm hilo la hem? Nangma khut ah thilhitheina leh hatna zo ding kuama a um puau hi.

SAM 21:2

A lungtup chu la pia ta’n, a thil dot chu la ît ngai paw’ngal a.

SAM 21:4

Ama’n hinna a don ah, kumtuang, kumtuang ah dam sawtna la pia tai.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

THUPILTE 21:22

Mipil chu mi gâl hat khawpi do in a kuan in, a kisuanpi pen uh kulpi chu a sukchip piak sek hi.

THUPILTE 24:5

Thagum nei mi sâng in pilna gâldotu a phazaw hen; awm khau mai sâng in hetthiamna nei a pha zawi;

THUPILTE 8:14

Lemguatna leh hetna dik tak chu ka nei in, hiatthiamna leh hatna ka nei hi.

THUGENTU 7:19

Khawpi sung ah vaihawmtu mi sawmkhat sâng in, pilna chun mipil chu a hi’hat zawi.

THUGENTU 9:16

Tichun, “Pilna hi thagum hatna sâng in a pha zawi; ahi’n la, michaga pilna musit in a um ah, a kamsuakte chule ngaisak ahi puai,” ka la ti zing tai.

THUGENTU 9:18

Kido’na gâlvan sâng in pilna a pha zaw’n; himaleh, migilo pakhat in, thilpha a susia tam zawi.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

JEREMIAH 33:3

Ei ko in, chutileh hun dawnhu ing ka tin, la het ngai lo thil thupi takte leh kisêlgute hun hil ding ka hi.

DANIAL 1:17

Zia tangval palite chu Pathian in hetthiamna leh pilna lam zosia ah lekha thiamna leh pilna a pia ta’n; Danial in kilâkna leh mang lam ah hiatthiamna a nei chuam a.

DANIAL 2:18

Danial leh a lawite pum ah Babulon mipil zosia thalup a hilo’na ding ua, van Pathian in zia thugûk chu a hiatsak theina ding ah a ja’ngaina don dingin a hil a.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

LUKA 10:21

Zia lai tak ah chun, Jesu chu Thagau Thiangtho in a hung kipak ma ma ta’n: “Aw he pa, lei leh van Lalpa, zia thilte hi mipilte leh mithiamte lak ah la îm ah, nausente kiang ah la puandaw ziak hin, la chung in ka kipak hi; ahi ngût hi, He pa, namgma mit mu ah ziate chu hi’ding ah kilawm leh pha lasak him ahi.

JOHAN 11:41

Tichun, suang chu a likdok tau ah, Jesu’n van lam a en a, “He Pa, ka thu lei ngaithâk piak zing ziakin ka kipak hi.

JOHAN 15:15

Tu’khêl vang suakte hun ti ta pua’ng ka, suak chun a pu thilhite a he ngai puai; gualte hun ti zaw ta’ng ka, ka Pa ah kipat ka thil hiatteu zosia ka hun hiatsak sik sek tangal in.

THUPUAN 1:1

Jesu Khrista thupuan, Pathian in a suakte kiang ah hiatsak ding ah a piak, thil hung um pai dingte chu; zia chu a vansawlchâk hun sawl in, a suak Johan chu a hun musak ta’n;

THUPUAN 5:5

Ziaphatchun, upate lak ah pakhat chun, “Kap kin, Juda nam ah mi, sakeibaknei, David phunggui ah mi chun, lekhabu tepte’na chu tham ding leh phêt thei dingin zawna a chang tai,” a hun tia.