DANIAL 2:11 - PATHIAN LEKHABU THIANGTHO (BSI)

¹¹ Lengpa thil dot hivâng thil haksa ta lua ahi, mihingte lak ah um hilo pathiante lo’ngal in hedok thei pua’n au,” a tiu a.

DANIAL 2:11 ပူးပေါင်းရင်းမြစ်များ

THILSIAM THU 41:39

Pharaoh ma ma chun Joseph kiang in, “Pathian in zia zosia chu a hun hetsak ziakin, nangma gual ah hethiam leh mipil a um puai;

THILSIAM THU 41:8

Jingkal a hung hiphat in, a lungthim chu a buai ma ma ziang ta’n. Tichun, Aigupta gam ah mipil zosia leh dawithiam zosia chu ko khawm dingin mi a sawl ta’n. Pharaoh in a kiang un a mang chu a hil ah; himaleh, Pharaoh mang hilchian piak thei pakhat chale a um puau hi.

1 LENGTE 8:27

Himaleh, Pathian chu leichung ah hin chêng tak tak ding la hem? Van leh van sang pen inle a hun dawl pua’n, zia ka In sak diak diak hin hun dawl pua’n a!

2 KHANGTHU 6:18

Himaleh, nang Pathian hi, lei chung ah mihingte lak ah hin la hung chêng tak tak na diam? Van leh van sângpen inle a hun dawl lo la hiziak in, zia ka In sak hi nang â dingin a neuna ding e!

SAM 132:14

“Zia tak hi kumtuang ah, ka cholna ding mun chu hi hen la; zia tak ah hin chêng zing ing ka, ka la têlna mun ahi ngal a,” ti’n.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

PAWTDAWNA THU 29:45

Tichun, Israel suante lak ah chun chêng zing ing ka tin, a Pathian uh hi’ng ka.

PAWTDAWNA THU 8:19

Dawithiamte chun Pharaoh kiang in, “Zia hi Pathian khut ah thil kibawl ngei ngei chu ahi!” a tiu a. Himaleh, Pharaoh lungthim chu hikhau in a um zing hi.

ISAI 47:12

La khangdawng lai ah kipat la bawl tâk, la âisân thiam leh dawithiamte zosia chu tuchak zing in, la hung lawtin khâk pal ah, la mêlmate la hilau thei khâk leh.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 8:18

En tiam un, kei leh naupangte Lalpa‘n ei piakte hi, Zion tâng ah cheng sepaite Lalpa ah kipat Israelte lak ah tepte’na leh etsakna ka hiu hilam.

DANIAL 4:4

Keima, Nebukadnezar chu ka In sung ah nuamsa tak in ka chêng ah, ka lal In sung ah nei leh lam nuam tak ah chên in ka um a.

DANIAL 5:11

La lenggam sung ah hin pathian thiangthote thagau chênna mi pakhat a um hi. La pa dam lai ah khan, ama chun pathiante gual ah thil kisêlgu hiattheina, hetdik theina leh pilna a nei hi. La pa Nebukadnezar in ama chu mitvaidawi thiamte, âisân thiamte, Kaldaite leh dawithiamte zosia chung ah hotu’n a la siam a;

JOEL 3:21

A thisan phubau chu la’ng ka tin, a mawnau chu silthiang lo ding ka hi; Lalpa chu Zion ah a chêng ngal in.

KISIMNA LEKHABU 35:34

La chênna gam uh, keima le ka chênna gam hi subuak kiu in; keima Lalpa hi Israelte lak in ka chêng ngâl ah, ti’n a gen a.

MATTHAI 19:26

Jesu’n amau chu a en a, “Zia chu mihing â dingin thil hitheilo a hi; himaleh, Pathian â dingin bangkim ahithei hi,” a tia.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.