DANIAL 12:2 - PATHIAN LEKHABU THIANGTHO (BSI)

² Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

DANIAL 12:2 ပူးပေါင်းရင်းမြစ်များ

THUPILTE 12:8

Mihing chu a pildan dungzui chiat in pakchatna law intin; mi chanlam beite vang mu tawm in um in au.

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

JEREMIAH 20:11

Himaleh, Lalpa chu sepai hangsan tak gual in, ka kiang in a um zing a; ziaziakchun, ei sugentheite chu kipal pâi intiu in, tichun, ei zo pua’n au. Lawting lo ding a hiziak un, mualpho tak in um in au. A kumkhua minsiatnau chu, hetmil ni um ta pua’n a.

EZEKIEL 37:12

Ziaziakchun, a kiang un zia gual hin vagen in: Lalpa Pathian in zia gual hin a gen hi: Aw ka mipite haw, la thânteu hong ding ka hi’n, la thân ua kipat in hun puidok ding ka hi; tichun, Israel gam ah hun pui kit ding ka hi.

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

NASEPTE 24:15

Pathian lam ah kineppi pen, zia chu amau hawnle a ginchak tho uh, midik leh midiklote thawkitna thu hi a dik ngei hi ti keima’n le ka gin ahi.

NASEPTE 7:60

Ziazaw chun, a hung khupdin ah, aw ngai tak in a hung kiko ah, “Lalpa, zia gitlona hi a chung un sîk kin,” a tia. Zia chu a gen zaw in, a thi tai. Saul chun a thi chu lem a sakpi hi.

ROMTE 9:21

Bêllei tâng khat ah kipat bêl pakhat lûl tak ah mat ding ah, bêl dang pakhat lûl lo deu ah mat ding ah siam dingin bêlsêkpa chun, bêllei chung ah chun thu a nei pua hem?

1 THESSALONITE 4:14

Jesu a thi hen, a thokit tai ti I taksan ua chun, zia gual ma chun, Jesu ah ipmute chu Pathian in ama tawh kiton in hun pui ngei in a.

THUPUAN 20:12

Mithite, a lian a neu, lalchutpha ma-âng ah hung ding chu ka mu’n; ziaphatchun, Lekhabu chu a phêt un; chuleh, lekhabu dang Hinna Lekhabu kiti chu a phêt kit un; mithite zosia chu a thil hi dan uh Lekhabu kizik dungzui in thu a tan piak tau a.